Etekiera 4:3 - Te B'aib'ara

³ Katea te baan te biti ae kaanga te oo i marenam ma te buriki. Aikai ni kabane bon taian kauring nakoia Iteraera.

Etekiera 4:3 ပူးပေါင်းရင်းမြစ်များ

Itaia 20:3

i nanon tenua te ririki. Ao i mwiina, e a manga taku te UEA: Te b'ai ae e a tia ni karaoia Itaia bon te kauring nakon Aikubita ao Itiobia.

Itaia 22:7

A onrake n taiani kaanibuaka ami m'arua ake a rangi n tamaroa; A katobibiaki ami kaawa aika a buubura irouia te taanga ni buaka aika a toka i aoia aoti.

Itaia 8:18

Ngai ma natiu bon taian kanikina ni kauring nakoia Iteraera mai roun te UEA ae Moan te M'aaka, are e maeka n te Maunga are Tion.

Ieremia 39:1

N te katebwina n nam'akaina n ana karuaiwa n ririki Tetekia ni uea i aon Iuta, ao e roko Uean B'aburon are Nebukaneta ma ana taanga ni buaka ni kabane ao a buakana Ierutarem.

Ieremia 39:2

Ao e b'aka nonon te kaawa ni karuaiwan bongin te nam'akaina are te kaaua n ana katebwi ma teuana n ririki ni uea Tetekia.

Etekiera 12:11

I a tia ni karaoi baikai ni kaotia nakoia te b'ai ae e riki nakoia ngkana a uotaki nako b'a taenikai.

Etekiera 12:6

Katokaa am baeki i aon angam, ao karabaa matam, ao m'ananga nakon ae e roo b'a ko aonga n aki noora te aba are ko a kiitanna. A na riki baikai ni kabane b'a kauringakiia Iteraera.

Etekiera 5:2

Ngkana ko tia ni buakana te buriki are e tei i bukin Ierutarem, ko na kauraa te b'ariko teuana are iram i aon te buriki. Ko na korokorea te kauoua ni b'ariko ao kab'akab'aka m'akorokoron nako iram ni katobibia te buriki. Ko na karenakoa te katenua ni b'ariko i nanon te ang, ao N na oroia n oin Au kabaang.

Taniera 11:17

“Ao e na baairea te m'ananga uean Tuuria, ao e na kairiia ana taanga ae e b'anin. Ao i mwiina, e na karaoa te reitaki ma ngaia n anga natina te aine b'a buuna, ma e na bon aki nakoraoi ana iango aei.

Nakoaia Ibonga 2:5

Ngkana e kukanaki te kariki are te karea n te b'ai ni karao keeke, ao e na renganaki burawana ma b'aan te oriwa, ma e na aki itinaki.

Ruka 2:34

ao e taetae Timeon ni kakab'aiaia ao e taku nakon Nei Maria are tinana, “Noria, e na riki te teei aei b'a b'aini kamaunaia ao kamaiuaia aika bati i buakoia Iteraera, ao te kanikina are a na taetae n ekianako aomata aika bati.

Ebera 2:4

ao te Atua E raoniia ni kakoaua n arona ni karaoi kanikina ma kamimii ma m'akuri aika m'aka ma tib'akini b'aai n tituaraoi ake mairoun te Tamnei are Raoiroi.