Etekiera 16:52 - Te B'aib'ara

⁵² Ma ngaia are, e na beebete riki katuaaia ngkana e kabotauaki ma ngkoe. Ko na bon kamaamaeaki i bukin am bure aika rangi n ribaaki.

Etekiera 16:52 ပူးပေါင်းရင်းမြစ်များ

I-Rom 6:21

Tera te bae kam karekea ngke kam karaoi ngkoa baike kam mamaa iai ngkai? B'a tokini baikekei te mate.

I-Rom 2:10

ma te neboaki ma te karineaki ma te rau bon aia b'ai aomata nako akana kakaraoa te raoiroi, aika I-Iutaia moa ao I-Erene naba.

I-Rom 1:32

A bon ata ana taeka te Atua ae kaangai, A riai mateia akana karaoi baikai. A aki ti kakaraoi baikai, ma a boni kaoti naba nanoia aika kukurei ngkana a karaoaki baikai irouia tem'angina.

Ruka 6:37

“Kam na tai motiki taekaia aomata, ao ane e na aki motikaki taekami iroun te Atua; kam na aki kabuakakaia aomata, ao ane na bon aki naba kabuakakako te Atua; b'aina te kab'arabure, ao ane a na kab'araki am bure iroun te Atua.

Otea 10:6

E na uotaki nako Aturia ao e na anga te aba nakon te uea are e kakannato. Ao i mwiina, e na kamamaaeaki Iteraera i bukin taromaurian te bouananti anne.

Etekiera 44:13

ao ngkai N nang aki manga kariaia kanoan Rewi b'a e na manga riki b'a te ibonga ke n roko i rarikin b'aai aika a tabu i buku. A na kamaamaaeaki ao ana kamatauningaaki i bukin aia bure aika a rangi n ribaaki.

Etekiera 39:26

A na maeka ma te rau n oin abaia, ma a na mamaa ngkana a uring aia m'akuri aika a buakaka ma aroia ni kamamaaeai.

Etekiera 36:15

Ko na aki manga ongo b'anaaia botannaomata ake tabeua ni ngareakiniko ma ni mata ni kakaniko riki nakoim. Bon aei au taeka Ngai ae te UEA ae te Atua.

Etekiera 16:63

N na kab'araa am bure, ma ko na riai ni iangoi am bure ma ni mamaa iai n te aro are ko na aki kakarongoa. Bon aei au taeka Ngai ae te UEA.

Etekiera 16:56

Ierutarem, ko rangi ni kainikatonga n te aro are ko a manga mata ni kakaniko nakon Totom.

Etekiera 16:54

Ao ko na mamaa n te b'ai ae ko karaoia, ao a na kabebeteaki Totom ao Tamaria b'a a rangi ni mamaa n ai arom.

Ieremia 51:51

Kam na bon mamaa ao kam na b'ainrang, i bukina b'a a tia n rin ianena n au Tembora are e tabu.

Ieremia 31:19

Ngke ti uarereke ngkoa, ti m'aninga nako ao ti bure, ma i mwiina ti uringaaba n te b'ai ae ti a tia ni karaoia. Ti mamaa ao ti b'ainrang. ao ti tangiria n okiriko.”

Ieremia 23:40

Ko na bon aki konaa n inaomata man te kamaamaaeaki ao te b'ainrang.

1.Uea 2:32

E tiringiia m'aane aika akea aia bure n te aro ae e aki ataaki iroun tamau. A raoiroi riki m'aane aikai nakon Ioaba.

1.Tamuera 24:17

Ao i mwiina, e taku nakon Tawita, “Ko bon eti, ao I bure. Ko a tia ni karaoa ae e rangi n raoiroi nako iu, ao ngai I bon karaoa ae buakaka nako im.

Karikani B'aai 38:26

Ao e kinai Iuta, ao e taku, “E bon eti neienne, ao I a tia ni bure n aki kakoroa bukin au taeka nakoina-N na riai ni kaman anaia b'a buun natiu te mm'aane are Teera.” Ao e aki manga oki Iuta ni kawara neierei.

Ieremia 3:11

A raoiroi riki Iteraera ngke a aki kataia ni bakaaea te okirai.

Etekiera 16:47

Ko katotoongi maiuia ao kateia aika a buakaka, ao n te tai ae e waekoa ko a manga rangi n ribaaki riki nakoia.

Etekiera 16:48

Ma ngkai bon te UEA ae te Atua Ngai ae e maiu, e na bon aki buakaka riki Totom ma kaawa nako ake i rarikina nakoim.

Etekiera 16:53

N te bong teuana, N na kakab'aiaa Totom ao Tamaria ao kaawa nako akana i rarikina. N na bon kakab'aiako naba, ngkoe ae Ierutarem.

Etekiera 32:24

“E mena ikekei Aram, ma ana tautia ni katobibia. A bane ni mate n te buaka, ao a b'aka rikaaki, n aki korotabonim'aneaki, nakon abaia maate. Ngke a mena ngkoa n te maiu a kabutanakoa te maaku, ma ngkai a wene ni mate ma ni kab'ainrangaki.