Etekiera 45:9 - Te B'aib'ara

⁹ E taku te UEA ae te Atua: Kam a tia ngkami aika taan tautaeka i Iteraera, e a bati n tau kimoaia ma keweia Au aomata! I tangiringkami b'a kam na katoka karaoan te bure ao kam na moana karaoan te raoiroi ma te eti. Kam na aki manga oki ni kanakoia Au aomata ma te kairoro man oin abaia. Bon aei Au taeka Ngai ae te UEA.

Etekiera 45:9 ပူးပေါင်းရင်းမြစ်များ

Iobi 20:19

I bukina b'a a karawawataia aomata ma n aki m'annanoia aika kainano, ao a taui aia auti aomata.

Iobi 22:9

Ko aki ti rawa ni buokiia aine aika mate buia, ma ko iraei naba aia b'ai ataei ake akea aia karo, ma ni karawawataia.

Itaia 1:17

ao reireiningkami ni maiuakina te raoiroi. Kakoaua raoi b'a e na karaoaki te babaaire ae e eti. Teei i bukiia aine aika a tia ni mate buuia ao ataei aika akea aia karo ao buokiia aika a tangira buokaia.”

Ieremia 22:3

A a tia n riki aomata aika akea aia bure b'a konan ami m'akuri n tiritiri, ao tabeman mai buakoia a tia n tiringaki. Ma I tuangkami ngkai b'a kam na karaoa ae e raoiroi ao ni kakoaua b'a e karaoaki te motiraoi. Kamaiuia aomata nako akana a karawaawataaki n te motibuaka.

Ieremia 6:7

E raanganako te buakaka man ami kaawa kaanga te ran man te koburake n ran. E na ongo te aba karongoaan taian tiritiri mai nanon oon ami kaawa; A na raea konan te buaka n taabo nako, a ikoaki ao a mate.

Etekiera 44:6

Ko na kaangai nakoia Iteraera aika taani kamangao: Bon te UEA ae te Atua Ngai ae I tuangkami b'a kam na katoki taiani m'akuri aika a buakaka!

Etekiera 7:11

ao a biri nako buure aika a tiritiri. Bon akea i buakomi ae e na reke maiuna n te kabuanib'ai aei, ao a na bane ni maaerikiriki ami b'ai nako aika a rangi ni kakaawaki.

Etekiera 7:23

E na mangaongao aon abami ni kabane! E na onrake aon Iteraera irouia taan tiritiri ao taan iowawa,

Etekiera 8:17

E taku te Atua, Etekiera, e rangi ni buakaka ngkai a karaoi b'aai aika a rangi n ribaaki kaain Iuta. Ao a bon kabutanakoa naba te tiritiri ma te motibuaka i aon Iteraera ni kabane ao a rangi ni kaunai. A tia ni kamatauningaai ma ni kamamaaeai n aia m'akuri nako aika a rangi ni buakaka.

Amota 5:15

E ririiba te buakaka, ao e tangira te eti, ao n taraia b'a e na karaoaki te kaetitaeka ae riai n tain te bowi. E na bon kona te UEA n nanoangaia botannaomata ake a tiku ni maiu.

Amota 5:24

Ma ke e raanga rio te kaetitaeka ae ai aron te karaanga ae aki kona ni b'atakataka.

Mika 2:9

Kam kakionakoia ainen au botannaomata mani mwengaia aika a mwengaraoi iai, ao kam iraei naba kab'aiaia aia ataei ake I a tia n anganiia.

Mika 6:10

Iai te kaub'ai ae e reke n te babakanikawai i nanon aia auti aomata aika a buakaka. A kamanenai b'aai ni baire aika a kaairua, ao bon aikai baika I bati n ribaai.

Tekaria 7:9

“Kakoaua raoi b'a e na karaoaki raoi te eti ao b'aina te akoi ao te nanoanga i marenami nako!

Tekaria 8:16

Ma kam riai n b'ab'aina te koaua i marenami n tatabemaningkami nako, ao kam na anga te babaaire ae e eti n te kabowi are e na karekea te rau.

Ruka 3:14

A titirakinna naba tautia ni kangai, “Ao ngaira, tera ae ti na karaoia?” Ao e taku Ioane nako ia, “Kam na aki anaa ana m'ane te aomata n te aro n iowawa ke n te aro ni bukibuki ni kewe, ma a na rau nanomi ni boomi n ami m'akuri.”

1.Betero 4:3

Kam riai n aki manga karaoi baika kam karaoi ngkoa ngke kam iri nanoia aomata ake tiaki Kristian, ni maiu ni kaitataan ma ni kaib'ab'aru, ma ni manging, ma ni bobotaki ni manging ni kukurei ni kammaira, ma n iri taromauriani bouananti aika taromauri aika bati n ribaki.