Etekiera 3:12 - Te B'aib'ara

¹² Ao e tabekai rake te Tamnei, ao I ongo rebwen te baa i akuu ngke e tabe n nako mimitongin te UEA.

Etekiera 3:12 ပူးပေါင်းရင်းမြစ်များ

1.Uea 18:12

Tera ngke E waekoa n anaiko Tamnein te UEA n te tai are I kitaniko naba iai? B'a ngkana e roko Aaba n anaiko ao ko na bon aki reke i rouna. Ao ane e na manga bon tiringai. I bon tataromauria te UEA mangke te ataeinim'aane ngai.

2.Uea 2:16

ao a taku, Bon iai iroura ikai m'aane aika a korakora aika nimangaun, taiaoka kanakoia b'a ana kakaaea am mataniwi. E na mena ngkoa ao E uotia nako Tamnein te UEA nakon taiani maunga ke taiani m'arua. Ao e taku Eritai, A na aki kakaaea. E na bon aki konaa n reke irouia.

Taian Areru 148:2

Kam na kamoamoaa, ngkami akana ana anera ni kabaneingkami, akana ana taanga ni buaka i karawa.

Taian Areru 26:8

Te UEA, I tangira te Tembora are Ko mamaeka iai, Are te tabo are e mena iai mimitongim.

Itaia 6:3

ngke a takaarua ni kaangai, “E tabu, e tabu, e tabu, te UEA ae Moan te M'aaka! E on aonnaba ni mimitongina.”

Etekiera 10:4

ao e m'ananga nako mimitongin te UEA mai aoia maan ake iai baiia ni kiba ao a tei ni mataroan te Tembora. Ao e kaonaki te Tembora ni kabane ni mimitongina, ao e raitiiti n raneanea katawanangin te Tembora.

Etekiera 11:1

E tabekai rake Tamnein te UEA ao e uotai nako mataroan te Tembora, ike I a noora iai uangaun ma niiman m'aane, n reitaki ma taan kairiiri ake uoman ake Iaatania are natin Atura te m'aane ao Beratia are natin Benaia te m'aane.

Etekiera 2:2

Ao i mwiin taekinan aei, e anaai Tamneina ao e kateirakeai i aon waeu. Ao e taku te UEA:

Etekiera 3:11

Ao i mwiina, ko na nakoia aomata ake raom n nakomai mai B'aburon ao tuangiia b'a iai te rongorongo nakoia mai Rou, Ngai ae te UEA ae te Atua. Karaoa aei, e aoria ngkana a ongora ke a aki.

Etekiera 3:14

Ao e uotai nako te Tamnei nako kiiraroa. Ao e niiniai m'aakan te UEA ao E kairai, ao e a rangi ni maraki nanou ao I un.

Etekiera 43:4

ao E roko mimitongin te UEA man te mataroa are mai mainiku ma n rin i nanon te Tembora.

Etekiera 43:5

E kateirakeai Tamnein te UEA, ao e uotai nakon katawanangin te Tembora, ike I a nooria iai b'a ngaia E a kaona nanon te Tembora mimitongin te UEA.

Etekiera 8:3

E kaaenakoa te b'ai ae kaanga ai aron bain te aomata n taua irau. Ao i nanon miiu arei E a uotai rake Tamnein te UEA nako karawa ma ni uotai nako Ierutarem. E uotai te Tamnei nakon mataroan katawanangin te Tembora are i meaang ike e mena iai te bouannanti are e rangi n ribaia te UEA ao e rangi ni un iai.

Etekiera 9:3

Ao e kiitana nnena mimitongin te Atua are aon taian bouannanti ake maan ake iai baiia i nanon te Tembora ao e nako nakon te mataroa n rin. Ao e taku te UEA nakon te m'aane are e kunnikaia n te niiniira te rinen,

M'akuri 2:2

Ao e rina n roko te neaa mai karawa, ae kanga ai aroni karongoaan ukin te ang ae baibati, ao e kaona nanon te auti are a tekateka iai.

M'akuri 8:39

Ngke a aerake man te ran, ao E kairaki nako Biribo iroun Tamnein te UEA, ao e aki manga noria te iunaki, b'a e wakina kawaina ma te kim'areirei.

Te Kaotioti 1:10

I mena i aani m'aakan ana kairiri te Tamnei are Raoiroi n ana bong te Uea, ao I ongo te b'ana ae korakora, mai akuu, ae kanga tangin te bu,

Te Kaotioti 1:15

ao waena ai aron taraan te buraati ae raneanea ae a tia ni kaburoaki ni kaitiakaki n te ai ae ura m'aaka; ao b'anaana ai aroni karongoani b'aron naao aika bati,

Te Kaotioti 19:6

Ao I ongo te bae kanga b'anaaia kaain te botaki ae ab'ab'aki, ae kanga karongoani b'aron naao aika bati, ao kanga rebwerebweni baa aika korakora, ao a kaangai, Areruia! B'a E uea te Uea ae Atuara ae Moan te M'aaka.