Etekiera 40:16 - Te B'aib'ara

¹⁶ Bon iai winto aika a uarereke n oon taian ruu n tei ake tenua, kaanga ai aron are teuana are n ruun te kawai n rin. A katamaroaaki oon te kawai are e irariki ni bannan taian baam.

Etekiera 40:16 ပူးပေါင်းရင်းမြစ်များ

Etekiera 41:26

A uarereke wintoon te b'aranta aei ao a katamaroaaki naba ni bannan aroka taian baam.

2.Rongorongo 3:5

Ao Toromon e moan rabuna oon ruun te Tembora are e buubura n te kai ae te m'aiango, ao i mwiina n te koora, ao e a manga katamaroaa ni bannan taian baam ao tamnei aika ai aron taian tiein.

1.Uea 6:4

A wariki taiani winto mai tinanikun te Tembora n te b'aranta, ao a warebwerebwe mai nanona.

1.Uea 6:35

A kabiraki taiani mataroa n te koora ao a katamaroaaki ni katotongan taiani baam, uee, ao maan aika iai baiia ni kiba.

1.Uea 6:32

ao maan ake iai baiia ni kiba. A kabiraki mataroa ma taiani katoto akekei n te koora. Ao a kakang tabon kain mataroa akekei ake mai eta.

1.Uea 6:29

A katamaroaaki oon ru ake uoua ni katotongan taiani baam, uee, ao maan ake iai baiia ni kiba.

Te Kaotioti 7:9

I mwini baikai ao I taratara nako, ao noria, aomata aika rangi ni m'aiti aika mani botannaomata ni kabaneia, ma baronga, ma natanaomata, ao mani botannaomata nako aika a kakaokoro aia taetae; ao akea temanna ae kona ni wareki m'aitiia. A tei i nanoaan te kaintokanuea, ao i matan te Tiibuteteei, ao a kunnikaiia ni kunnikai aika m'am'arai aika mainaina, ao baanikaai aika ai aroni baan te ni i nanoni baiia;

1.I-Korinto 13:12

B'a ae ti noria ngkai ai aron tein taraana ae aki turuturu raoi i nanon te tirotaam; ma ane ti na bon noria raoi n te aro n itaramata. E aki koro raoi aron au atatai ngkai, ma ane na boni koro raoi arona rimwi, n ai arou ngkai I bon ataaki raoi.

Ioane 5:2

Iai i Ierutarem, i rarikin aia mataroa tiibu, te nei ae aranaki n te taetae n Ebera b'a Beteteta ae iai taabo aika nimaua iai aika rabunaki aoia i bukin te katantan.

Etekiera 42:3

N iteraia are teuana bon te katawanang ae tebwiina te miita ae e biri i rarikin te Tembora, ao n te itera are te iterana bon te tabo ae e kabooraoaki ni katobibia katawanangin oon te Tembora. A karauaki ni baaireaki taian ruu akekei n tenua te rinan ni waerake

Etekiera 41:18

n taian korobanna aika taamnein baika a maiu aika iai baiia ni kiba ao bannan te baam i marenan baika a maiu ake iai baiia ni kiba ni kabutaa te ruu arei. Iai uoua ubun te baere e maiu arei:

Etekiera 40:30

Ti te bo te mataroa aei ma ake tabeua, b'a uabwi ma nimaua te miita ab'akina ao tebwi ma uoua te miita rababana.

Etekiera 40:25

Bon iai taiani mataroa n taian ruu n tei n te mataroa aei n ruun te mataroa, n ai aron ake tabeua, ao bon uabwi ma nimaua te miita ab'akina ao te itera ni miita rababana.

Etekiera 40:12

I matan taian ruu n tei ake kaka tenua te miita rababaia ma anauia bon te marena ae e kaaniia nimabwi te tientemiita rietaatana ao nimabwi te tientemiita raababana.

Etekiera 40:7

I akuun riki anne, bon iai te kawai ae e iriraki, ae iai kakatenua taian ruu n tei n iterana ake uoua. Ti te bo rababan ma ab'akin ruu akekei n tatabeua nako b'a tenua te miita n te ruu teuana, ao matenin taian oo ake i marenaia bon uoua ma te iterana te miita. I akuun riki ruu akanne bon iai te kawai ae e irariki ae tenua te miita ab'akina ae e nakon ruun te mataroa n rin are e kaaitaraa te Tembora.

Taian Areru 92:12

A na maiu raoi akana raoiroi kanga ai aroia kaai aika ai aron te ni; A na rikirake kanga ai aroni kain aon Reb'anon.

Etekiera 40:15

Ni kabaneana, e a manga anaa bootan ab'akin te kawai are e irariki arei, man te oo are mai tinaniku nakon ruun te kawai n rin, ao bon uabwi ma nimaua ab'akina.

Etekiera 40:26

Itiua te kaintam'arake ni waerake nakon te mataroa; ao e mena ruun te kawai n rin n tabon te kawai are irariki are e raroa ao e kaaitaraa katawanangin te Tembora. E katamaroaaki n taian oo ake i rarikin te kawai are e irariki ni bannan taian baam.

Etekiera 40:29

Ni koauana raoi, bon ti te bo b'aai ni kabane ake n te kawai are e irariki, n reitaki ma aia ruu taan tei, taian oo ake i nuukaia, ruun kawai n rin ake i tabona are e raroa, ao taian winto.

Etekiera 40:31

Ruun te kawai n rin n te mataroa aei, e kaaitaraa katawanangin oon te Tembora, a katamaroaaki oon te kawai are irariki ni bannan taiani baam. Wanua kaintam'arakena nakon te mataroa aei.

Etekiera 40:33

Ti te bo naba baairean taian ruu n tei, ma taian oo ake i marenaia, ao ruun te kawai n rin ma taian mataroa ake tabeua. Bon iai naba wintoon aia ruu taan tei ao ruun te kawai n rin, ao ab'akin te mataroa bon uabwi ma nimaua te miita ao rababana bon tebwi ma uoua ma te itera ni miita.

Etekiera 40:34

E kaaitaraa katawanangin oon te Tembora ruun te kawai n rin, ao a katamaroaaki oon kawaina are e irariki ni bannan aroka aika taian baam. Bon iai naba kaintam'arakena aika wanua aika a tam'arake nakon te mataroa aei.

Etekiera 40:36

n reitaki ma taian ruu n tei, taian oo ake i marenaia, ao ruun te kawai n rin. Ao bon iai naba taian winto n te mataroa aei. Ab'akina bon uabwi ma nimaua te miita ao tebwi ma uoua te iterana te miita rababana,

Etekiera 40:37

ao ti te bo ma mataroan nanona ake tabeua, are e bon kaaitaraa naba katawanangin oon te Tembora ruun te kawai n rin, ao a katamaroaaki oona nako ni bannan aroka aika taian baam. Wanua kaintam'arakena are e waerake nakon te mataroa aei.

Etekiera 41:3

Ao e a manga nakon ruun te Tembora are te kabanea mai tabona. E anaa ab'akin te kawai nako iai ao bon: teuana te miita nanona rikaaki ao tenua te miita rababana, ao oona ake n iterana ake uoua bon tenua ma te iterana mateniia.

Etekiera 41:25

A katamaroaaki taian mataroa nakon te Tabo are e Tabu, ni bannan baika a maiu aika iai baiia ni kiba ao aroka aika taiani baam n aron are n taian oo, ao iai te raburabu te kairababa i aan taian oo aikai, ao iai naba te raburabu te kairababa i aon te b'aranta i tinanikun mataroa aikai.

1.Uea 7:4

Tenrinan taiani winto aika a kakaitara n iterana nako,