Etekiera 48:8 - Te B'aib'ara

⁸ E na riki maiakin te aba are Iuta maiaki b'a te m'akoro n aba ae e kaokoroaki. E na riai n reke ab'akina ae 12.5 te miita, ao rababana e na biri man tian Iteraera maeao are i mainiku nakon Taari are Mereterenian. E na riai ni mena au Tembora n te m'akoro n aba aei.

Etekiera 48:8 ပူးပေါင်းရင်းမြစ်များ

Itaia 12:6

Anene, ngkami kaain Tion! Bukamarua kakannaton UEAN Iteraera ae e tabu. E mena ikai te Atua b'a e na buokiko.

Etekiera 48:21

E na b'ainaki aono ake i mainiku ao i maeao n te aba ae tikuea aei irouia taan tautaeka i Iteraera. E b'ainna naba ni biri rake nako mainikun te Karaanga are te Ioretan ao maeaon Taari are te Mereterenian. E na mena raoi abau ae e tabu ao ai uana naba ma au Tembora i nuukan raoi ana b'ai ma abana,

Etekiera 48:35

Ao aran te kaawa ae e boou bon “E mena ikai te UEA.”

Etekiera 48:9

Au b'ai nuukan te tabo aei. E na riai n 12 te kiromiita ab'akina ao 10 te kiromiita rababana.

2.I-Korinto 6:16

Ao tera reitakin ana um'antabu te Atua ma bouannanti? B'a ngaira bon ana um'antabu te Atua ae maiu, n ai aron ana taeka te Atua are kangai: “N na mamaeka i buakoia ao N na nakonako i buakoia; N na riki b'a Atuaia, ao a na riki b'a au aomata.”

I-Korote 2:9

b'a e bane ni mena te aro n Atua i nanoni Kristo, ni maiuna n aomata.

Te Kaotioti 21:22

Akea te Tembora teuana ae I noria n te kaawa; b'a te Tembora iai bon te Uea are te Atua are Moan te M'aaka, ma te Tiibuteteei.

Te Kaotioti 21:3

Ao I ongo te b'ana man te kaintokanuea b'a e kaangai, “Noria, e mena ana um'anrianna te Atua irouia aomata! E na maeka i rouia, ao a na riki b'a ana botannaomata; ao te Atua E na memena i rouia.

Te Kaotioti 22:3

Ao akea ae reke kaina ae na manga noraki n te kaawa arei; ao e na mena iai ana kaintokanuea te Atua ma te Tiibuteteei, ao ana toro te Atua a na taromauria.