Etekiera 22:6 - Te B'aib'ara

⁶ A kabonganai oin m'aakaia taani kairiiri n tiritiri.

Etekiera 22:6 ပူးပေါင်းရင်းမြစ်များ

Etekiera 22:27

Ti te bo mataniwiin nako Iteraera ma taian kameanti aika a tiritiri, aika raebitii konaia n aki akaaka. A maiuakina te maiu ae e buakaka n aroia n kaikoakiia ma n tiringiia aomata.

Itaia 1:23

A tia taani kairiiri n katinanikuai ao a manga riki b'a raoia koraki ake taani baabakanikawai; ao ami taan tautaeka a iangoi reken taiani b'aintangira ao m'akuri ni baabakanikawai. Bon akea itin te motikitaeka nakoia aine aika a tia ni mate buuia ao ataei aika akea aia karo.

Tekaria 3:3

A a rangi ni baarekareka ana kunnikai Iotua.

Mika 2:1

Ai rekera kaiia aomata ake a aki matuuakin aia iango aika a buakaka, ma ni iangoi waekoan koron bukiia nakon te ingabong. Ni bon te tai are e reke iai aia tai, ao a karaoa naba te buakaka are e a iangoia.

Taniera 9:8

A karaoi m'akuri aika a kamamaa ara uea, ara taan tautaeka, ao ara bakatibu, ao a bure nakoim te UEA.

Ieremia 32:32

i bukin m'akuri aika a buakaka ni kabane aika a tia ni karaoaki irouia kaain Iuta ma Iteraera, n reitaki ma ibonga ma burabeti.

Ieremia 5:5

N na nako n taetae ma taan kairiiri. A na ataa te b'ai ae e tangiria te UEA.” Ma a bon rawa naba n ongotaeka i roun te UEA.

Neemia 9:34

A tia ara uea, ara taani kairiiri, ao ara ibonga n aki ongotaeka nakon am tua ke n ongotaeka nakon am kauring nako.

Etekiera 21:12

Ngirangira n nanokawaki Etekiera; e kab'akaaki te kabaang i aoia Au aomata ma aia taani kairiiri. A na mate! Ma ngaia ae ko na kab'araa nanom man am kaantaninga ni kabane.

Etekiera 22:3

ao tuangiia te b'ai ae I taekinna: Ierutarem, kam a tia n tiringiia oin ami aomata ao kam a tia n taromauri taiani bouannanti. Kam na katuaaeaki n te tai ae e waekoa!

Taeka n Rabakau 30:14

ao tabeman a rangi n nano n rang ao a kab'autiia aomata aika a maiu ni kainano ao aika akea mwengaia.

Ieremia 22:17

Ma ti te b'ai ae ko rangi n iaiangoia bon aron te kewe ke te kabuakaka ke tiringaia tabem'aang aika akea aia bure.

Etekiera 45:8

E na riki te tabo aei b'a tib'an te tia tautaeka n abaia Iteraera, b'a e aonga n aki manga karawaawataia aomata, ma e na anga nikiran te aba nakoia barongan nako Iteraera.

Teb'ania 3:3

A bekorara aia mataniwi n ai aroia raian. Ai aroia kameanti aika bora ni baki ana taan motikitaeka, e aki kona n tiku nikiran kanaia nakon te ingabong.

Teb'ania 3:4

A akea onimakinaia burabeti, b'a a aki kakaonimaki: Ibonga a kabaarekai baike a tabu ao a minota ana tua te Atua nakon oin nanoia.