Etekiera 18:4 - Te B'aib'ara

⁴ Bon au b'ai maiuia aomata ni kabane, kaaro ao ai uana naba ma naati. Bon ti aika a bure aika a riai ni kamateaki.

Etekiera 18:4 ပူးပေါင်းရင်းမြစ်များ

2.Uea 14:6

Ma a aki tiringaki natiia aobitia akekei. E a tia te UEA ni kaotia n ana tua i nanon ana tua Moote b'a a na ti katuaaeaki aomata ake a karaoa te bure, ao a na aki katuaaeaki aia utu ke natiia.

Iobi 21:20

Ana riai ni bon oreaki taani bure i bukin aia bure; a bon riai n namakina unin te Atua ae m'aaka.

Iobi 8:4

A boni bae n tia ni bure natim nakon te Atua, ma ngaia are, E katuuaia ni uaan aia m'akuri.

Itaia 42:5

Bon te UEA Ngai ae te Atua. I karaoi taiani karawa kaanga te autinrianna ae e tangaina nako ieta. I karaoa te aonnaba ma b'ai ni kabane aika a maiu i aona. Boni Ngai boton te maiu ni baika a maiu ni kabane n te aonnaba, ma ngaia are, kakauongo nakon te b'ai ae I taekinna.

Itaia 57:16

au Aomata, e a toki uniu ao I aki manga bukiningkami. B'a bon te tia karikingkami Ngai. I aki tangiringkami b'a e na b'ara nanomi n te aro ae moan te korakora.

Ieremia 31:30

N te bong arei, a na bane aika a kana te kureebe ae e mao n namakina maona, ao akana a bure a na motikaki taekaia nakon te mate.

Etekiera 18:20

Bon ti aika a bure aika a na tiringaki. A na aki karawaawataaki naati i bukin aia bure aia karo, ao kaaro a na aki karawawataaki i bukin aia bure natiia. A na bon riai n anganaki kaniwangaia aomata aika a raoiroi i bukin te b'ai are e a karaoia, ao aomata aika a buakaka a na katuaaeaki i bukin te b'ai are a karaoia.

Etekiera 18:3

Ngkai ko na tuangiia b'a bon te UEA Ngai ae te Atua, ae I tuatua b'a e na aki manga taetaekina te taeka anne i aon Iteraera ngkai I bon maiu.

Etekiera 18:5

Ngkana tao arona b'a iai te m'aane ae e rangi n raoiroi ae e kaakaraoa ae e eti ao e raoiroi.

Etekiera 3:18

Ngkana I tuangiia aomata aika a buakaka b'a a na mate i bukin aia bure, ko na kauringiia b'a a na kiitan kawaia aika a bure b'a aonga n aki katuaaeaki. Ngkana ko rawa ni karaoa anne, ao ko na bukintaeka ni mateia.

Etekiera 33:8

Ngkana I tuangiia aomata aika a buakaka b'a a na mate i bukin aia bure, ao ngkoe ko na kauringiia b'a a na rairaki nako man aia m'akuri aika a bure. Ma ngkana ko rawa ni kauringiia, ao ko na bukintaeka ni mateia.

Tekaria 12:1

Aio te rongorongo mairoun te UEA i bukin Iteraera: Bon te UEA Ngai! I arora nako taiani karawa; I kaaki te aonnaba i aon aana ao I anga te ikeike ni maiu nakoia aomata.

Warekaia Iteraera 16:22

Ma a uaia ni boobaraaki mm'aane ake uoman akekei, ao a kaangai, “Atuara, Ko anga te maiu nakoia aomata aikai. E aera b'a Ko na katuaaia aomata ni kabane aikai ngkana tao bon ti temanna are e karaoa te bure?”

Warekaia Iteraera 27:16

“Bon te UEA Ngkoe ae te Atua, ao ko atai b'aai ni kabane ake i nanoia aomata. Ma ngaia are, I a butiiko b'a Ko na rinea te tia kairiri irouia Iteraera.

I-Rom 6:23

B'a boon te bure te mate; ma ana b'ai n tituaraoi te Atua te maiu are aki toki i nanoni Kristo Iesu are ara UEA.

I-Karatia 3:22

Ma e taku te B'aib'ara b'a a bane aomata nako ni mena i aani m'aakan te bure; ma ngaia are ana taeka n akoi te Atua bon i bukiia akana onimakina Iesu Kristo.

Te Tua-Kaua 24:16

A na aki tiringaki kaaro i bukin aia bure natiia, ao a na aki tiringaki naba naati i bukin aia bure aia karo. Akea temanna ae kam na tiringnga i bukin ana bure temanna.

Ebera 12:9

I rarikin aei, bon iai tamara aika taman rab'atara, aika reireira ni kaeti arora, ao ti karineia; ao tiaki e raoiroi riki b'a ti na anga ngaira nakon Taman tamneira, ao ti na maiu?