Etekiera 20:9 - Te B'aib'ara

⁹ Ma I taraa n ae I a tia ni kewe i bukina ngke I a tia n berita i mataia ni kabane b'a N na kairiia ni kaotinakoia mai Aikubita.

Etekiera 20:9 ပူးပေါင်းရင်းမြစ်များ

Taian Areru 106:8

Ma E kamaiuia i bukini karinean arana, B'a E aonga ni kaota m'akana.

Te Otinako 32:11

Ao e kataia Moote ni butiia te UEA ae te Atua b'a E na bita nanona: Ara UEA. Ko kamanenaa ngkoa korakoran m'aakam ni kaotinakoia aomata aika mai Aikubita. I butiko b'a Ko na aki un i rouia ngkai ma ni karaoi taekaia.

Te Otinako 32:12

Ane a na taku kaain Aikubita b'a Ko kaotinakoia nakon te maunga aei b'a ko na karaoi taekaia iai. I butiiko b'a Ko na aki un irouia am aomata. Ko na aki tiringiia!

Itaia 48:11

I karaoa aei bon ibuku. I rawa ngkana I aki karineaki ke n tib'aa neboau ma anti tem'angina.

Etekiera 20:14

Ma N na bon ngareakiniia iai, i bukina b'a a tia n noorai botannaomata aika a bati ni kaotinakoia Iteraera mai Aikubita.

Etekiera 20:22

Ma I bon aki. B'a N na bon ngareakinaki iai irouia botannaomata nako ake a tia n noorai ni kaotinakoia mai Aikubita.

Etekiera 39:7

A na ataai Au aomata aika Iteraera, ao a na aki manga oki ni kamatauningaa Arau. A na bane aomata ni kabane aika i aon te aonnaba n ataai b'a bon te UEA Ngai ae Atuaia Iteraera ae I tabu.

Te Tua-Kaua 9:28

B'a ngkana ko tiringiira, ao ane a na kaangai kaain Aikubita E berita ngkoa te Atua b'a E na anganiia Iteraera te aba, ma bon akea m'aakana ni kaawakina ana Berita, ao ni koauana, E bon rangi n ribaia n te aro are E kairiia nakon te rereua n tiringiia iai.

Iotua 2:10

Ti a tia n ongo rongorongon te UEA ngke e kaoraa Taari are e Uraura i m'aaimi ngke kam kiitana Aikubita. Ti ongo naba rongorongomi ngke kam tiringiia uean Amoraite ake Taion ma Oka, ake i mainikun te Ioretan.

Iotua 7:9

A na bane n ongo aomatan Kanaan ma kaain te aba aei ni kabane rongorongora, ao a na teirake n otab'aninira n tiringiira ni kabane! Ao e na kanga ngkanne ni karineaki aram?”

1.Tamuera 12:22

Ma E a tia n rineingkami te UEA b'a Ana aomata ni koaua. E na kakaawakiningkami n taai nako b'a kam aonga ni bane n ataa aroni korakorana.

1.Tamuera 4:8

Ti a bon reke n te kangaanga ae moan te ab'ab'aki! Antai ae kona ni kamaiura mairouia atua aika m'aaka akekei? Bon taian atua naba ake a karaoi b'aai aika kakamaamate ngkoa nakoia kaain Aikubita i nanon te rereua.