Etekiera 3:18 - Te B'aib'ara

¹⁸ Ngkana I tuangiia aomata aika a buakaka b'a a na mate i bukin aia bure, ko na kauringiia b'a a na kiitan kawaia aika a bure b'a aonga n aki katuaaeaki. Ngkana ko rawa ni karaoa anne, ao ko na bukintaeka ni mateia.

Etekiera 3:18 ပူးပေါင်းရင်းမြစ်များ

Karikani B'aai 2:17

ma ti te aroka are e anga ataan te raoiroi ma te buakaka ae ko na aki kana uaana, ao ngkana ko kanna, ao ko na mate naba n te bong anne.”

Karikani B'aai 42:22

Ao e taku Reuben, “I bon tuangngkami ngkoa b'a kam na aki tiringnga, ao ngkai ti a katuaaeaki i bukin matena.”

2.Tamuera 4:11

Ao ngkami aika m'aane aika kam buakaka, kam a tia ni karaoa riki te b'ai ae e rangi ni buakaka riki nakon are karaoia. Kam a tia n tiringa te aomata ae akea ana bure i nanon oin ana auti i aon ana kainiwene. N na kabooa mwiin ae kam karaoia nakoimi. N na kamaunaingkami mai aon te aonnaba aei!

2.Uea 1:4

Ko na tuangnga b'a ngkai e a tia ni karaoa aei, ao e nang reitinako wenena i aoni nnena ni matu ni karokoa matena! Ao e karaoi b'aai ake e tuangaki Eria.

Taeka n Rabakau 14:32

A uruanaki aroia aomata aika a buakaka n tain te kangaanga; ma e bon teimatoa naba n onimaki ane akea ana bure n tain te mate.

Itaia 3:11

Tuangiia aomata ake a aki ongotaeka iroun te Atua ni kaangai, “Kam a reke n te kaangaanga ae moan te buubura E na manga riki nakoimi te b'ai are kam a tia ni karaoia nakoia tabem'aang.”

Etekiera 18:13

ao e anaa te bakao ae e buubura ngkana e kataarau n te m'ane. Te mm'aane ae e buakaka n aron anne e na bon aki maiu. Bon ngaia ae e karaoi buure aika a kakamaaku aikai, ma ngaia are, akea ae e bure nakoina.

Etekiera 18:20

Bon ti aika a bure aika a na tiringaki. A na aki karawaawataaki naati i bukin aia bure aia karo, ao kaaro a na aki karawawataaki i bukin aia bure natiia. A na bon riai n anganaki kaniwangaia aomata aika a raoiroi i bukin te b'ai are e a karaoia, ao aomata aika a buakaka a na katuaaeaki i bukin te b'ai are a karaoia.

Etekiera 18:4

Bon au b'ai maiuia aomata ni kabane, kaaro ao ai uana naba ma naati. Bon ti aika a bure aika a riai ni kamateaki.

Etekiera 3:20

Ngai ko na iangoia b'a aongkoa b'a a karaoa te bure aomata aika a kakaonimaki, ao I iangoia b'a N na kawenea te atiibu ni kab'akab'aka i m'ain kawaia b'a a aonga ni b'aka. A na bon riai ni mate i bukin aia bure. Ma ngaia are ngkana ko rawa ni kauringiia, ao N na m'aninga taekan taai ake a kakaonimaki iai, ao N na tauko b'a ko bukintaeka ni mateia.

Etekiera 33:12

Ko na tuangiia b'a ngkana kam a manga moana karaoan te bure ngkami aika kam raoiroi, ao a na bon aki konaa ni kamaiuaki man aia raoiroi ake a tia ni karaoi n taai ake ngkoa ngkana a katuaaeaki. Ko na kauringiia b'a ngkana a katoka karaoan te bure aomata aika a buakaka, ao e na kab'araaki aia bure ake ngkoa, ao a na aki katuaaeaki.

Etekiera 33:6

Ao ngkana e noora rokon te kairiribai te tia taratara ao e aki katanga te kanikina, ao e na roko te kairiribai n tiringiia koraki aika akea aia bure, ma N na kataua te tia taratara are e bukintaeka ni mateia aomata.

Etekiera 34:10

I katanoataa b'a ai Au kairiribai ngkami taani kaawakin tiibu Ngai ae te UEA. N na anaia Au tiibu mairoumi ao N na aki manga kariaingkami b'a kam na riki b'a aia taani kawakin tiibu; ao N na bon aki naba kariaia b'a kam na manga iangoi aromi i bon iroumi. N na kamaiuia Au tiibu mairoumi ma n aki kariaingkami b'a kam na kang.

Warekaia Iteraera 26:65

ma bon ti Kareb'a are natin Iebunne te mm'aane, ao Iotua are natin Nun te mm'aane. E a tia n taku te UEA b'a a na bane ni mate n te rereua ikekei.

Ruka 13:3

I taku nako imi, A aki! ma ngkana kam aki rairi nanomi, ao kam na bane ni mate n ai aroia.

Ruka 13:5

I tuangngkami, A aki; ma ngkana kam aki rairi nanomi, ao kam na bane ni mate n ai aroia.

Ioane 8:21

E a manga taku naba Iesu nakoia, “N nangi nako, ao ane kam na ukoukorai, ma kam na mate i buakon ami bure. Ike N na nako iai, ao kam aki kona n roko iai.”

Ioane 8:24

Ao anne bukin are I kaangai iai nakoimi b'a kam na mate i buakon ami bure; b'a kam na boni mate i buakon ami bure ngkana kam aki kakoauaai b'a boni Ngaia Ngai.”

M'akuri 2:40

A bati riki ana taeka Betero nakoia, ao e butiia ni kaangai, “Kam na kamaiungkami man te rekenikai ane nang roko nakon te roro ae buakaka aei!”

M'akuri 3:19

Ma ngaia ae kam na raraoma, ao rairi nanomi b'a a aonga ni kamaunaki ami bure,

1.Timoteo 4:16

Ko na tarataraiko n arom ni maium, ao tarataraa kanoan am reirei. Ko na kakaraoi baikai; b'a ngkana ko karaoa aei, ao ko na kamaiuaki iai ma ake a ongo i roum.

1.Timoteo 5:22

Ko na tai kukuri ni katokaa baim i aon temanna ni katabua nakon nakoana i bukin te Uea. Ko na tai buokanib'ai n aia bure tabem'aang; ko na b'aina te maiu ae itiaki.

1.Tamuera 8:9

Karaoi b'aai ni kabane akana a bubuti, ma kauringiia ni kaota nakoia aron te uea ae na uea i aoia.