Etekiera 14:4 - Te B'aib'ara

⁴ Tuangiia Iteraera b'a ngkana a bure n taromauri taiani bouannanti ao i mwiina a nako ni kawara te burabeti ni kan ongora b'a tera au rongorongo, ao Ngai N na ti anganiia te b'ai are e bon reke nakoia ni kaineti ma aia bure.

Etekiera 14:4 ပူးပေါင်းရင်းမြစ်များ

Etekiera 14:7

Ngkana tao temanna mairoumi Iteraera ke te ianena ae e maeka i Iteraera ae e rawa irou ma ni manga moana taromaurian taiani bouannanti. Ao i mwiina, ko a manga nako ni kawara te burabeti b'a ko na ongora n au taeka, ao Ngai N na kaekako

Itaia 66:4

Kam rawa n ongo weteami ngke I weteingkami; Kam aki kan ongo nakon au Kaetieti. Ma kam a manga karaoi baika a ribaaki, ngke kam bon ataia b'a a bon kaairua. Ao ngkai N nang katuaaingkami n te aro ae kam na rangi ni maaku iai.

Itaia 3:11

Tuangiia aomata ake a aki ongotaeka iroun te Atua ni kaangai, “Kam a reke n te kaangaanga ae moan te buubura E na manga riki nakoimi te b'ai are kam a tia ni karaoia nakoia tabem'aang.”

Etekiera 3:4

Ao e taku te UEA: Etekiera, I kanakoko nakoia ake oin am aomata.

Etekiera 2:7

ao ko na taetaekina Au taeka nako ia, e aoria ngkana a taku b'a a na ongora ke a na aki.

2.Uea 1:16

Ao ngke e roko Eria ao e tuanga Aatia ni kaangai, “E kan ataia te UEA b'a bukin tera ngkai ko kanakoia am taan uarongorongo nako Ekiron b'a e na titirakina atuaia are Beretebub'a i bukin ikoakim. Ko aki kakoauaa ae iai te Atua i aon Iteraera? Aatia, ngkai ko kanakoia am taani uarongorongo akanne, ao e taku te Atua b'a e na aki reke marurungim. Ko nangi mate”.

Etekiera 14:3

Etekiera ae natin te aomata, a tia ni manga moana taromauriakiia bouannanti m'aane aikai, e ngae ngke e na manga karekeia n te bure ae e korakora riki. Ma ngaia ae I aki kan taekina te rongorongo nakoia.

Etekiera 14:6

Ko na tuangiia Iteraera ngkai Etekiera ni kaangai: Bon te UEA ae te Atua Ngai. Kam riai ni katoka taromaurian taiani bouannanti aika a rangi n ribaaki ao okirai.

Etekiera 44:12

I berita Ngai ae te UEA ae te Atua b'a a na katuaaeaki kanoan Rewi aikai i bukina ngke a buokiia aomata ngke a taromauri taiani bouannanti. A aki katokiia Iteraera mani karaoan te bure,

Teb'ania 1:3

aomata ma maan aika a kawakawa, mannikiba, ao ika. N na kamaunaia aomata aika a buakaka. N na kamaunaia aomata n aekaia nako, ao akea ae e na tiku ni maiu, bon ana taeka te UEA.”