Etekiera 24:3 - Te B'aib'ara

³ Ao i mwiina, ko na tuangiia Au aomata aika a kakamangao ni kaangai: “Kab'aroa te ran nako nanon te b'aata ao katokaa i aon te ai.

Etekiera 24:3 ပူးပေါင်းရင်းမြစ်များ

2.Uea 4:38

Rimwi riki, ao e nako Kirekara Eritai, ao e a roko te rongo n te aba arei. N te bong teuana ngke a boowi burabeti ake a maeka ikekei ma Eritai, ao e taku Eritai nakon ana tia m'akuri, “Kukana te am'arake n te b'aata ae e buubura, i bukiia burabeti aikai.”

Taian Areru 78:2

N na kabonganai taian taeka n rabakau, Ao N na kab'arab'arai nanoni baike a raba ake b'ai nikawai,

Itaia 1:2

E taku ngkoa te UEA, “Ongora, karawa ao aonnaba! A tia ni manga kaaitaraai ataei ake I kaikawaia.

Itaia 29:2

N na bon teimatoa naba ni karawaawatako, ao a na tang am aomata ngkana I karaoa te baonikarea i bukim.

Itaia 30:1

Aio ana rongorongo te UEA i bukiia ana Aomata aika a kamangao: Kam iri oin ami babaaire ao kam aki iri au babaaire; kam karaoi taiani boraraoi i marenami ma tautaeka tabeua ao kam titirakinai moa, ao kam teimatoa ni buubure.

Itaia 30:9

A tia ni kaaitaraa te UEA ao a aki konaa n onimakinaki. A tia n rawa nakon ana taeka n reirei

Itaia 63:10

Ao i mwiina a rairaki ana Aomata te UEA ni manga kaitaraa ao a kananokawakaki Tamneina ae e Raoiroi ae e Tabu. Ma ngaia are, e a manga riki b'a aia kairiribai ao e a manga buakaniia.

Ieremia 1:13

Ao E kaoti b'aai tabeua ao e titirakinai ni kaangai, “Tera ae ko nooria ngkai?” Ao I kaeka, “I noora te b'aata n ran ae e buro i meang, ao e a kaan b'aroira.”

Ieremia 1:14

E taku te UEA: N na kab'aroa te urub'ai i aon te aba ni kabane.

Etekiera 11:11

Kam taekinna ngkami aika taani kairiiri b'a taian iriko maiu ngkami i nanon te b'aata ni kuuka, ma e na bon aki kamanoingkami te kaawa ae e buubura aei. E na bon aki, kam na mate i aon tian abaia Iteraera.

Etekiera 11:3

A taekin taeka n aron aikai, ‘Ti na karaoi auti aika a m'aiti riki. Ti te bo te kaawa ae e buubura aei ma tein te b'aata ni kuuka ae e toka i aon te ai, ao ti riki ngaira b'a kaanga taian iriko maiu, ma ti aki riki b'a taian iriko maiu ngkana e aki kaburoira te b'aata i aon te ai.’

Etekiera 11:7

Bon te b'aata ni kuuka te kaawa ae e buubura aei, ao bon taian iriko maiu rab'ataia koraki aika kam tiringiia. Ma ngaia ae N na kairoroingkami b'a kam na kiitana Ierutarem,

Etekiera 12:2

Etekiera ae natin te aomata, ko maeka i buakoia taani kamangao. Bon iai mataia, ma a rawa n taratara; iai taningaia ma a rawa ni kakauongo.

Etekiera 12:25

N na anganiia au rongorongo, ao e na bon riki te b'ai ae I taekinna. Kam na kauringiia taan kamangao akanne b'a e a roko te tai are a na katuaaeaki iai. Boni Ngai ae te UEA ae I karaoa te berita aei.

Etekiera 17:12

Etekiera, ko na titirakiniia Iteraera aika taani kamangao b'a tera nanon te karaki. Tuangiia b'a e roko ngkoa uean B'aburon i Ierutarem, ao i mwiina, e taua uean Iuta ma ana mataniwi, ao e uotiia ni kaokiia nako B'aburon b'a taian taenikai.

Etekiera 17:2

Etekiera ae natin te aomata, ko na karakina te karaki aei nakoia Iteraera,

Etekiera 2:2

Ao i mwiin taekinan aei, e anaai Tamneina ao e kateirakeai i aon waeu. Ao e taku te UEA:

Etekiera 2:3

Etekiera, I kanakoko nakoia Iteraera. Ti te bo aroia ma aia bakatibu aika a kakaitaraai ao a aki tangiria ni katoka aroia arei.

Etekiera 2:5

A na bon aki ongo naba koraki akana kakaitaraa, ma e aoria n anne ma a bon ataia b'a e a tia n roko te burabeti irouia.

Etekiera 2:6

Ko na aki maaku irouia ke ni b'aai akana a taekin. Ane ko na taku b'a ko a mena i nuukan aroka aika a kateketeke ke i buakon taian tikaobian. Ma ko na ninikoria

Etekiera 2:8

Etekiera, ko na aki kakaitaraai, n aron are a karaoia. Ma ko na kakauongo nakon te b'ai ae I tuangko. Ao ngkai, Etekiera, kauka wiim ao kana te b'ai ae N na anganiko.

Etekiera 20:49

Ma I ngurengure, te UEA ae te Atua, I aki tangiria ni karaoa te b'ai anne! A taku aomata b'a I kamangaongaoiia n Au rongorongo nako.”

Etekiera 24:6

Nanon taeka aikai b'a e na b'aka Ierutarem! E onrake te kaawa irouia taan tiritiri ao ti te bo ma te b'aata ae e b'ainikawai ae e a raraa. E a anaaki te iriko ni man teuana i mwiin teuana, ao akea ae e tabe iai.

Etekiera 3:9

Ko na kataua te taekina Au rongorongo n te aro ae akea te b'ai ae e na konaa ni katokiko. N na kamatoatoako kaanga te taiman, ao ko na bon aki konaa ni maaku irouia aomata aika a kainikatonga aika taani kamangao.

Mika 2:4

Ngkana e roko te tai arei, ao ane a na taetaekina rokon te kangaanga iroumi aomata b'a te b'ai ni kabootau. Ane a na anene ni karawaawata ae kam a tia n ri nanona ae e kaangai, A uruaki ara b'ai ni bane. E a tia n anai abara te UEA. Ao E anganiia ake a kataenikaira.

Mareko 12:12

Ao aia mataniwi I-Iutaia a kakaea angan tauan Iesu b'a a na kaburea, b'a a ataia ae E ekiianako n te taeka ni kabotau aei; ma a makuia aomata, ma ngaia are a kitanna ao a nako.

Ruka 8:10

ao Ngaia E taku, Kam anganaki te kona n atai baike a raba ake b'ain uean te Atua; ma a anganaki aomata aika bati n taeka ni kabotau, b'a a na taratara ma a na aki noraba, ao a na ongora ma a na aki atatai.

M'akuri 7:51

E reita nako ana taeka Tetebano ao e taku, “Aomata ngkami aika a matoatoa nanomi, n ai aron nanoia aomata aika aki onimakina te Atua; ao kam bonoti taningami n aki kan ongo ana taeka te Atua! Kam aki toki n rarawa ni kan ongo iroun te Tamnei are Raoiroi. Kam a manga karaoa naba are a karaoia ngkoa ami bakatibu!