Etekiera 40:2 - Te B'aib'ara

² I nanoni miiu E kairai te UEA nako abaia Iteraera ao e uotai nakon te maunga ae moan te rietaata. I noori i matau taian auti aika a m'aiti ae kaanga ai aron te kaawa ae e buubura.

Etekiera 40:2 ပူးပေါင်းရင်းမြစ်များ

1.Rongorongo 28:12

E angan Toromon taamnein katawanangin te Tembora, tamnein taian ruu ni katobibia taian katawanang, ao taamnein naba taian ruunib'ai i bukin kaub'ain te Tembora ao b'aai n tangira ake a tia ni katabuaki b'a ana b'ai te Atua.

1.Rongorongo 28:19

Ao e taku Tawita nakon Toromon: E kaota nako iu te UEA aron karaoan te Tembora.

Taian Areru 48:2

E rietaata ao e tamaroa Tion, ae ana maunga te Atua; ana kaawa te uea ae kakannato ao e kakukurei nakoia aomata nako i aonnaba.

Itaia 14:13

Ko taku i bon iroum, “N na tam'arakea karawa ni kaaki au kaintokanuea iai i etan taian itoi. N na tekateka ikekei ma taian anti ake a raroa nako i meang.

Itaia 48:2

Kam atonga Ierutarem b'a mwengami ao kam taekinna b'a kam onimakinai, Ngai ae te UEA ae Moan te M'aaka, ae Atuan Iteraera.

Etekiera 1:1

Ni kanimauani bongin te kaaua n nam'akaina n te katenibwi n ririki, I maeka Ngai ae Etekiera ae te ibonga are natin Buti te m'aane, ma Iutaia ake taenikai i rarikin te Karaanga are Keeb'ara i B'aburon. E uki karawa, ao I noora ana kaotioti te Atua.

Etekiera 20:40

ngkana e roko te bong anne, a na bane n taromauriai Iteraera i aon te Maunga are Tion, are Au maunga are e tabu i Ierutarem. N na manga atongingkami riki b'a Au b'ai, ao N na manga butim'aai ami angab'ai ma ami karea nako.

Etekiera 37:22

N na karikiia b'a te botannaomata ae ti teuana ao N na manga kamaekaia n te aba are Iteraera, A na tautaekanaki iroun te uea ae ti temanna, ao a na aki manga tib'auaaki nakon uoua te botannaomata.

Etekiera 41:1

I mwiina, ti nakon te ruu are i nuuka, te Tabo are e Tabu. E anaa warebwen te mataroa te m'aane arei, ao bon tenua te miita warebwena,

Etekiera 43:12

A na riai ni katabuaki te tabo are e mena iai te Tembora i aon te maunga are e tabu! Bon aei te kabanea ni kakawaki n tua i bukin te Tembora.

Etekiera 8:3

E kaaenakoa te b'ai ae kaanga ai aron bain te aomata n taua irau. Ao i nanon miiu arei E a uotai rake Tamnein te UEA nako karawa ma ni uotai nako Ierutarem. E uotai te Tamnei nakon mataroan katawanangin te Tembora are i meaang ike e mena iai te bouannanti are e rangi n ribaia te UEA ao e rangi ni un iai.

Taniera 7:1

I nanon ana moan ririki te uea are Beretiata i aoni B'aburon, ao I noora te kaotioti n te tairiki teuana. Ao I korea taekan te kaotioti anne, ao aio taekan

Taniera 7:7

Ao ngke I tabe ni mataku, ao e kaoti te kaaman ni man. E korakora ao e kakamaaku. E kangkanta kanana ni wiina aika taian biti, ao i mwiina e a manga toubekaia. E kaokoro ma maan ake tabeman b'a iai tebwina korona.

Mika 4:1

Ni boong aika a na roko, e na riki b'a te kabanea n rietaata i buakon maunga te maunga are e tei iai ana Tembora te UEA, e na bura i aon tabuki nako. A na b'ab'aroakinna botannaomata nako.

M'akuri 16:9

E nora kaanga te mii B'auro e bong: e tei te aomata temanna ae te I-M'aketonia ni butiia, ao e kaangai, “Nako mai nako M'aketonia ni buokira!”

M'akuri 2:17

“E taku te Atua, Ao ni boong aika kabanea ni boong, N na nurakina Tamneiu i aoia aomata ni kabaneia. A na taetae ni burabeti natimi aika mm'aane ma aine; ao a na noori baika ai aroni kanoani mii ami rorobuaka n ataei, ao a na miakini mii ami unimm'aane.

I-Karatia 4:26

Ma te Ierutarem are i Karawa e inaomata, ao bon tinara.