Etekiera 26:6 - Te B'aib'ara

⁶ ao a na tiringaki aomata ake a maeka ni kaawa ake i mataniwiin taari. Ao ane kam na ataai iai b'a bon te UEA Ngai.

Etekiera 26:6 ပူးပေါင်းရင်းမြစ်များ

Ieremia 49:2

A na roko boong are N na kanakoa iai te taanga ni buaka b'a e na buakana Rab'a, are ami kaawa n tautaeka. E na tiku n uruaki, ao a na wene ni mannang kaawa aika a uarereke ake i rarikina nako. Kam anai tabeua abaia Iteraera, ma n te bong arei a na anai ami b'ai Iteraera.

Etekiera 16:46

Tamaria bon tarim are te ikawai, are te kaawa ae e buubura are i meangim ma kaawa akana i rarikina nako. Tarim are karimwiim bon Totom, are te kaawa are i maiakim ma kaawa akana i rarikina nako.

Etekiera 16:48

Ma ngkai bon te UEA ae te Atua Ngai ae e maiu, e na bon aki buakaka riki Totom ma kaawa nako ake i rarikina nakoim.

Etekiera 16:53

N te bong teuana, N na kakab'aiaa Totom ao Tamaria ao kaawa nako akana i rarikina. N na bon kakab'aiako naba, ngkoe ae Ierutarem.

Etekiera 25:11

E na katuaaeaki Moaba. Ao i mwiina, ane a na ataia aomata b'a bon te UEA Ngai.

Etekiera 25:14

N na kanakoia oin Au aomata b'a a na karekea kaiia kaain Etom n te aro b'a a na namakina korakoran uniu. Ao a na ataai b'a bon te UEA Ngai ae te Atua ngkana I katuaaia.”

Etekiera 25:17

N na kareke kaiia n uniu ae e korakora. Ao ane a na ataai b'a bon te UEA Ngai ngkana I katuaaia.

Etekiera 25:5

E na riki kaawan ami tautaeka are Rab'a b'a te tabo ae akea boongana ma ana riki taabo n uteute i bukiia kaamero, ao nikiran te aba b'a te tabo n uteute i bukiia tiibu. Ao ane kam na ataai iai b'a bon te UEA Ngai ae te Atua.

Etekiera 25:7

Ma ngaia ae N na anga ngkami nakoia kairiribai aika a na kimoaingkami. N na kamaunaingkami ni kabane. E na aki tau nikiraia ami aomata ni manga karika riki ami botannaomata, ao ane kam na ataai iai b'a bon Ngai ae te UEA ae te Atua ae I karaoi baikai ni kabane.

Etekiera 26:8

Te moanib'ai are e na karaoia bon buakanakin taiani kaawa ake a mena i rarikin taari ma n tiringiia aomata ake a maeka ikekei. Ao i mwiina, e na katabuka te tano n tam'arakei oon te kaawa ake a rietaata, ma ni karaoi otangana ni katobibia.