Etekiera 18:2 - Te B'aib'ara

² Etekiera, I ongo b'anaaia aomata b'a a kamanenaa te taeka nikawai ae e kaangai, “Te kureebe ae e maai ae e kanaki irouia kaaro e katuka te maai i nanon wiia natiia.

Etekiera 18:2 ပူးပေါင်းရင်းမြစ်များ

Iobi 21:19

Kam taku b'a E katuaaia ataei i bukin aia bure tamaia. Tiaki ngaia anne! Ke E bon katuaaia taani bure te Atua n oin aia bure; ke E bon kaotia b'a E karaoa aei i bukin aia bure.

Te Otinako 20:5

Kam na aki bobaraaki nakoia bouannanti; ke n taromauriia, b'a bon te UEA ae Atuami Ngai, ae I taua ni nne i roumi. I katuaaia naba te koraki ake a ribaai ni karokoa naba kanoaia rikaaki, nakon te katenroro ao te kaaroro.

Itaia 3:15

E taku te UEA ae Moan te M'aaka, “Kam a tia ni kamanatuaia au aomata mani kabaarekai mataia aomata aika a maiu ni kainano.”

Ieremia 15:4

E na riki te rekenikai aei i bukin b'aai aika a buakaka ake e karaoi ami uea are Manate Ao kam na ribaaki irouia botannaomata ni kabane.

B'aeb'aeti 5:7

A bure ara bakatibu, ao a mate, ao ngaira ti a karawaawataaki i bukin aia bure.

Etekiera 12:22

Etekiera ae natin te aomata, ko a tia n ongo aia taeka Iteraera ae a aki toki n tataekinna ae e kaangai, “A waaki nako boong, ao aikoa konaa ni koro bukin taeka ni burabeti.”

Etekiera 16:44

Ana tataekina te taeka ae e kaangai aomata i bukim ngkoe ae Ierutarem: “Ngkana e buakaka te tina ao e na bon buakaka naba natina te aine.”

Etekiera 17:12

Etekiera, ko na titirakiniia Iteraera aika taani kamangao b'a tera nanon te karaki. Tuangiia b'a e roko ngkoa uean B'aburon i Ierutarem, ao i mwiina, e taua uean Iuta ma ana mataniwi, ao e uotiia ni kaokiia nako B'aburon b'a taian taenikai.

Etekiera 18:1

E taku te UEA:

Etekiera 18:19

Ko na mimi b'a e aera ngkai e aki katuaaeaki natina te m'aane i bukin ana bure tamana. I bukina b'a e karaoa ae e raoiroi ao e ongotaeka nakon au Tua nako.

Etekiera 18:3

Ngkai ko na tuangiia b'a bon te UEA Ngai ae te Atua, ae I tuatua b'a e na aki manga taetaekina te taeka anne i aon Iteraera ngkai I bon maiu.

Etekiera 25:3

ao tuangiia ni kaangai: Kam karaoa ami bootaki ni kukurei ngkana e uruaki au Tembora, ngkana e b'aka Iteraera, ao ngkana a uotaki nako Au aomata b'a taenikai.

Etekiera 37:11

Ao E taku te UEA: Etekiera, ti te bo Iteraera ma taian rii aika a mate. A ngurengure b'a a m'au n te aro are akea kaantaningaan boong aika a na roko irouia.

Etekiera 37:19

ao tuangiia b'a N na manga tomai n ti teuana kain Iteraera ma kain Iuta. N na taui n ti teuana i nanoni baiu, ao a na riki n ti teuana.

Etekiera 37:25

A na maeka ma aia kariki n te aba are I angan Au toro are Iakob'a, te aba are a maeka iai aia bakatibu. A na maeka ikekei n aki toki, ao ai uana naba ma natiia ma aia kariki nako. E na uea i aoia te aomata ae ai aron au toro are Tawita n aki toki.

Etekiera 7:2

Etekiera ae natin te aomata, tuangiia Iteraera te b'ai ae I tuangko ni kaangai: E na waekoa n roko tokin Iteraera! E nang uruaki abami

Mataio 23:36

E koaua ae I a tuangngkami b'a a na bane n roko baikai i aon te roro aei.

I-Rom 9:20

Nao! Antai ngkoe b'a ko na kaekaa te Atua? Iai riain te b'ai ae e karaoaki man te bokaboka b'a e na kaekaa te aomata are karaoia ni kaangai, “E aera ngkai ko karaoai n arou aei?”