Etekiera 22:9 - Te B'aib'ara

⁹ A karaoa te kewe tabeman aika bon oin am aomata, n te aro are a tiringaki ake tekorakina. A kang iriko ni man ake a kareanaki nakon taian bouannanti ni baangotan te aba, ao ake tekorakina a aki konaa ni katoka karaoan b'aai aika a kammaira.

Etekiera 22:9 ပူးပေါင်းရင်းမြစ်များ

Taian Areru 101:5

N na kamaunaa ane wirikiriki ni winantia raona; N na aki raoraona ane mata ni karietata ao e kainikatonga.

Taian Areru 106:28

A ira taromauriani B'aara i Beore ao a kang karea ake a katauaki i bukiia atua ake akea te maiu i nanoia.

Taian Areru 50:20

Ko tauraoi n tataetae ni bukiniia am utu b'a a bure, Ao ni kabuakakaia.

Te Otinako 20:16

Ko na aki bukina temanna n te aro ni kewe.

Te Otinako 23:1

Kam na aki kabutanakoa te uarao ke ni buoka te aomata ae buakaka ni kaotioti i bukin ana kewe.

Taeka n Rabakau 10:18

Kam konaa ni karabaa nanomi ni kairiribai ngkana kam taekina te kewe, ma bon te nanobaba ngkami ngkana kam touakina te kewe.

Taeka n Rabakau 18:8

Bon akea riki ae e kangkang ae ai aron katoongan te winanti! E mauna nako i nanon wiim.

Taeka n Rabakau 26:22

Bon akea riki te b'ai ae e kangkang nakon te b'ab'arantiko! e rannako i nanon te wii.

Ieremia 6:28

Ao ane ko na kuneia b'a ti te bo matoaia ma kaanga te buraonti ao te biti. Bon taani kakaitaraai aika a taningamatoa ngaiia, ao a aki toki n tataekin taiani kewe.

Ieremia 9:4

Ieremia, a bane raraom ma am koraki n taekina te kewe i bukim, ma ngaia ae ko na aki onimakiniia.

Etekiera 11:6

Kam a tia ni tiringiia aomata aika a rangi ni m'aiti n te aro are e a on te kaawa ae e buubura n taiani mate!

Etekiera 16:43

Ko kaunai ngke ko karaoi baika a rangi n ribaaki aikai ni kabane ao ngke ko m'aninga arou ngke I tararuaiko ngke ko uarereke. Ao i mwiina, ko a manga kabuakakaai riki ngke ko a manga riki b'a ainen mataawa. Ko bon riai ni katuaaeaki! Bon aei au taeka Ngai ae te UEA ae te Atua.

Etekiera 18:11

ae e aki kaakaraoia tamana. E kaakang iriko ake ni baangotan te aba, ao e wene ni bure ma buun temanna,

Etekiera 18:15

E rawa ni kana te iriko ni man are e mena ni baangotan te aba ke n taromauriia aia bouannanti Iteraera, ao e aki wene ni bure ma buun temanna.

Etekiera 18:6

E aki kan kang taian karea i bukiia antiia ianena n taiani baangota ke n taromauri bouannantin nako Iteraera. E bon aki wene ni bure ma buun te m'aane temanna ke te aine ae e aoraki n aine.

Etekiera 23:29

A na uoti b'aai nako n te aro ae e aki raoiroi ake ko bon karekei n am m'akuri korakora ao a na buuti kunnikaim ni kabebeekaniko. Ao a na bane aomata n nooriko b'a bon ainen mataawa ngkoe. A kairiko oin am bure

Etekiera 24:13

E a rangi n on Ierutarem n te bure ao te buakaka ao I a aki konaa ni kaitiakia, e ngae ngke I a tia ni kataia ni kanakoi. E na tiku ni kammaira ni karokoa te tai are N nang bononnanoia iai.

Otea 4:10

A na aki rauaki n te am'arake, ao e na aki reke karikan naati man te wene ni bure n aia baangota beekan. A tia ni kaitaraai au aomata

Otea 4:14

Ma I aki katuaaia. Boni ngkami aika m'aane aika kam riai ni bukinaki, i bukina b'a kam nako ni kawariia ainen matawa ao kam anga karea ma ngaiia n aia baangota nako beekan. E na uotingkami nanobabami nakon uruakami.

Otea 4:2

A aki toki n riiriki baikai Katekebuaka, karaoan ae e aki raoiroi, te tiritiri, te kimoa, ao te aki kakaonimaki. Te kiriwe n taabo nako.

Otea 6:9

Ti te bo ngkami aika ibonga ma te kaeng ni kimoa aika a na bakairaa. I aon te kawai nako Tekem kam tiritiri ao kam karaoi riki buure tabeua aika a kakamaaku.

Otea 7:4

A bane aomata nako n tam'are nanoia ti te bo ngaiia ma taiani kooro i nanon te ainumuum, ae e tauraoi ni kanakoa urana.

Nakoaia Ibonga 19:16

Tai riki b'a te tia wiwinanti, ao tai tatab'ara n taetae n te kabowi, ti ngkana e na boni maiu temanna n am kaotioti.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Mataio 26:59

Ao ibonga ake mataniwi ma kaain te Tanirim ni kabaneia a ukoukora bukinan Iesu aika aki koaua, b'a a na kamatea;

M'akuri 24:13

Ao a aki kona ni kakoauai nako im baikana a bukinai iai.

M'akuri 24:5

B'a ti kunea te aomata aei b'a e iowawa: e karika te kiriwe i buakoia I-Iutaia ni kabaneia i aon aaba nako, ao ngaia mataniwin te botaki ae a atongaki kaaina b'a Natarene;

Tani Motiki-taeka 20:6

Bon te b'ai ae aki kakaraoaki te aro aei i aon Iteraera, ngaia are, I a korokorea rab'atana ma ni kanakoi m'akorokorona nako aon Iteraera ni kabutaa.

1.Tamuera 24:10

ko konaa n nooria raoi b'a E a tia te UEA n anga ngkoe nako aani m'aakau. A tuangai tabeman au rorobuaka b'a N na tiringko, ma I nanoangaiko ao I taku b'a N na bon aki kona n tiringko, b'a boni ngkoe temanna ae E a tia n rineiko te UEA b'a ko na uea.