Etekiera 5:10 - Te B'aib'ara

¹⁰ A na rangi ni kainanoa kanaia kaaro ma tiina n te aro are a na bon kang natiia, ao naati ana kana tamaia ma tinaia. Ao koraki akana a reke maiuia man te b'ai ae e kakamaaku aei a kamaaeaki nako n aki akaaka.

Etekiera 5:10 ပူးပေါင်းရင်းမြစ်များ

2.Uea 6:29

Ma ngaia are, ti a kuukana natiu te m'aane, ao ti kanna ngkoananoa ao n te bong aei ngke I a nakon ana auti b'a ti na kana natina te m'aane, ao ngaia e a tia ni karabaa.”

Neemia 1:8

I butiiko b'a Ko na uringa te berita are Ko karaoia ngkoa nakon Moote. Ko tuangnga ngkoa b'a ngkana ti aki kakaonimaki, ao Ko na kamaenikuniira i buakoia botannaomata ake ianena.

Taian Areru 44:11

Ko anga ngaira b'a kanga tiibu nakon te kamateaki; Ko kamaaenakoira i buakoia botannaomata.

Itaia 49:26

E na karaoia aomata aika a iowawaa aikai b'a a na bon kana irikoia ao a na mooi boni man raraaia. Ao ane a na ataai aomata nako b'a bon ara Tia kamaiu te UEA; Atuan Iteraera ae Moan te M'aaka are e kamaiuia ana aomata.

Itaia 9:20

kaanga taiani man aika a aki manana aika a un man tiringiia aomata nako ake i rarikiia, n reitaki naba ma bon aia koraki. Ma a bon aki naba rauaki.

Ieremia 13:14

Ao N na kaaioroia i bon irouia kaanga taian tiaeki. N na bon aki nanoangaa ae e uarereke ma ae a kara, a na bane n tiringaki. Bon aei au taeka Ngai ae te UEA.

Ieremia 19:9

Ane e na bane te am'arake ngkana a tabe n iangoa uruan te oo ami kairiribai b'a a na tiringngkami. Ao e na rikirake bakimi n te aro are kam na bon kana irikoia raomi ni karokoa naba bon natimi.

Ieremia 44:12

Bon ti tabeman ake a tangiria n tiku i Iuta, ao ngkami kam tangiria n nako Aikubita. Ma ane kam na mate n te mate ae e kakamaaku n te buaka ke te baki, n te aro are a na kamanenaa aran Iuta aomata tabem'aang b'a te taeka ni karereanti.

Ieremia 49:32

Ao i mwiina, a na aki riki ami kaamero ao te nanai n tiibu ae e korakora b'a ami b'ai. Kaain Rereuan Arabia, ane e na oroingkami te kabuanib'ai man taabo nako, ao ane kam na kamaaenakoaki i aon te aonnaba.

Ieremia 49:36

A na buaka kairiribai man taabo nako, ao kam na kairaki nako b'a taenikai nako ia botannaomatan te aonnaba.

Ieremia 50:17

Iteraera bon te nanai n tiibu ae e maae nako irouia raian aika a bora ni baki. Uean Aturia boni ngaia te moan kab'autiia Iteraera. Ao i mwiina, Nebukaneta, uean B'aburon, are e kangkanta riin Iteraera.

Ieremia 9:16

N na kamaenako ia i abaia ianena ae a tuai man ongongo taekana ma aia bakatibu. Ao n tokina, N na kanako ia kairiribai b'a a na tiringaia nikiraia.

B'aeb'aeti 2:20

Taraia Atuau! E aera ngkai Ko katuaaira n aron aei? A manga bon kang rab'ataia aia ataei aika a tangiriia tiina! A bon tiringaki ibonga ma burabeti n te Tembora!

B'aeb'aeti 4:10

E uota te b'ai ae moan te kakamaaku te kaangaanga are e riki; b'a a kaburoi oin natiia tiina b'a kanaia.

B'aeb'aeti 4:16

Akea riki manga taben nanon te UEA irouia; E a bon kamaenakoia. E a aki kubariia ara ibonga ma ara taan kairiiri.

B'aeb'aeti 4:3

E natinati te kameaanti aine, ma titebo au aomata ma taian tiakaore ake a kikitaniia buniia.

Etekiera 12:14

A na uamaae nako ana mataniwi ao ana taanga ni buaka nakon taabo nako, ma e na rimwiia te UEA ma n tiringiia.

Etekiera 12:15

E na kairoroia nikiraia kaain Ierutarem b'a a na maeka i abaia botannaomata ianena, ao a na uringaaba iai b'a bon ngaiia aika a karaoi baikai ni kabane.

Etekiera 17:21

A na tiringaki ana taanga ni buaka ake a bane aroia n te buaka, ao a na maaenako akana a reke maiuia n aki akaaka. Bon aei au taeka Ngai ae te UEA.

Etekiera 20:23

Ai ngaia are I karaoa Au tuea ae e matoa b'a N na kamaaenikuniia Iteraera nakoia botannaomata nako,

Etekiera 22:15

N na kamaenakoingkami i buakoia botannaomata n te aonnaba ao N na karokoa n tokina ami kawai ni kabane.

Etekiera 36:19

ao I kauamaae nakoia nako ia botannaomata ake tabeua, n aron ae a bon uaa korona.

Etekiera 5:12

A na mate katenim'akoromi i nanon Ierutarem ikai n te aoraki ke te baki. Katenim'akoromi a na mate n te buaka. Ao N na kamaaenakoia kabanean katenim'akoromi n aki akaaka, ao i mwiina, N na manga rimwi ngkami n tiringkami.

Etekiera 5:2

Ngkana ko tia ni buakana te buriki are e tei i bukin Ierutarem, ko na kauraa te b'ariko teuana are iram i aon te buriki. Ko na korokorea te kauoua ni b'ariko ao kab'akab'aka m'akorokoron nako iram ni katobibia te buriki. Ko na karenakoa te katenua ni b'ariko i nanon te ang, ao N na oroia n oin Au kabaang.

Etekiera 6:8

N na karaoia tabeman aomata b'a a na ri nanon te katuaaeaki aei, ma N na kamaaenikuniia nako buakoia botannaomata nako,

Taniera 9:7

Ko kakaraoa ae eti Ngkoe ae te UEA n taai nako, ma ti boni kamamaaira i boni iroura. Bon aei ae ti kakaraoia ngaira aika ti maeka i Iuta, i Ierutarem, ao Iteraera ake a maenako n aaba tabeua aika a kaan ao aika a raroa i bukina b'a a aki kakaonimaki nakoim.

Nakoaia Ibonga 26:29

Ao ni bon arona, ane kam na bon rangi ni kainano i bukin kanami n te aro ae kam na kaniia oin natimi.

Nakoaia Ibonga 26:33

Ngkana I a tia n urui ami kaawa nako aika a uarereke ma abami n te bo ni buaka, ao N na kamaenakoingkami i buakoia botannaomata.

Amota 9:9

“N na anga Au taeka, ao N na ioia aomatan Iteraera n ai aron te uita ae e ioaki n te b'ai n i uita. N na ioia n raumeaia ni kanakoia aika a buakaka.

Tekaria 2:6

E taku te UEA nakoia ana aomata, “Biiri! Biri nako man te aba are i meaang, ike I kamaaenakoingkami iai nakon taian ang ake aua.

Tekaria 7:14

Ao bon anne bukina ngkai I roko ma te ukeuke n anti ao I kamaaenikuniia nakon aia botannaomata nako ianena, ma ni kiitana abaia ae e tangiraki n akea kaaina ao n urubekebeke.

Ruka 21:24

ane a na tiringaki n te kabaang, ao ane a na kairaki nako b'a taenikai ao a na kauamaaeaki nako buakoia botannaomata i aonnaba; ao ane na uruaki Ierutarem irouia aomata aika tiaki I-Iutaia, ni karokoa tokin aia tai.

Te Tua-Kaua 28:64

Ao ngkami aika kam aika reke maiumi kam na manga maenako nakon botannaomata tabeua i aon te aonnaba, ao ane kam na imanonoaki b'a kam na taromauri taian atiibu ao taian bouananti aika taiani kai aika a bon tuai buokingkami ke ni buokiia ami bakatibu.

Te Tua-Kaua 32:26

I tangiria ni kamaenakoingkami b'a e aonga n aki ataaki b'a kam boni maeka ngkoa ikanne.

Te Tua-Kaua 4:27

Bon ti tabeman mai buakomi aika a na maiu, ao E na kanakoingkami te UEA man te aba, ao E na kamaenakoingkami i buakoia botannaomata.