Etekiera 14:3 - Te B'aib'ara

³ Etekiera ae natin te aomata, a tia ni manga moana taromauriakiia bouannanti m'aane aikai, e ngae ngke e na manga karekeia n te bure ae e korakora riki. Ma ngaia ae I aki kan taekina te rongorongo nakoia.

Etekiera 14:3 ပူးပေါင်းရင်းမြစ်များ

2.Uea 3:13

ao e titirakina Ioram ni kaangai, “E aera ngkai kam nakomai? Naako taromauriia aia burabeti antiia Ianena are a taromauriaki irouia am karo.” Ao e taku Ioram, Ti na aki, ma bon te UEA ae e kaotinakoira nako ikai b'a ti aonga ni kataenikaiaki irouia aia taanga ni buaka kaain Moaaba.

Taian Areru 101:3

Akea te bae buakaka ae N na noria; I ribaai aia m'akuri aomata akana rairaki nako mairoun te Atua; N na aki reitaki ma ngaiia.

Taian Areru 66:18

Ngke arona b'a I a kamani katinanikui taekan au bure, Ao E na bon aki ongo irou te Uea.

Taeka n Rabakau 15:29

E bon aki konaa n ongo te UEA aia tataro aika a buakaka, ma e kaekai aia tataro aika a ongotaeka i rouna ni kabane.

Taeka n Rabakau 15:8

E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Taeka n Rabakau 21:27

E aki tabeakin aia angab'ai aomata aika a buakaka ma aia iango aika a buakaka te UEA.

Taeka n Rabakau 28:9

E aki konaa ni kukurei te Atua n ongora aia tataro aika a aki ongotaeka nakon ana Tua.

Itaia 1:15

“E aoria ngkana tao ai iraua ami tataro, N na bon aki kan ongo. Kam a rangi n akiako.

Itaia 33:15

Ma e na iai kaniwangaia aika a eti maiuia ma n tataekina te koaua, i bukiia aomata ake a rawa n anaa te m'ane n te matoa ke a rawa ni butim'aea te baabakanikawai, ao nakoia ni kabane ake a ribaa te tiriaomata ao taian m'akuri ni kakeru.

Ieremia 11:11

Aio te b'ai ae baaireia b'a e na karaoia. N na karokoa te rawaawata i aoia kaain Iuta ao Ierutarem, ao e na akea ae e na reke birinakona. Ane a na buubutiai buokaia ma N na aki ongo aia tataro.

Ieremia 17:9

Kam rangi ni kam'aam'ane ngkami aika kaain Iuta n te aro are kam a manga bon kananobabaingkami i bon iroumi, ao kam aki konaa ni bitaki.

Ieremia 21:2

“E a tia uean B'aburon are Nebukaneta i B'aburon ao ni buakana Iuta. I butiiko b'a ko na butiia te UEA b'a e na karaoa te kakai i bukiia ara aomata, n aron are e karaoia naba ngkoa rimoa, b'a e aonga n nako ni kiitaniira Nebukaneta.”

Etekiera 11:21

Ma a na katuaaeaki koraki akana a taromauri taiani bouannanti ao a na karekea te b'ai are a bon uaa korona. Bon aei Au taeka Ngai ae te UEA.

Etekiera 14:2

Ao E taetae te UEA ngke a boni mena ikekei ni kaangai:

Etekiera 14:4

Tuangiia Iteraera b'a ngkana a bure n taromauri taiani bouannanti ao i mwiina a nako ni kawara te burabeti ni kan ongora b'a tera au rongorongo, ao Ngai N na ti anganiia te b'ai are e bon reke nakoia ni kaineti ma aia bure.

Etekiera 14:7

Ngkana tao temanna mairoumi Iteraera ke te ianena ae e maeka i Iteraera ae e rawa irou ma ni manga moana taromaurian taiani bouannanti. Ao i mwiina, ko a manga nako ni kawara te burabeti b'a ko na ongora n au taeka, ao Ngai N na kaekako

Etekiera 20:16

I taekina aei i bukina ngke a aki ti katinanikui au Tua ma au Reirei, ma a kamatauningaa naba au Taabati ao a taromaurii taiani bouannanti.

Etekiera 20:3

Etekiera ae natin te aomata, a roko taani kairiiri aikai b'a a na kakaaea te b'ai ae I tangiria b'a a na karaoia. Ma ngkai I bon maiu, N na aki anganiia te kaeka teuana.

Etekiera 20:31

b'a a manga taromauri bouannanti ao a anga oin natiia b'a taiani karea. A karaoi taiani bure aikai ao a bon teimatoa naba ni kaantaningaia b'a a bon konaa n bubutiai te rongorongo b'a N na kaotia nakoia. Ngkai bon te UEA ae te Atua Ngai ae I maiu, ao N na bon aki anganiia te kaeka.

Etekiera 3:20

Ngai ko na iangoia b'a aongkoa b'a a karaoa te bure aomata aika a kakaonimaki, ao I iangoia b'a N na kawenea te atiibu ni kab'akab'aka i m'ain kawaia b'a a aonga ni b'aka. A na bon riai ni mate i bukin aia bure. Ma ngaia are ngkana ko rawa ni kauringiia, ao N na m'aninga taekan taai ake a kakaonimaki iai, ao N na tauko b'a ko bukintaeka ni mateia.

Etekiera 33:30

Etekiera ae natin te aomata, a tataekiniko kaain B'aburon ngkana a kabowi i rarikin oon te kaawa ke ni mataroan aia auti. A taku, “Ti na titirakina Etekiera b'a tera ana taeka te UEA n te bong aei.”

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

Etekiera 44:12

I berita Ngai ae te UEA ae te Atua b'a a na katuaaeaki kanoan Rewi aikai i bukina ngke a buokiia aomata ngke a taromauri taiani bouannanti. A aki katokiia Iteraera mani karaoan te bure,

Etekiera 6:9

Ike a na tauaki b'a buure. Ane a na uringai, ao a na ataia ae a tia ni kab'ainrangai ngke a kakaitaraai ao ngke a taromauriia taian bouannanti. Ane a na ribaia i bon irouia i bukin m'akuri aika a buakaka aika a tia ni karaoi,

Etekiera 7:19

Ane a na karenakoaki ami tirewa ma ami koora nakon nnen te maange i rarikin kawain nuukan te kaawa i bukina b'a bon aikai baika uoua aika kairingkami nakon te bure, ao ngkai a aki konaa ni kamaiungkami man uniu. A na bon aki tau naba i bukin kabooan te am'arake.

Otea 4:5

Ko na tatanako ngkoe ma burabeti ni ngaina ao ni bong; N na kain wiia tinami.

Teb'ania 1:3

aomata ma maan aika a kawakawa, mannikiba, ao ika. N na kamaunaia aomata aika a buakaka. N na kamaunaia aomata n aekaia nako, ao akea ae e na tiku ni maiu, bon ana taeka te UEA.”

Tekaria 7:13

ao I a kaangai, “Kam aki tabe ngkami aika aomata ngkana I weteingkami, ao ngkai N na aki kan ongo ngkana kam weteai.”

Ruka 20:8

Ao E taku Iesu nako ia, “Ao Ngai I aki kona n tuangngkami b'a te m'aaka ra ae I karaoi iai baikai.”

I-Ebeto 5:5

B'a kam bon ata aei, b'a akea te aomata ae te tia wene ni bure, ma te tia kammaira, ma te tia mataai ni kanib'aib'ai ae te tia taromauri bouananti, ae na karekea Ueani Kristo ma te Atua.

1.Betero 2:8

Ao e a manga taku te koroboki teuana: “Te atibu are a na reke waeia iai aomata ao a tata nako, te atibu are a na b'aka iai.” A tata nako i bukina b'a a aki ongeaba nakon ana taeka te Atua; ao anne bon nanon te Atua ma ana baire ma ngkoangkoa i bukiia.

Te Kaotioti 2:14

Ma iai b'aai tabeua aika I riai ni waeiko iai: b'a iai i roum ikekei aika toua mwin ana reirei B'araam, are reireia B'araka b'a e na kaaki te b'ai ni kab'akab'aka i mataia te botannaomata ae Iteraera b'a a aonga ni kang kareani bouananti, ma ni wene ni bure.

1.Tamuera 28:6

ma ngaia are, e titirakina te UEA b'a tera ae e na karaoia. Ma E aki roko n te kaekaa te UEA, e aki naba anganna te mii ke ni kamanenaan te Urim ma te Tummim ke mairouia burabeti.