Etekiera 3:23 - Te B'aib'ara

²³ Ao I m'ananga nakon te m'arua n te tai naba arei, ike I a noora raneanean mimitongin te UEA, n aron are I nooria naba ngkoa i rarikin te Karaanga are Keeb'ara, ao I bobaraaki ni kaboo matau ma aontano.

Etekiera 3:23 ပူးပေါင်းရင်းမြစ်များ

Etekiera 1:28

kaanga matan Nei Wirara ngkana e kaoti n tain buakan karawa. I a tib'a ataia b'a ngaia I a tia n noora raneanean mimitongin te UEA! Ma ngaia are, I bobaraaki ni kabooa matau ma aontano, ao I a manga rina n ongo te b'anaa ae e taetae nako iu.

Etekiera 10:18

Ao i mwiina, e kiitana mataroan te Tembora raneanean mimitongin te UEA ao e toki i aon maan ake iai baiia ni kiba akekei.

Etekiera 43:2

ike I a noora iai raneanean mimitongin Atuaia Iteraera, ae e roko mai mainiku. Ti te bo korakoran te tang are I ongo ma rurungaan naoni marawa, ao a bane n raneanea b'aai nako ake i rarikina n raitiitin ootan mimitongina.

Etekiera 43:3

Ti te bo te mii arei ma are I nooria ngkoa ngke E roko te Atua n urua Ierutarem, ao ti te boo naba ma are I nooria i rarikin te Karaanga are Keeb'ara. I enikuri ni bobaraaki ni kabooa matau ma aontano,

Etekiera 44:4

Ao i mwiina, e kairai nakon te mataroa are mai meaang nako matan te Tembora. I nooria b'a e on te Tembora n raneanean mimitongin te UEA, ao I kawaekoai ni bobaraaki ni kaboa matau ma aontano.

Etekiera 8:4

Ao i mwiina, I noora raneanean mimitongin Atuaia Iteraera, n aron are I a tia n nooria i rarikin te Karaanga are Keeb'ara.

Etekiera 9:3

Ao e kiitana nnena mimitongin te Atua are aon taian bouannanti ake maan ake iai baiia i nanon te Tembora ao e nako nakon te mataroa n rin. Ao e taku te UEA nakon te m'aane are e kunnikaia n te niiniira te rinen,

Taniera 8:17

Ao e roko Kabiriera n tei i rarikiu, ao I a rangi ni maaku n te aro are I a b'aka i aontano. Ao e taku nako iu, “Natin te aomata, ko na atai nanoia. Bon taiani kaotioti i bukin tokin te aonnaba.”

Warekaia Iteraera 16:19

Ao e anai nanoia Iteraera teuare Kora b'a a na kaaitaraia taani kairiri ake uoman akekei. Ao ngke e riki arei, ao E kaoti te UEA ma mimitongina ae moan te korakora,

Warekaia Iteraera 16:42

Ao ngke a teibabaa aomata i rarikin Moote ma Aaron, ao Moote ma Aaron a tannako ni kaaitaraa te Um'antabunrianna, ao E kaoti te UEA ma mimitongina i nanon te nang are rabuna aon te Um'antabunrianna.

M'akuri 7:55

Ma e on n te Tamnei are Raoiroi Tetebano, ao e kanene matana n tara karawa. E nora mimitongin te Atua, ma Iesu b'a E tei i angaatain te Atua;

Iotua 5:14

Ao e kaeka teuarei, “Tiaki ngai raomi ke aiami, ma bon mataniwiin ana taanga ni buaka te UEA.” Ao e b'aka nako aontano Iotua ma n taromauria ao e kangai, “Bon am toro ngai. Tera ae ko tangiria b'a N na karaoia?”

Te Kaotioti 1:17

Ngke I noria ao I katorobubua ni bobaraaki i rarikini waena n ai aron te mate; ao E kaaki baina are ataina i aou, ao E kaangai, “Tai maaku! Boni Ngai te Moa ao te Toki.

Te Kaotioti 4:10

ao unimm'aane ake angauni ma aman a katorobubua ni bobaraaki i matan Teuare tekateka i aon te kaintokanuea, ma n taromauria Teuare maiu n aki totoki, ma ni kaaki aia baunuea i nanoaan te kaintokanuea, ao a kaangai,

Te Kaotioti 5:14

Ao baike a maiu ake aman a kaangai, “Amen!” Ao unimm'aane a katorobubua ni bobaraaki ao a taromauri.

Te Kaotioti 5:8

Ao ngke E anaa te nira ni boki, ao baike a maiu ake aman, a katorobubua ni bobaraaki i matan te Tiibuteteei, ao a toa baiia n te b'ai ni katangitang ae te aabi ae te koora, ma taiani boora aika koora naba; a on baikai ni b'aai aika boiarara, ake aia tataro aomata ake a itiaki.