Etekiera 13:9 - Te B'aib'ara

⁹ N na eekiia nako ao N na manga karikiia b'a au aomata. A na aki manga atongaki b'a Iteraera ke n toua Iteraera. Ane a na tib'a uringnga b'a bon te UEA Ngai ae te Atua.

Etekiera 13:9 ပူးပေါင်းရင်းမြစ်များ

1.Uea 13:18

Ao e taku te burabeti are e a kara, “Bon te Burabeti naba ngai. E tuangai ana anera te UEA b'a n na kairiko nakon au auti ma n anganiko te am'arake ma te mooi.” Ao e aki ataia te burabeti mai Iuta are e kewe te burabeti are e a kara,

Etira 2:59

Bootan m'aitiia ake a oki man utuun nako Teraia, Tobia, ao Nekota bon onobubua nimangaun ma uoman, e ngae ngke a aki konaa ni kakoauaia b'a bon kanoan naba Iteraera ngaiia.

Neemia 7:62

A tia ni maeka ni kaawan B'aburon are Tera-Mera, Tera-Aretia, Kerub'a, Aton, ao Immera.

Neemia 7:64

Ma e aki konaa n reke rongorongon utu aika tenua aikai, ao akea mai buakoia ae e kariaiakaki n riki b'a te ibonga.

Taian Areru 101:7

E na aki maeka n au auti te tia m'am'anaa te aba; E na aki memena i matau ane b'ab'aina te kewe.

Taian Areru 69:28

A bia kamaunaki araia mani bokin te maiu; A bia aki karinaki araia i rarikin araia am Aomata.

Taian Areru 69:5

Te Atua, Ko ataa roon nanou; ao a aki raba au bure mairoum;

Taian Areru 87:6

E na korei araia aomata nako te UEA ao E na atongiia b'a kaain naba Ierutarem.

Taian Areru 95:11

Ma ngaia are I taetae n un ao I kab'aka au berita ‘kam na bon aki kona n rin n te aba are N na kaman tia n anganingkami iai te motirawa.’ ”

Itaia 4:3

A na bane n atongaki aomata ake nikira ni maiu i aon Ierutarem b'a aomata aika a tabu,

Ieremia 14:15

A taku burabeti ni kewe aikai b'a e na reke te rau ma te am'arake ae e m'aiti. Ma I tuangngkami b'a bon burabeti naba aikai aika a na mate n te buaka ao te baki.

Ieremia 17:13

Bon te koburake n ran Ngkoe ae e anganiia Iteraera te maiu ma te kaantaninga. Ma ngkana a aki kubara te b'ai ae Ko taekinna aomata ao a na kamaunaaki nako kaanga taian taeka aika a koreaki i aon te tano.

Ieremia 23:20

E na bon aki toki unu, ni karokoa e tia te b'ai ae I a tia ni baaireia b'a N na karaoia. N te bong teuana ane kam na ataa raoi nanon te b'ai ae I nanonna.

Ieremia 4:9

E taku te UEA, “Ngkana a riki baikai ni kabane ao ane a na tiaoki ma ni maaku taiani uea ma taiani mataniwi ao burabeti ao ibonga.”

Etekiera 11:10

Kam na tiringaki i bon oin abami, ma e na riki anne i m'aain ae kam ataia ae bon Ngai ae te UEA ae I karaoi baikai.

Etekiera 12:20

A na bane ni wene n uruaki kawa nako ao e na riki te aba b'a te rereua ae akea kain aona. Ao i mwiina, a na ataia iai b'a bon te UEA Ngai.

Etekiera 13:14

A kataia burabeti aika a b'anga ni kewe aikai ni karabaa te buakaka i Ierutarem, ma N na korouaa te kaawa ni kab'aka, ni kabane ni karokoa aana. Ao ngkana e b'aka, a na tiringaki burabeti aikai, ao ane a na ataia aomata ni kabane b'a boni Ngai ae I karaoi baikai.

Etekiera 13:23

N na bon aki manga kariaia aine aikai b'a a na anga te rongorongo ae a kaairua ma ni kamanenai taiani tabunea, ao N na kainaomataia au aomata man aia babaaire. Ao ane a na ataia iai b'a boni Ngai ae te UEA ae I karaoi baikai.

Etekiera 20:38

N na kaokoroia taani bure aika taani kamangao maibuakomi, e ngae ngkana N na kaokiia mai buakoia botannaomata nako ake a maeka b'a taenikai iai ngaiia, a na aki kariaiakaki b'a a na okira Iteraera. Ao i mwiina, ane ko na ataia b'a bon te UEA Ngai.

Taniera 12:1

Ao e taku te anera are e kunnikaia n te rinen, “Ao ane e na kaoti te anera are Kabiriera are e kakawakiniia am aomata. Ane e na roko tain te kangaanga, aika a tuai ma n noonoria taiani botannaomata ma ngke a moani kaoti nakon te aonnaba aio. Ao ngkana e roko te tai anne, ao a na bane ni kamaiuaki am aomata ake a m'akoro araia n ana boki te Atua.

Otea 4:5

Ko na tatanako ngkoe ma burabeti ni ngaina ao ni bong; N na kain wiia tinami.

Otea 9:3

ane kam na kiitana aban te UEA. A na nako tabeman mairoumi nako Aikubita; ao tabem'aang a na nako Aturia ni kang am'arake aika a aki itiaki.

Mika 3:5

A tia ni keweaki au aomata irouia burabeti ake a taetae ni burabetiia te rau nakoia ake a reke booia mairouia, ao te buaka nakoia ake a aki reke booia mairouia.

Mika 3:6

“Ngkami aika burabeti e a roko tokin ami bong ni burabeti, e a bung taai i aomi. Kam a tia n aki kairiia raoi au Aomata. Kam na aki kona ni manga noori mii ni burabeti, ao kam na aki manga taetae ni burabeti.”

Ruka 10:20

Ma e ngae n anne, ao kam na aki kakatonga n aei, ae a aantaeka i roumi anti; ma kam na kakatonga b'a a koreaki arami i karawa.”

I-Biribi 4:3

Eng, ao I butiko naba, ngkoe ae raou ni m'akuri ni koaua, b'a ko na buokiia nakanne, b'a a tia ni kakorakoraia ni m'akuri ma ngai i bukin te euangkerio; ao raoia naba Kiremenito ma raou ni m'akuri ake tabem'aang, ake a mena araia n te boki ni Maiu.

Ebera 12:23

ma aia botaki taan onimaki ake naati ake kanga ai aroia moan nati, aika a koreaki araia i karawa; ao kam kaania naba te Atua ae te tia motiki taekaia aomata ni kabaneia, ao kam kaaniia naba tamneia aomata ake a b'ab'aina te eti, ake a tia ni karaoaki b'a a na kororaoi aroia n reitaki ma nanon te Atua.

Te Kaotioti 13:8

Ao ane a na taromauria te man arei aomata nako i aonnaba, ake a aki koreaki araia ni bokin te maiu ma ngke a moa ni karikaki aonnaba; ao te boki arei bon ana boki te Tiibuteteei are kamateaki.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.

Te Kaotioti 20:12

Ao I nooriia maate, ake te koraki ake a kakannato ma ake a mangori, b'a a tei i nanoaan te kaintokanuea; ao a kaukaki niira ni boki. E kaukaki naba te niira ni boki teuana, ae bokin te maiu. Ao a motikaki taekaia maate ni kaeti ma baike a tia ni karaoi, n ai aron taekaia ake a koreaki n taian niira ni boki akekei.

Te Kaotioti 20:15

Ao ngkana iai ae ataaki b'a akea arana ni bokin te maiu, ao e teweaki nako nanon te nama are te ai.