Etekiera 14:9 - Te B'aib'ara

⁹ Ngkana e anga te rongorongo ae e kewe te burabeti, ao boni Ngai ae I karaoa te burabeti b'a e na kewe. Ma N na bon aki butim'aia ao N na kanakoa mai buakoia au aomata,

Etekiera 14:9 ပူးပေါင်းရင်းမြစ်များ

2.Rongorongo 18:22

Aaba, bon aei raoi te b'ai ae e a tia n riki. E karaoia am burabeti ni kabane b'a a na keweniko, ao e ataia b'a ko nang mate n te tai ae e waekoa.

Iobi 12:16

E korakora te Atua, ao E totokanikai n taai nako; a bane ni mena i aan m'akana aomata aika m'am'anaaki ma aomata naba aika taani m'am'ana te aba.

Itaia 10:4

Kam na kangaa ni biri nako man te tauaki ke n te tiringaki? E bon teimatoa naba n un te UEA, ao e tuai man kab'ara nanona mairoumi!

Itaia 5:25

Bon ana Aomata te UEA ngkami, ma kam a tia n rangi ni kaunna, ao e a oroingkami ni baina ae e m'aaka. A ruru taiani maunga, ao e onrake te kaawa ae e buubura n taiani mate kaanga taiani maange. E bon teimatoa naba n un te UEA, ao e tauraoi ni manga oroi riki ngkami.

Itaia 63:16

A tia ni kaai ni katinanikuira ara bakatibu ake Aberaam ao Iakob'a. Ma Ko bon teimatoa naba n riki b'a Tamara; Ko a tia n riki b'a te tia kaawakiniira man taai ake ngkoa.

Itaia 66:4

Kam rawa n ongo weteami ngke I weteingkami; Kam aki kan ongo nakon au Kaetieti. Ma kam a manga karaoi baika a ribaaki, ngke kam bon ataia b'a a bon kaairua. Ao ngkai N nang katuaaingkami n te aro ae kam na rangi ni maaku iai.

Itaia 9:12

E kanakoia kaain Turia mai mainiku ao kaain Biritia mai maeao ao a kab'auta Iteraera. Ma e bon aki toki naba unna n anne, ma ngaia are, e bon waakina nako naba katuaeakiia.

Itaia 9:17

E a un te UEA irouia ana Aomata ao e bon teimatoa naba ni katuuaia, i bukina ngke a tia ni kaaitaraa. A buakaka ao a taetae n nanobaba. Ao bon anne bukina are e aki nanoangaiia aia roronrikirake ke aia aine aika a tia ni mate buuia ao ataei aika akea aia karo.

Itaia 9:21

A manga bon raira buareia Eberaim ma Manate, ao i mwiina, a ikoti aia taanga ni buaka ni buakana Iuta. Ma e bon teimatoa naba n un te UEA ao e tauraoi nakon katuaaeaia te botannaomata n ae e rawaawata riki.

Ieremia 14:15

A taku burabeti ni kewe aikai b'a e na reke te rau ma te am'arake ae e m'aiti. Ma I tuangngkami b'a bon burabeti naba aikai aika a na mate n te buaka ao te baki.

Ieremia 4:10

I taku, “Bon te UEA Ngkoe ae te Atua. Ko a tia n kam'aneia raoi kaain Ierutarem! Ko a tia n taekinna b'a e na roko te rau, ma e a roko te kabaang i roroaia?

Ieremia 6:14

Ti te b'ai ae a konaa n anga nako ia au aomata aika a rangi n ikoaki kantaningaan te rau ae akea nanona.

Ieremia 6:15

A riai ni mamaa n aia bure ae moan te ribaaki, ao a aki roko naba n te mainarake moaia. Ai ngaia are ngkana I katuaaea Iuta, ao a na bane n toki i aon aontano, ni mate kaanga aekaia aomata nako. Bon aei au taeka Ngai ae te UEA.

Etekiera 13:9

N na eekiia nako ao N na manga karikiia b'a au aomata. A na aki manga atongaki b'a Iteraera ke n toua Iteraera. Ane a na tib'a uringnga b'a bon te UEA Ngai ae te Atua.

Etekiera 14:10

Ao e na katuaaeaki naba aron anne te aomata ane e nako ni kawara te burabeti i bukin karekean te rongorongo.

Etekiera 14:5

Tao a na bae n okirai ke ni katoka taromauriakiia bouannanti ngkana a ongo au rongorongo.

Etekiera 16:27

Ma ngaia are, I katuaaeko ni kariaia kaain Biritia aika kairiribai aika a nanonrang b'a a na anai abanueami tabeua. E ngae ngkana a rawawata ni kateimi aika a rangi n ribaaki.

Etekiera 20:25

I anganiia taian tua ake a uota te rekenikai ao tiaki te maiu,

Otea 9:7

Iteraera, e a roko te tai. E na bon okiriko te b'ai are ko bon kaantaningaia, ao ko bon ataia. Ko taku, “A nanobaba burabeti, ao a rangirang ana tia uarongorongo te Atua.” E a tia am kaairua ae e kakamaaku ni kaoniko n te riribai.

Tekaria 13:3

Ngkana arona b'a a manga kaoti burabeti aikai, a na kauringaki irouia aia karo b'a a na mate i bukin tataekinan taiani kewe n arau-aran te UEA. Ma ngkana a aki katoka aia taeka burabeti aikai, ao a na riai n tiringaki irouia aia karo n te kabaang.