Etekiera 2:2 - Te B'aib'ara

² Ao i mwiin taekinan aei, e anaai Tamneina ao e kateirakeai i aon waeu. Ao e taku te UEA:

Etekiera 2:2 ပူးပေါင်းရင်းမြစ်များ

Neemia 9:30

Ko teimatoa n taotaona nanom, ao Ko kauringiia n Tamneim n ririki aika a m'aiti n am rongorongo ake Ko taekin rinanoia am burabeti. Ma a bon teimatoa naba n rawa n ongo, ao Ko anga ngaiia nakoia aia kairiribai.

Etekiera 11:5

E niniai Tamnein te UEA ao E tuangai b'a n na tuangiia taani kairiiri ni kaangai: I atai baika kam taekin ngkami aika taani kairiiri Ngai ae te UEA ae te Atua.

Etekiera 24:3

Ao i mwiina, ko na tuangiia Au aomata aika a kakamangao ni kaangai: “Kab'aroa te ran nako nanon te b'aata ao katokaa i aon te ai.

Etekiera 3:12

Ao e tabekai rake te Tamnei, ao I ongo rebwen te baa i akuu ngke e tabe n nako mimitongin te UEA.

Etekiera 3:14

Ao e uotai nako te Tamnei nako kiiraroa. Ao e niiniai m'aakan te UEA ao E kairai, ao e a rangi ni maraki nanou ao I un.

Etekiera 3:24

E niniai Tamneina ao e kateirakeai i aon waeu. Ao i mwiina E taku te UEA: Naako oki ni kainiko i nanon am auti!

Etekiera 36:27

i bukina b'a N na karina Tamneiu i nanomi ao ni karikingkami b'a kam na rangi ni kan ongotaeka nakon au Tua ma au Reirei nako.

Taniera 8:18

Ao ngke e tabe n taetae, ao I b'aka n tong i aontano. Ma e tauai ni baina, ao e kateirakeai. Ao e taku, “N na kaoti nakoim baika a nang riki i bukin unin te Atua. E kaineti te kaotioti anne nakon tain te toki.

Te Kaotioti 11:11

Ma i mwin tenua ma te iterana te bong ao e nako mairoun te Atua te ikeike-ni-maiu, ao e rin i nanoia; ao a teirake i aoni waeia, ao ake a tarataraia a rotaki n te maku ae korakora.

Tani Motiki-taeka 13:25

Ao ngke e mena Tamton n ana kaemb'a Taan are i marenan te kaawa are Tora ma Etitaora, ao e niniaki n Tamnein te UEA.

1.Tamuera 16:13

Ao e atoa te b'a Tamuera i aon atuun Tawita ngke a bon tabe ni mataku tarina nako. Ao n te tai anne, E niniia Tawita Tamnein te UEA ao E moana tikuna i rouna man te tai anne. Ao e oki Tamuera nakon ana auti i Ram'a.