Etekiera 16:9 - Te B'aib'ara

⁹ I teboka raraam ni kanakoi ao I kabiriko ni b'aan te oriwa.

Etekiera 16:9 ပူးပေါင်းရင်းမြစ်များ

Taian Areru 23:5

Ko katauraoa te baka ae ab'ab'aki ibuku ike a na norai iai taan ribaai. Ko butim'aeai b'a kanga te iruwa ngai ao ko kaona au m'angko ni karokoa e taonako.

Taian Areru 51:7

Kaitiaki au bure mairou, ao I a itiaki iai. Tebokai, ao N na mainaina riki i aon te tinoo.

Itaia 4:4

i mwiin kanakoan te ai ni motikitaeka iroun te UEA ni kaitiaka te kaawa ae e buubura ma aomata man aia m'akuri aika a buakaka.

Etekiera 16:10

I anganiko te kabanea n tamaroa n niiniirau ae te kabanea ni boobuaka, ao ai uana naba ma taiani kauniwae aika a karaoaki man te kabanea n tamaroa ni kun ni man.

Etekiera 16:4

Ngke kam bungiaki, ao bon akea ae e koroiko mairoun tinam ke n teboka rab'atam. Bon akea ae e kabira rab'atam n te taoro ma b'aan te oriwa, ao n niiriko n taiani burangketi.

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

1.I-Korinto 10:2

ao kanga a bane ni b'abetitoaki nako nanoni Moote n te nang ao n taari, n aroia ni kairaki i rouna.

1.I-Korinto 6:11

Ao akanne anuani maiuia ngkoa tem'angina i buakomi. Ma kam a tia n tebokaki; kam a katabuaki b'a ana b'ai te Atua, ao a tia ni kaetaki aromi n reitaki ma te Atua n aran ara UEA are Iesu, ao iroun naba Tamnein Atuara.

2.I-Korinto 1:21

Ma te Atua boni Ngaia ae kateimatoaira ma ngkami i nanoni Kristo, ao E kabirira

1.Ioane 2:20

Kam a tia ni kabiraki iroun Teuare Moan te Raoiroi, ao kam atai b'aai ni kabane.

1.Ioane 2:27

Ao ngkami, E a tia Kristo ni karuoa Tamneina are Raoiroi i aomi. Ngkai e teimatoa aromi anne i Rouna, a aki kai nanomi ngkana kam aki reireiaki iroun temanna. Ma ngkai kam reireiaki iroun Tamneina are Raoiroi ni b'aai ni bane, ao baike e reireingkami iai bon te koaua, tiaki te kewe. Teimatoa n ana reirei te Tamnei are Raoiroi, ao ni maeka n te nano ae ti teuana ma Kristo.

1.Ioane 5:8

B'a te Tamnei, te ran ao te raraa; ao a boraoi n aia kaotioti.

Ruuta 3:3

Ma ngaia are, tebokiko, ao kabiriko, ao karina kunnikaim ae tamaroa, ao nako nakon te tabo are e kaaki kuuni b'aare iai, ma ko na aki kaotiko nakoina ni karokoa tiana n am'arake ma ni mooi.