Etekiera 24:9 - Te B'aib'ara

⁹ Boni Ngai ae te UEA ae N na katuaaea te kaawa n tiritiri arei! N na katauraoa te b'ariko n aia,

Etekiera 24:9 ပူးပေါင်းရင်းမြစ်များ

Itaia 30:33

N taai ake ngkoa iai te tabo ae e katauraoia te UEA i bukin kabuokakin rab'atan te uea ae e a mate. E nano nnen te ai ao e warebwerebwe, e b'aenaata te ati n rietaata, ao e na kauraa te ai te UEA ni kaotinakoa ikeikena ae te ai.

Itaia 31:9

A na b'aka aia nono Ngkana e oroia te kangaanga ao ane a na maaku aia aobitia ma ni biri nako man te buaka. Bon aei te b'ai ae e a tia n taekinna te UEA, are e karaoaki ana nnenikanaiai i aon te Maunga are Tion.

Etekiera 21:2

Etekiera ae natin te aomata, ko na kabuakaka Ierutarem are a taromauri iai aomata. Kauringiia aomata ni kabane i Ierutarem

Etekiera 21:3

b'a N nang katuaaia. N na kaotinakoa Au kabang ao I a tauraoi n tiringiia aomata nako, aika a raoiroi ma aika a buakaka.

Etekiera 22:2

Etekiera ae natin te aomata, ko tauraoi ni kabuakaka Ierutarem? E onrake te kawa arei irouia taan tiritiri, ma ngaia ae ko na kauringiia aomata n aia bure nako

Etekiera 22:31

Ma ngaia ae N na katuuaia Iteraera ni uniu ae e tiritiri i bukin te b'ai are a tia ni karaoia, ao a na ataia b'a I a rangi ni un. Bon aei Au taeka Ngai ae te UEA.

Etekiera 24:10

ma ngaia ae kam na uoti mai riki taian aia ao kaurai. Kuukana te iriko ao kam'aa te am'arake b'a e aonga ni buro taian rii.

Etekiera 24:5

Karin taian kai i aan te b'aata, ao kaburoi taian rii ni karokoa a m'ai.”

Etekiera 24:6

Nanon taeka aikai b'a e na b'aka Ierutarem! E onrake te kaawa irouia taan tiritiri ao ti te bo ma te b'aata ae e b'ainikawai ae e a raraa. E a anaaki te iriko ni man teuana i mwiin teuana, ao akea ae e tabe iai.

Naum 3:1

Te mate tokin te kaawa ae te tia kewe, ao te tia tiritiri, ae e kaub'ai ae e na manga kurib'aiaki ma n anaaki b'aina nako!

Ab'akuka 2:12

Ko na b'aka, b'a ko aana am kaawa ni m'akuri aika bure, ao ko kateia n te tiritiri.

2.I-Tetaronike 1:8

ma te ai ae ura m'aaka. E na kareke kaiia ake a aki ira nanon euangkerion ara Uea are Iesu Kristo.

Iuta 1:7

n ai aroia kaain Totom ma Komora ma kaawa ake i rarikiia, ngke a kitan aroia ake a katauaki iai n ai aroia anera akekei, ao a karaoi aaro ni kammaira aika bobuaka ma te iango; ao a riki b'a te b'ai n reirei nakoia aomata ni kabaneia, ngkai a reke kaiia n te ai ae m'aka are akea tokina.

Te Kaotioti 14:20

Ao e toutouaki b'ain taonani kureebe i tinanikun te kaawa, ao e ti nako te raraa mai iai, ao e raanga nako tao uabubua te maire, ao rietana tao nimaua te buti mai aontano.

Te Kaotioti 16:19

E tabwena te kaawa are ab'ab'aki nakoni m'akoro aika tenua, ao a bane n urubekebeke taiani kaawa nako n aaba nako: ao te Atua E aki m'aninga taekani B'aburon are kakannato, ma ngaia are E anganna m'angkoni wain n unna b'a e na moi iai.

Te Kaotioti 16:6

B'a aomata a katinakoi raraaia te koraki ake a itiaki ma burabeti; ao Ko a tia n anganiia te raraa b'a a na moi iai. A riai n reke kaiia.”

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”