Etekiera 4:16 - Te B'aib'ara

¹⁶ Etekiera, a na akea kanaia Iteraera. A na rangi ni uarereke kanaia ma nimaia te ran n te aro are a na maaku ma n akea te b'ai ae a konaa.

Etekiera 4:16 ပူးပေါင်းရင်းမြစ်များ

2.Uea 6:25

Ao a reitanako buakanakina ni karokoa ae e a bon akea te am'arake i nanon te kaawa are e buubura arei. I bukin akean te am'arake, ao e a kabooaki atuun te aati n teuana te kirokuraem te tirewa, ao teuana te boora ae uarereke nakotarin te bitin n nimaua te m'akoro n tirewa.

Taian Areru 105:16

E karokoa te rongo i aon te aba te UEA, ni karokoa bon akea te am'arake.

Taian Areru 60:3

Ko a tia ni karaoa ae a na rangi ni kainano iai am Botannaomata; Ti bebebebe n ai aron ae ti manging.

Itaia 3:1

E nang uoti nako b'aai ni kabane te UEA ae Moan te M'aaka aika b'aai aika kam tangiri mai Ierutarem ao Iuta ami kariki ma ami ran,

Ieremia 52:6

N te karuaiwa ni bongin te kaaua n nam'akaina n te ririki naba anne, ngke e a roko ni korakorana te rongo ao akea kanaia aomata,

B'aeb'aeti 1:11

A tang ni korakai aomatana ngke a kakaei kanaia; A rairi aia b'ai nakoia tabem'aang n te am'arake b'a aonga n aki mate. E a tang Ierutarem nakon te UEA, “Taiaoka te UEA, taraa rawaawatau.”

B'aeb'aeti 5:4

Ti a kabooa nimara te ran; Ti a kabooa te aia i bukin kanaan karara.

B'aeb'aeti 5:9

Ti nako ni kakaei karara i tinanikun te kaawa, are nneia taan kam'arua.

Etekiera 14:13

Etekiera ae natin te aomata, ngkana tao e bure nako iu te botannaomata ae e b'anin, ao I katuaaia n urui arokaia ao ni kamateia kaaina b'a a na mate ni baki ma aia man.

Etekiera 4:15

Ao e kaeka te UEA, “Ko na aki kam'aa am kariki n nakotarin te aomata ma ko nang kam'aia n nakotarin te kao.

Etekiera 5:16

N na urui arokami ni karokoa kam mate ni baki, ao e na oroingkami taiani kabuanib'ai kaanga taian kanoanikatebe.

Nakoaia Ibonga 26:26

E na aki bati kanami, n te aro ae tengaun aine a na kam'ai kanaia n ti teuana te ainumuum. Ngkami n tatabemaningkami nako a na tii reke kanami taamruru, ao ane kam na baki.

Amota 4:8

A bora n taka aomata, ao a nako kain te kaawa teuana ni kakaea te ran n te kaawa are a taku b'a iai te ran iai ma e aki tau nakoia. Ma kam bon teimatoa naba n aki onimakinai.

Te Kaotioti 6:5

Ao ngke E kaaki te b'ai ni kanim are te kanikina are te katenua, ao I ongo b'anaan te baere maiu are te kateniman b'a e kaangai, “Mai.” Ao I taratara nako, ao noria, te aoti ae roro! Ao teuare toka i aona, iai te b'ai n tau-rawawata i nanoni baina.