Etekiera 13:5 - Te B'aib'ara

⁵ A aki tuangiia aomata taekan te kangaanga ae e nang roko ke n tuangiia kamaamaten karaoan te bure nako iu.

Etekiera 13:5 ပူးပေါင်းရင်းမြစ်များ

Iobi 40:9

E boraoi korakoram ma Ngai? Ko kona ni karebwea b'anaam n ai aron rebwen te baa, kaanga b'anaau?

Taian Areru 106:23

Ngke E taku b'a E na kamaunaia ana Aomata, Ao e tei ana toro are E rineia, are Moote, n taetae ma te Atua i bukiia b'a E na aki kamaunaia n unna.

Taian Areru 76:7

Ma Ngkoe, te Atua, Ko makaki irouia aomata ni kabaneia. Akea temanna ae kona n tei i matam ngkana Ko un.

Itaia 13:6

Kam na tang ma ni katuu ranin matami! E a roko te bong are e na karokoa iai te urub'ai te UEA ae Moan te M'aaka.

Itaia 13:9

N na kaota au aki nanoanga ke au aki akoi Ngai ae te UEA ngkana e roko te tai arei. N na kamaunaa te aonnaba ni marakin nanou ao taani bure naba ni kabane akana a maeka i aona.

Itaia 2:12

E a tia te UEA ae Moan te M'aaka n rinea te bong are a na b'aka iai aomata ake a kamoamoa ao a kainikatonga.

Itaia 27:4

E a toki uniu. Ma N na m'ananga ni buakanna ma ni kabuokia ni kamannangnga ngkana e kariki uaana aika a kateketeke.

Itaia 34:8

E a tia te UEA ni katea te ririki ma te bong, are e na irantaanga iai ao n roko i Tion i bukin kamanoana.

Itaia 58:12

Kam na manga karaoi auti ake uoua ake a tiku n uruaki n ririki aika a bati; ao ko na kinaaki b'a te tia kateitei ngkoa ao te tia karaoa oon te kaawa ao kawain nako nuukan te kaawa.

Ieremia 15:1

E taku te UEA nako iu: Ngkana arona b'a a mena ikai Moote ma Tamuera, ma n tataro i bukimi, ao N na bon aki bita naba nanou. Ma ngaia are, N na kanako ia kaain Iuta.

Ieremia 23:22

Ngke arona b'a a ira aia kabowi Au kauntira i karawa, ao a na riai n tia n tuangkami kaain Iuta b'a kam na katoka ami bure ma n okirai.

Ieremia 27:18

Ngke tao arona b'a I a tia n taetae nako ia burabeti aikai, ao a na ataa te b'ai ae N nang karaoia. Ao a na buubutiai b'a N na aki kariaia b'a a na anaaki b'aai ni kabane man te Tembora ao ana bareti te uea ao b'ain Ierutarem ni kabane.

Etekiera 13:4

A aki raoiroi riki burabetin Iteraera nakon taian tiakaore ake a kakaaea kanaia i buakon b'ain te kaawa ae e uruaki.

Etekiera 22:30

I tarataraa temanna are e na tei i bukin te kaawa ma ni kamanoa man uniu, ao ai uana naba ma katokan uruakana Irou. Ma bon akea temanna ae e reke.

Etekiera 30:3

i bukina ngkai ko na waekoa ni katuaaeaki! Bon anne tain te rootongitong ao te b'aka i bukiia botannaomata nako.

Etekiera 7:19

Ane a na karenakoaki ami tirewa ma ami koora nakon nnen te maange i rarikin kawain nuukan te kaawa i bukina b'a bon aikai baika uoua aika kairingkami nakon te bure, ao ngkai a aki konaa ni kamaiungkami man uniu. A na bon aki tau naba i bukin kabooan te am'arake.

Ioera 1:15

Ti a reke n te kaangaanga! E nang karokoa te kabuanib'ai te UEA are Moan te M'aaka n te tai ae e aki maan.

Ioera 2:1

Katanga te bu i aon Tion are ana tabuki ae e tabu te UEA. Kauringiia aomata nako b'a a na ruru ni maaku! E nang roko ana bong ni motikitaeka te UEA n te tai ae e aki maan.

Ioera 2:31

E na okirikaki taai n rotongitong, ao nam'akaina e na uraura kaanga te raraa i m'aain kaotin te bong are e rangi ni kakamaaku arei.

Ioera 3:14

A kaona te M'arua are Te Motikitaeka aomata aika m'aiti. E na roko ana bong n ana Motikitaeka te UEA n te tai ae e aki maan ikai

Maraki 1:9

Bon te UEA Ngai ae Moan te M'aaka, ma ngaia ae kam riai ni karaoa ae N na kukurei iai. Kam a tia ni bure. Ao ngkai kam na nooria ngkana arona b'a tao N na akoa temanna mai roumi.

Maraki 4:5

I berita Ngai ae te UEA b'a N na kanakoa te burabeti are Eria i m'aain rokon te bong ae e rangi ni kakamaaku anne.

1.I-Tetaronike 5:2

B'a kam bon ata ana bong te Uea, b'a e na roko n ai aron rokon te tia iraa n te bong.

2.Betero 3:10

Ma ane e na roko ana bong te Uea n ai aron rokon te tia iraa; n te bong anne ao e na mauna iai karawa ma te rurunga ae korakora, ao a na bue b'aai ma ni mauna nako aroia; ao aonnaba ma kanoana a na kuneaki.

Te Kaotioti 16:14

bon tamneia taimonio aika kakaraoi kanikina; ao a kawariia uea nako i aonnaba, b'a a na ikotiia nakon te buaka n te Bong are kakannato are ana bong te Atua ae Moan te M'aaka.

Te Kaotioti 6:17

B'a e a roko te bong are kakamaaku are bongin unna, ao ai antai ae kona n tei i m'aina?”

1.Tamuera 12:23

Ngkana I katoka au tataro i bukimi, ao I aki ongotaeka iai nakon te UEA! N na reireiningkami n taai nako aromi ni maiuakina te raoiroi.