Etekiera 15:7 - Te B'aib'ara

⁷ kaanga kain te kureebe ae e kabuokaki b'a te aia. Iai tabeman ake a reke birinakoia man te kabuanib'ai teuana, ma i mwiina, a na manga bane ni bue n te tai ae e aki maan. Ngkana e riki anne, ao ko na ataia ngkoe Etekiera b'a bon te UEA Ngai.

Etekiera 15:7 ပူးပေါင်းရင်းမြစ်များ

1.Uea 19:17

Ataera are e na moana tiringaia ake a taromauria B'aara. Ao Ieu e na tiringiia koraki akana a birinako mairoun Ataera, ao Eritai e na tiringiia akana a birinako mairoun Ieu.

Taian Areru 34:16

Ma E ekianako nako akana buakaka, b'a ngkana a mate, ana bon akea naba ururingakiia teutana.

Taian Areru 9:16

E kaotia te UEA n arona ae boni kororaoi ni motikitaeka n te eti, ao a manga boni m'ane aomata akana buakaka n oin aia m'akuri.

Itaia 24:18

Ane ko na b'aka i nanon te ruarua ngkana ko maaku ma ni biri nako; ao ngkana ko manga kawanako man te ruarua, ko na manga m'ane ni b'aai ni kam'ane. E a tia ni bwenauaaki karawa kaanga te winto ae e kaukaki. A tia n ruru bouan aan te aonnaba;

Ieremia 21:10

I a tia n baaireia b'a N na aki kamaiuia Ierutarem. Ma N na kariaia uean B'aburon b'a e na kabuokia ni kamannangnga. Bon aio au taeka Ngai ae te UEA.

Etekiera 11:10

Kam na tiringaki i bon oin abami, ma e na riki anne i m'aain ae kam ataia ae bon Ngai ae te UEA ae I karaoi baikai.

Etekiera 14:8

ni manga eekiko nako. N na karaoiko b'a te b'ai ni kauring nakoia tabem'aang akana a na karaoa naba te aekaki anne, ao ko na aki manga atongaki b'a au aomata. Ao ane ko na ataia iai b'a bon te UEA Ngai ae Ko a tia ni bure nakoina.

Etekiera 15:6

Boni Ngai ae te UEA ae te Atua ae I berita b'a N na bon katuaaia Iteraera

Etekiera 19:12

Ma I katikia rikaaki ni marakin nanou mai wakaana ao e karenakoa i aontano, ike e a m'autakataka uaana angin te rereua ae e kabuebue. A kui m'aangana ake a korakora ao a bue.

Etekiera 20:38

N na kaokoroia taani bure aika taani kamangao maibuakomi, e ngae ngkana N na kaokiia mai buakoia botannaomata nako ake a maeka b'a taenikai iai ngaiia, a na aki kariaiakaki b'a a na okira Iteraera. Ao i mwiina, ane ko na ataia b'a bon te UEA Ngai.

Etekiera 20:42

ao kam na ataia b'a bon te UEA Ngai are I kaokingkami nako Iteraera, te aba are I berita iai nakoia ami bakatibu.

Etekiera 20:44

ma ngaia ae kam bon riai ni katuaaeaki. Ma N na karaoa nakoimi te b'ai ae e na reke iai karinean arau, ao kam na ataia b'a te UEA ae te Atua Ngai.

Etekiera 33:29

N na katuaaeko i bukin am bure nako, ao N na onika am botannaomata nakon te rereua ae akea kain aona. Ao ane ko na ataia iai b'a bon te UEA Ngai.

Etekiera 5:8

Ngkai a na mataku botannaomata aikai ngkana I a kaaitaraingkami ni katuaaingkami

Etekiera 6:7

A na bane ni mate aomata ni kabuta te aba. Ao aika a reke maiuia a na ataia b'a boni Ngai ae te UEA ae I karaoi b'aai aikai.

Etekiera 7:4

n te aro are N na bon aki manga nanoanga. N na oroingkami i bukin te buakaka ae kam a tia ni karaoia, ao ane kam na ataai iai b'a bon te UEA Ngai.

Nakoaia Ibonga 17:10

Ngkana iai Iteraera ke iruwa i nanon te maeka aika kana te iriko ma raraana. E na katannakoa matana te UEA mai rouia, ao E na aki araniia b'a ana aomata.

Nakoaia Ibonga 26:17

ao N na tannako mai roumi, ao N na kariai ngkami b'a kam na kamaunaaki irouia taan eekinakoingkami. Ane kam na biritakaka n ongotaomi te bo ni buaka ngke bon tiaki te bo ni buaka.

Amota 5:19

Kanga ai aron temanna ae birinako mai m'ain te raian ao e kaitibo ma te bea! Ke kanga ai aron temanna are e roko n te mwenga ao ni kaaki baina i aon te oo-b'a e na tenaaki n te naeta!