E waekoa Ieoiakin n taenikai, ni ikotaki ma tinana ao ana taani m'akuri, ao ai uana naba ma ana aobitia n te taanga ni buaka, ao a na mataniwi. Ao e katika Ieoiakin te uea are Nebukaneta. A riki baikai n ana kawanua n ririki Nebukaneta n tautaekana B'aburon.
Bon Ngai ae te UEA ae N na kamaiungkami! Bon Atuan Iteraera ae e tabu Ngai, N na kanakoa te taanga ni buaka nako B'aburon i bukimi b'a e na uaakiniia nako aomatana, ao a na tang ngke e tabe n nako.
Bon aikai taan kaiwa aika kam a tia ni karaoa te m'akuri ni bitineti ma ngaiia ni kabane bongini maium. Ma a bon aki ataa te tabo ae a na nako iai, a aki konaa ni kamaiungkami.
E taetae te UEA nako iu n te mii ngke e a tia Nebukaneta are uean B'aburon n roko i Iuta ma n uota nako te uea are Ieoiakin, ana aobitia, ana taani m'akuri aika a m'aatai ni kaokia nako B'aburon. N te mii aei, I noora uoua te b'aene ni biiku i matan ana Tembora te UEA.
Kaain B'aburon, kam maeka i mataniwiin te Karaanga are Iuberetiti ao kam katobibiaki n taiani kanare. Kam kaub'ai, ma e a roko te tai are kam na mate iai.
b'a a aonga n ataa te b'ai ae I taekinna nakoia: N te tai teuana ao e a kiba i aon Reb'anon te ikare ae e korakora baina ni kiba ma n tamaroa buraena. E otea taberan te kai ae te tiira,
E bon anaa naba te koraa mai Iteraera ao e unikia n te aba ae e maiu ae e m'aiti iai te ran, kaanga te kai ae te wiiro ae e mena i rarikin te raanga n ran.