Etekiera 2:3 - Te B'aib'ara

³ Etekiera, I kanakoko nakoia Iteraera. Ti te bo aroia ma aia bakatibu aika a kakaitaraai ao a aki tangiria ni katoka aroia arei.

Etekiera 2:3 ပူးပေါင်းရင်းမြစ်များ

2.Uea 17:14

Ma a aki kan ongo Iteraera, a taningabono n ai aroia aia bakatibu are a rawa n taromauriia te UEA ae Atuaia.

2.Uea 17:15

A katinanikua ana taeka ni kauring te UEA ma ana babaaire, ao a kaaki taekan te boraraoi are e a tia ni karaoia ma aia bakatibu. A taromauri bouananti ake akea maneia, ao a boni kakeai manenaia. E a tia n tuangiia b'a a na aki katotoongia botannaomata ianena ake i rarikiia ni b'aai aika a karaoi, ma a aki ongo Iteraera b'a a boni katotoongia naba.

Etira 9:7

Ti a bane n tia ni bure ni moa man aia tai ara bakatibu, ao ti bane n tia ni bure. Ao bon anne bukina ngkai ti aki toki ni kookonaaki ngaira, ara uea ao ara ibonga irouia uea ake tekorakina. A tia n tiringiia tabeman mai buakora ao a tia n toroniia tekorakina; a tia n anai ara b'ai ao ma ni kamamaaira, n ai aron ae e riki nakoira n te bong aei.

Neemia 9:26

Ma e ngae n anne, ao a bon kakaitaraa naba ma n aki ongotaeka nakon am tua. A tiringiia am burabeti ake a aki toki ni kaakauringiia b'a a na rairaki nakoim, ao a karereantia aram.

Taian Areru 106:28

A ira taromauriani B'aara i Beore ao a kang karea ake a katauaki i bukiia atua ake akea te maiu i nanoia.

Itaia 30:1

Aio ana rongorongo te UEA i bukiia ana Aomata aika a kamangao: Kam iri oin ami babaaire ao kam aki iri au babaaire; kam karaoi taiani boraraoi i marenami ma tautaeka tabeua ao kam titirakinai moa, ao kam teimatoa ni buubure.

Ieremia 1:7

Ao e taku te UEA, “Ko na tai taku b'a ko rangi ni uarereke. Ngkana I tuangko b'a ko na nako n taetae nakon temanna, ao ko na nako! Ao ngkana I tuangko te b'ai ae ko na taekinna, ao kona taekin b'aai nako aika I tuangko!

Ieremia 3:25

Ti a tia ni kakaaitarako kaanga aroia ara bakatibu, ao ti a mamaa n ara bure.”

Ieremia 36:2

I a kaman taetae nakoim i bukin Iteraera, ma Iuta, ao botannaomata ake tabeua man ana tai Iotia ni uea. Ngkai ko na anaa te niira ni boki ao koroi i aona b'aai ni kabane aika I tuangko,

Ieremia 44:20

Ao I taetae nakon te koraki ni kaangai:

Ieremia 44:21

Kam bon aki ataia b'a te UEA E ataa te b'ai are kam karaoia ma ami bakatibu, ma ami taani kairiiri ao ami uea, ao aomata ni kabane; are kam kabuoka te b'ai ni kaboiarara nako ia anti tabem'aang i Ierutarem ao n taabo nako i Iuta?

Ieremia 7:2

ao n tuangiia aomata ake a na nako n rin te b'ai are E taekinna te UEA

Etekiera 17:12

Etekiera, ko na titirakiniia Iteraera aika taani kamangao b'a tera nanon te karaki. Tuangiia b'a e roko ngkoa uean B'aburon i Ierutarem, ao i mwiina, e taua uean Iuta ma ana mataniwi, ao e uotiia ni kaokiia nako B'aburon b'a taian taenikai.

Etekiera 24:3

Ao i mwiina, ko na tuangiia Au aomata aika a kakamangao ni kaangai: “Kab'aroa te ran nako nanon te b'aata ao katokaa i aon te ai.

Etekiera 40:4

E taku te m'aane arei, “Etekiera, ae natin te aomata, karekea raoi matam ni b'aai nako aika N na kaoti nakoim, bon anne bukina ngkai ko kairaki nako ikai. Kakauongo raoi, i bukina b'a ko na manga tuangiia aomata te b'ai ae ko nooria.

Amota 7:15

ma E anaai te UEA ma n au m'akuri ni kaawakin man, ao E kanakoai b'a n na taekina Ana taeka nakoia Ana aomata aika Iteraera.

Maraki 3:7

e ngae ngke kam a tia n aki ongotaeka nakon Au tua nako man aia tai ami bakatibu. Ma ngkana kam okirai, N na manga oki nakoimi. Ao kam a manga titiraki ni kaangai, “Ti na kangaa n oki?”

Warekaia Iteraera 20:10

Ao ngke e a tia Moote ma Aaron ni botiia aomata ni katobibia te b'aa, ao e taku, “Nooria, bon aomata ngkami aika taani kamangao. Ao kam nang noora ngkai te ran ae na tiinako man te b'aa aei!”

M'akuri 7:51

E reita nako ana taeka Tetebano ao e taku, “Aomata ngkami aika a matoatoa nanomi, n ai aron nanoia aomata aika aki onimakina te Atua; ao kam bonoti taningami n aki kan ongo ana taeka te Atua! Kam aki toki n rarawa ni kan ongo iroun te Tamnei are Raoiroi. Kam a manga karaoa naba are a karaoia ngkoa ami bakatibu!

I-Rom 10:15

Ao a na kanga n tataekinna ngkana a aki kanakoaki? N ai aron are koreaki ni kaangai, “Ai tamaroa ra waeia ake a roko n uoti rongorongoni baika raraoi!”

Te Tua-Kaua 9:24

Ni koauana raoi, ao kam kakaitaraa te UEA ni moa man te tai are E a tia ni kinaingkami iai.

Te Tua-Kaua 9:27

A kakaonimaki nakoim ara bakatibu ake Aberaam, Itaaka, ao Iakob'a. Ko na uringiia, ao ko na aki uring aia taningabono, aia buakaka ao aia bure Iteraera te UEA.