Etekiera 3:11 - Te B'aib'ara

¹¹ Ao i mwiina, ko na nakoia aomata ake raom n nakomai mai B'aburon ao tuangiia b'a iai te rongorongo nakoia mai Rou, Ngai ae te UEA ae te Atua. Karaoa aei, e aoria ngkana a ongora ke a aki.

Etekiera 3:11 ပူးပေါင်းရင်းမြစ်များ

Te Otinako 32:7

E taku te UEA nakon Moote: Kawaekoako n oki rikaaki! A riki b'a kaanga baaba aomata ake ko kaotinakoia mai Aikubita.

Ieremia 29:20

Ngkami ni kabane aika I kanakoingkami nakon te kataenikaiaki i B'aburon, ongora nakon te b'ai ae I taekinna Ngai ae te UEA,’

Etekiera 2:4

A taningabono ao a atumatoa. Ma I a tia n rineiko Ngai ae te UEA ae te Atua b'a ko na tuangiia te b'ai ae I taekinna.

Etekiera 2:5

A na bon aki ongo naba koraki akana kakaitaraa, ma e aoria n anne ma a bon ataia b'a e a tia n roko te burabeti irouia.

Etekiera 2:7

ao ko na taetaekina Au taeka nako ia, e aoria ngkana a taku b'a a na ongora ke a na aki.

Etekiera 20:27

Etekiera, ko na tuangiia Iteraera b'a a bon katinanikuai ma ni kamarakai

Etekiera 3:10

Kakauongo raoi nakon b'aai ni kabane ao karaua iangoia.

Etekiera 3:12

Ao e tabekai rake te Tamnei, ao I ongo rebwen te baa i akuu ngke e tabe n nako mimitongin te UEA.

Etekiera 3:15

Ao ngke I oki ma ake tekorakina ake a maeka n te Tabuki are Abib'a i rarikin te Karaanga are Keeb'ara, ao I a tekateka i buakoia inanon itiua te bong, n tiaoki n te b'ai are e a tia n riki nako iu.

Etekiera 3:27

Ma e na roko te tai are N na tuangko iai te b'ai ae ko na taekinna, ao ane ko na manga konaa n taekina Au rongorongo. Ane a na ongo tabeman, ao tabeman a na bonotaninga ma n rawa n ongo.

Etekiera 33:12

Ko na tuangiia b'a ngkana kam a manga moana karaoan te bure ngkami aika kam raoiroi, ao a na bon aki konaa ni kamaiuaki man aia raoiroi ake a tia ni karaoi n taai ake ngkoa ngkana a katuaaeaki. Ko na kauringiia b'a ngkana a katoka karaoan te bure aomata aika a buakaka, ao e na kab'araaki aia bure ake ngkoa, ao a na aki katuaaeaki.

Etekiera 33:17

Etekiera, a bukinai am aomata b'a e aki eti ae I karaoia. Ma bon ngaiia aika a karaoa ae e aki eti.

Etekiera 33:2

Etekiera ae natin te aomata, ko na kauringiia am aomata ni kaangai: N na bae ni kanakoa te kairiribai n te bong teuana b'a e na buakana abami. Ao kaanga aongkoa kam rinea temanna b'a e na taratara

Etekiera 33:30

Etekiera ae natin te aomata, a tataekiniko kaain B'aburon ngkana a kabowi i rarikin oon te kaawa ke ni mataroan aia auti. A taku, “Ti na titirakina Etekiera b'a tera ana taeka te UEA n te bong aei.”

Etekiera 37:18

Ao ngkana a titirakiniko aomata b'a tera nanona,

Taniera 12:1

Ao e taku te anera are e kunnikaia n te rinen, “Ao ane e na kaoti te anera are Kabiriera are e kakawakiniia am aomata. Ane e na roko tain te kangaanga, aika a tuai ma n noonoria taiani botannaomata ma ngke a moani kaoti nakon te aonnaba aio. Ao ngkana e roko te tai anne, ao a na bane ni kamaiuaki am aomata ake a m'akoro araia n ana boki te Atua.

Taniera 6:13

Ao a taku nakon te uea, “Ma Taniera are temanna te taenikai mai Iuta e aki kan ongo, ao e rawa n ongotaeka nakon te tua are ko karaoia. E tataro tenua te tai n te bongina.”

Te Tua-Kaua 9:12

ao E taku: Moote, ko na kawaekoako n ruo man te maunga nakoia aomata ake ko kaotinakoia mai Aikubita. A tia n aki ongotaeka nako Iu, b'a a karaoa te bure ae moan te buakaka are karaoan te bouananti.