Etekiera 2:4 - Te B'aib'ara

⁴ A taningabono ao a atumatoa. Ma I a tia n rineiko Ngai ae te UEA ae te Atua b'a ko na tuangiia te b'ai ae I taekinna.

Etekiera 2:4 ပူးပေါင်းရင်းမြစ်များ

1.Uea 22:14

Ma e kaeka Mikaia ni kaangai, “N na taekina are e tuangai te UEA ae e maiu.”

2.Rongorongo 30:8

Kam na aki taningabono n aekakiia ami bakatibu. Iangoia ngkai b'a kam na ongotaeka iroun te UEA ae Atuara! Nakomai nako Ierutarem ao taromauria i nanon te Tembora are bon ana b'ai n aki toki. Ao ane e na toki iai unna,

2.Rongorongo 36:13

E a tia uean B'aburon are Nebukaneta ni kairoroa Tetekia b'a e na berita n aron te Atua b'a e na kakaonimaki. E taningabono Tetekia ao e rawa n rairaki nako te UEA ae Atuan Iteraera, ma ngaia are, e kaaitaraa Nebukaneta.

Taian Areru 95:8

“Kam na tai kamatoatoai nanomi, n ai aroia ami bakatibu ngkoa i Merib'a, N ai aroia n te bong arei n te rereua i Mata,

Taeka n Rabakau 21:29

A bakan atai kawaia aomata aika a buakaka, ma a iango ana aomata te Atua i m'aain eutakin waeia.

Itaia 48:4

I ataia ae kam taningabono ao kam atuumatoa.

Ieremia 1:7

Ao e taku te UEA, “Ko na tai taku b'a ko rangi ni uarereke. Ngkana I tuangko b'a ko na nako n taetae nakon temanna, ao ko na nako! Ao ngkana I tuangko te b'ai ae ko na taekinna, ao kona taekin b'aai nako aika I tuangko!

Ieremia 3:3

Ma ngaia are, I rawa Ngai ae te UEA ni kab'aka te karau n te aumeaang. Ma ko aki mamaa naba n te b'ai ae ko a tia ni karaoia kaanga te aine ae ainen matawa.

Ieremia 36:21

Ao i mwiina, e kanakoa Ieuri te uea n anaa te niira ni boki. E anaia man ana ruu Eritiama ao e warekia nakon te uea ao ana mataniwi ni kabane ake a teitei i rarikina.

Ieremia 5:3

Ao I kaeka ni kaangai, “I ataia b'a ko kakaaea te koaua. Ko katuaaia am aomata i bukin aia kewe, ma a aki ongea marakiia, a karikirakea riki taningabonoia ao a rawa n rairaki nako im.”

Ieremia 6:15

A riai ni mamaa n aia bure ae moan te ribaaki, ao a aki roko naba n te mainarake moaia. Ai ngaia are ngkana I katuaaea Iuta, ao a na bane n toki i aon aontano, ni mate kaanga aekaia aomata nako. Bon aei au taeka Ngai ae te UEA.

Ieremia 8:12

A na riai ni kamaamaaeaki i bukin aia bure aika a rangi n ribaaki, ma a bon aki roko n te bwerengaki. Ai ngaia are ngke I katuaaea Iuta, a na bane ni b'aka i aon te tano, ni mate kaanga aroia aomata ni kabane.

Etekiera 3:11

Ao i mwiina, ko na nakoia aomata ake raom n nakomai mai B'aburon ao tuangiia b'a iai te rongorongo nakoia mai Rou, Ngai ae te UEA ae te Atua. Karaoa aei, e aoria ngkana a ongora ke a aki.

Etekiera 3:27

Ma e na roko te tai are N na tuangko iai te b'ai ae ko na taekinna, ao ane ko na manga konaa n taekina Au rongorongo. Ane a na ongo tabeman, ao tabeman a na bonotaninga ma n rawa n ongo.

Etekiera 3:4

Ao e taku te UEA: Etekiera, I kanakoko nakoia ake oin am aomata.

Etekiera 3:7

Ma ane a na rawa n ongo iroum Iteraera, i bukina b'a a rawa n ongo i Rou. A bane n taningabono ao a matoatoa atuuia,

Amota 7:15

ma E anaai te UEA ma n au m'akuri ni kaawakin man, ao E kanakoai b'a n na taekina Ana taeka nakoia Ana aomata aika Iteraera.

Tekaria 7:12

Ma a tannako mani b'aai nako ao ni kamatoatoai nanoia kanga atiibu. MA a bon aki kan ongo ni baike ake a tuangaki irouia burabeti ake mai m'aaina b'a a na kab'arab'araa. Ma ngaia are, E a maraki nanou

Mataio 10:16

Noria, I kanakoingkami b'a kaanga tiibu i buakoia kameaanti; ma ngaia are kam na wanawana n ai aroia naeta, ao kam na nimamannei n ai aroia taobe.

Te Tua-Kaua 10:16

Uringa ami boraraoi ma te UEA, ao katoka ami taningamatoa.

Te Tua-Kaua 31:27

Ao I bon atai taningabonomi ma ami kamangao ma Iteraera ni kabane. Kam a tia n kakaitaraa te UEA ngkai I boni maiu i rarikimi, ao ane kam na rangi ni buakaka riki ngkana I a kiitaningkami.