Etekiera 18:9 - Te B'aib'ara

⁹ ao e kakaonimaki n ongotaeka nakon au Tua ma au reirei nako. E rangi n raoiroi te aro aei, ao I berita b'a e na reke maiuna.

Etekiera 18:9 ပူးပေါင်းရင်းမြစ်များ

1.Uea 9:4

Ko ongotaeka irou n aron are e karaoia tamam are Tawita, ao ko na b'aina te nano ae e koaua, ao e raoiroi. Ongotaeka nakon Au tua ma Au reirei,

Taeka n Rabakau 12:28

Ira te kawai nakon te maiu ao ane kam na aki katabeaiangaaki n te mate.

Etekiera 11:12

Ane kam na ataia b'a n iriiran aia tua botannaomata akana i rarikimi, kam bon aki ongotaeka iai nakon au tua ma au reirei. Ao bon te UEA Ngai!

Etekiera 18:10

Ma ngkana tao arona b'a manga iai natin te m'aane aei ae te m'aane ae e buakaka ae e tiritiri ao e kaakaraoa te bure

Etekiera 18:17

ao e rawa ni karaoa te m'akuri ae e buakaka ke n anaa bakaon ana tangom'ane te aomata ae e tangom'ane i rouna. E iri nanon au Tua nako ma au reirei nako. E na riai ni maiu te m'aane aei. E bure tamana, ma e na kamaiuaki te m'aane ae e raoiroi aei ao e na aki tiringaki i bukin ana bure tamana.

Etekiera 18:19

Ko na mimi b'a e aera ngkai e aki katuaaeaki natina te m'aane i bukin ana bure tamana. I bukina b'a e karaoa ae e raoiroi ao e ongotaeka nakon au Tua nako.

Etekiera 20:11

I anganiia au Tua ma au Reirei, b'a a aonga n ataa aron maiuia ae e raoiroi.

Etekiera 20:13

Ma a kakaitaraai Iteraera i nanon te rereua. A rawa n iri nanon au Tua ma au Reirei nako, ao a karaoa te Taabati b'a kaanga te bong n aki akaaka. Ao I a baaireia b'a N na kamaunaia Iteraera n te rereua ae Au moan tai ni kamaunaia ao ai Au kabanea naba.

Etekiera 33:15

Te katoto n ai aron aei, a tangiria ni kaoka te b'ai are a tia n anaia b'a te kakoaua i bukin te roun ao b'aai ake a tia ni kimoai. Ao i mwiina, a katoka karaoan te bure ao a manga moana te ongotaeka nakon au Tua, a na bon maiu.

Etekiera 36:27

i bukina b'a N na karina Tamneiu i nanomi ao ni karikingkami b'a kam na rangi ni kan ongotaeka nakon au Tua ma au Reirei nako.

Etekiera 37:24

E na uea i aoia temanna ae e nako mairoun Au toro are Tawita. A na bane n ikotaki i aan temanna te tia tautaeka ao a na ongotaeka nakon au Tua nako.

Nakoaia Ibonga 18:5

Karaoi baika I karaoi ae kam noori, ao iri nanon au tua nako ake kam atai; ao ane kam na kawakin maiumi iai. Boni Ngai te UEA.

Amota 5:14

Karika ami iango b'a kam na karaoi baika raraoi, tiaki baika buakaka, b'a kam aonga ni maiu. B'a e aonga te UEA ae m'aaka ni memena iroumi, man atongnga b'a bon ami Uea.

Amota 5:24

Ma ke e raanga rio te kaetitaeka ae ai aron te karaanga ae aki kona ni b'atakataka.

Amota 5:4

E taku te UEA nakoia Iteraera, “Nakomai ao kam na maiu.

Ab'akuka 2:4

Ao aio te rongorongo, “Ana bon aki tiku ni maiu aika a buakaka, ma aika a raoiroi ana bon maiu i bukin aia kakaonimaki nakon te Atua.”

Ruka 1:6

Ao a b'aina te maiu ae raoiroi Takaaria ma Nei Eritabeta i matan te Atua n aroia n tou mwin ana tua ma ana moti nako te Uea n aki bubure iai.

Ioane 14:21

“Ane iai i rouna au tua nako, ao e tou mwiia, ao e kaotia iai b'a e tangirai; ao ane tangirai ao e na tangiraki iroun Tamau, ao e na tangiraki naba irou, ao N na kaotai nakoina.”

M'akuri 24:16

Ao ngaia aei ae I kakorakoraai iai b'a N na aki toki ni b'aina te nano ae itiaki i matan te Atua ao i mataia aomata.

I-Rom 1:17

B'a e kaotaki n te euangkerio aron te Atua ni kaeti aroia aomata nakoina n te onimaki, ni moa man rekena i rouia ni karokoa tokina: n ai aron are koreaki ni kaangai: “E na maiu ane e kaetaki arona n reitaki ma te Atua n te onimaki.”

I-Rom 8:1

Ma ngaia ae akea te moti ni kabuakakaia akana mena i nanoni Kristo Iesu.

Te Tua-Kaua 11:1

Bon Atuami te UEA, ma ngaia are, kam riai n tangiria n taai nako ma n ongotaeka nakon ana Tua ao Ana reirei.

Te Tua-Kaua 4:1

Iteraera, kam na ongora n taian tua, ao taian reirei aikai. Ngkana kam ongotaeka nako iai, ao kam na maiu, ao ane kam na rin n te aba are e anganingkami te UEA b'a abami. Bon te Atua Ngaia are a taromauriia ami bakatibu,

Te Tua-Kaua 5:1

Ao e weteia ni kabane Iteraera Moote, ao e taku nakoia: N nang tuangngkami taian tua ma reirei aika kam na iri nanoia, ma ngaia are, kam na kakauongo raoi.

Te Tua-Kaua 6:25

Ao ngkana ti karaoa anne, ao E na kaawakiniira ma ni buokiira b'a ti na tetekeraoi.

1.Ioane 2:29

Ngkana kam ataia b'a E kakaraoa nanon te Atua, ao kam ataiia naba akana kakaraoa nanon te Atua b'a a bane ni bungiaki mai Rouna.

1.Ioane 3:7

Ataei aika uarereke, e na tai m'am'anaingkami temanna: b'a ane b'ab'aina te atataiaomata, ao e bon atataiaomata;