Etekiera 24:1 - Te B'aib'ara

¹ Ruaiwa te ririki i mwiin uotakira nakon Ieoiakin ao ngaira ni kabane b'a taenikai nako B'aburon, ao E taetae te UEA nako iu ni katebwinan bongin te katebwina n nam'akaina. E taku:

Etekiera 24:1 ပူးပေါင်းရင်းမြစ်များ

Etekiera 20:1

Itiua te ririki i mwiin te uea are Ieoiakin ao ti a bane ngaira ni kairaki nako B'aburon b'a taenikai, a roko irou tabeman taani kairiiri mai Iteraera n katebwinan bongin te kanimaua n nam'akaina. A tekateka ao a buubutiai b'a N na kaongoia ana rongorongo te UEA.

Etekiera 8:1

Onoua te ririki i mwiin rikin Ieoiakin b'a te uea ao nikirara ti a kairaki nako b'a taenikai nakon B'aburon, ao I kaboowi ma taani kairiiri i Iuta n au auti. N kanimauani bongin te kaonoua n nam'akaina, E a manga niniai te UEA ae te Atua,

Etekiera 40:1

Boni katebwinan bongin te ririki ae e boou, are bon te kauabwi ma nimaua n ririki i mwiin anaakira b'a taenikai ngaira ao te katebwi ma aua n ririki i mwiin tauan Ierutarem. E niniai m'aakan te UEA n te bong anne, ao E kairai nako.

Etekiera 33:21

Tebwi ma uoua te ririki i mwiin anaakin te Uea are Ieoiakin ma nikiraia ara koraki b'a taenikai nako B'aburon, ao e roko irou temanna ae e biri nako mai Ierutarem n nimaua bongin te katebwina n nam'akaina. E kaongoai b'a e a tia ni b'aka te kaawa.

Etekiera 32:17

E taku te UEA ni katebwi ma nimauan te nam'akaina naba anne:

Etekiera 32:1

Tebwi ma uoua te ririki i mwiin kairakin te Uea are Ieoiakin ma nikiraia ara koraki b'a taenikai nako B'aburon, ao E taetae te UEA nako iu ni moanibongin te katebwi ma uoua n nam'akaina. E taku:

Etekiera 31:1

Tebwi ma teuana te ririki i mwiin anaakin te Uea are Ieoiakin ma nikiraia aomata b'a taenikai nako B'aburon, ao E taetae te UEA nako iu ni moanibongin te katenua n nam'akaina. Ao E taku:

Etekiera 29:17

Uabwi ma itiua te ririki i mwiin anaakin te Uea are Ieoiakin ma nikira ni kabane b'a taenikai nako B'aburon, ao E taetae te UEA nako iu ni moanibongin te moan nam'akaina. E taku:

Etekiera 29:1

Tebwiina te ririki i mwiin anaakin te Uea are Ieoiakin ao nikira ni kabane b'a taenikai nako B'aburon, ao E taetae te UEA nako iu ni katebwi ma uouan bongin te katebwina n nam'akaina. E taku:

Etekiera 26:1

Tebwi ma teuana te ririki i mwiin anaakin te uea are Ieoiakin ma nikiraia ara koraki b'a taenikai nako B'aburon, ao E taetae te UEA nako iu ni moanibongin te nam'akaina. E taku:

Etekiera 1:2

Bon ana kanimaua n ririki mai mwiin uotakinakoan te uea are Ieoiakin nakon te kataenikaiaki.

2.Uea 24:12

E waekoa Ieoiakin n taenikai, ni ikotaki ma tinana ao ana taani m'akuri, ao ai uana naba ma ana aobitia n te taanga ni buaka, ao a na mataniwi. Ao e katika Ieoiakin te uea are Nebukaneta. A riki baikai n ana kawanua n ririki Nebukaneta n tautaekana B'aburon.

Ieremia 39:1

N te katebwina n nam'akaina n ana karuaiwa n ririki Tetekia ni uea i aon Iuta, ao e roko Uean B'aburon are Nebukaneta ma ana taanga ni buaka ni kabane ao a buakana Ierutarem.

Ieremia 52:4

N ana karuaiwa n ririki ni uea Tetekia, n te katebwina n nam'akaina, e a kairiia ana taanga ni buaka ae e b'anin Nebukaneta mai B'aburon ni buakana Ierutarem. A katea aia kaemb'a te taanga ni buaka arei i tinanikun te kaawa ao a katei b'ain tam'arakean oon nako te kaawa.

Etekiera 23:49

Kam na katuaaeaki ngkai kam a tia n riki b'a aineni mataawa ao i bukin taromauriaia bouannanti, ao kam na ataia iai b'a bon te UEA Ngai ae te Atua.

Etekiera 24:2

Etekiera ae natin te aomata, ko na taua mwiin te bong aei, b'a e a moana buakanan Ierutarem uean B'aburon ni buakana te kaawa are Ierutarem.

Tekaria 8:19

Kaain Iuta, I tangiria Ngai ae te UEA b'a ngkana kam aki mamatam are aron ami taromauri, ao kam na riai ni karaoia b'a te tai ni bootaki ni kukurei. E aoria ngkana te kaaua n nam'akaina, ke te kanimaua n nam'akaina, te kaitiua n nam'akaina ke te katebwina, ma kam na riai ni karaoa te toa ae e kakukurei. Ma ngaia are, kam na tangira te koaua ao maeka i nanon te rau.