Etekiera 13:3 - Te B'aib'ara

³ Boni Ngai ae te UEA ae te Atua ae I taekinna b'a e a roko te kangaanga i aoia burabeti aikai! A bon aki noori taian mii ni burabeti-a bon otoi aia rongorongo i bon irouia!

Etekiera 13:3 ပူးပေါင်းရင်းမြစ်များ

Taeka n Rabakau 15:14

E ingainga ni kan reireinna b'aai riki tabeua te aomata ane e iangoraoi, ma a b'arua te m'akuri ni baba aomata aika a nanobaba.

Taeka n Rabakau 15:2

A roko taeka aika a wanawana mairouia aomata aika a wanawana, ma a taekinaki taeka aika a nanobaba mairouia aika a nanobaba.

Ieremia 23:1

Ngkami aika taan kairiia Au aomata, ti te bo ngkami ma taan kaawakintiibu aika kam tiringiia tiibu ma ni kamaaenako ia.

Ieremia 23:16

Kam na aki ongo nakon aia kewe burabeti ni kewe aikai, ngkami aika kaain Iuta! Te rongorongo ae a tataekinna bon ti aia iango; e bon aki nako mairou, Ngai ae te UEA ae Moan te M'aaka.

Ieremia 23:9

Ngkana I iangoia burabeti, ao I tiaoki, ao I ruru ni maaku kaanga aron temanna ae e koronimanging, i bukin ana taeka te UEA ma Ana taeka aika a tabu.

Ieremia 28:15

Ao i mwiina, I tuanga Anania te baei, ao I a manga taku, “Ongora, Anania! E aki kanakoko te UEA, ao ko karaoia aomata aikai b'a a na kakoaua te kewe.

B'aeb'aeti 2:14

Akea riki te b'ai ae a kona n taekinna am burabeti, b'a ti te kewe aroia. A kam'anei ngkami n aia kab'arab'ara b'a aki kona ni kaoti ami bure nakoimi. A anganiko te koaua ae aongkoa ko aki kainanoa te raira n nano.

Etekiera 13:18

Tuangiia b'a a reke n te kangaanga! A kabaei kunnikai aika a m'aaka i aon toun baiia ao i toan ram'aia, ma ni keweia aomata b'a aongkoa a konaa n tuangiia aomata kanoan aia bong aika a na roko. A na bon aki nako man tataekinan taiani kewe aikai.

Etekiera 13:4

A aki raoiroi riki burabetin Iteraera nakon taian tiakaore ake a kakaaea kanaia i buakon b'ain te kaawa ae e uruaki.

Etekiera 34:2

Etekiera ae natin te aomata, ti te bo taan kairiiri i Iteraera ma taan kaawakin tiibu aika a kaawakiniia au tiibu, aika Iteraera. Ma I tangiriko b'a ko na kabuaakakaia taani kairiiri aikai ma ni kaangai nakoia: Boni Ngai ae te UEA ae I kaangai, E a roko te kaangaanga i aomi taan kairiiri i Iteraera! Kam bon iangoi aromi i bon iroumi ao kam kaaki taekaia Au tiibu.

Otea 9:7

Iteraera, e a roko te tai. E na bon okiriko te b'ai are ko bon kaantaningaia, ao ko bon ataia. Ko taku, “A nanobaba burabeti, ao a rangirang ana tia uarongorongo te Atua.” E a tia am kaairua ae e kakamaaku ni kaoniko n te riribai.

Tekaria 11:15

I mwiina, e a manga taku te UEA nako iu, “Ko na manga karaoa aron te tia kaawakin tiibu riki-n te tai aei te tia kawakin tiibu ae akea manenana.

Ruka 11:40

Ngkami aika baaba! Teuare karaoa tinanikun te b'ai, tiaki Ngaia naba are E karaoa nanona?

Ruka 11:52

A na reke kaimi rooia! B'a kam a tia n uota nako kingini mataroan te atatai; kam aki rin ngkami ao kam tukiia te koraki ake a kan rin.

1.I-Korinto 9:16

B'a ngkana I tataekina te euangkerio, ao bon akea bukin ae N na kamoamoa iai, b'a I katabeaki iai b'a I bon riai n tataekinna. E na reke kaiu ngkana I aki tataekina te euangkerio!

1.Timoteo 6:4

ao bon te aomata ngaia ae kainikatonga ao e nano roo. E babaeakina te kan tititiraki ma te kauntaeka, aika e riki mai iai te bakantang, ma te unra, ma taetaebuaka, ma iango ni katautau aika aki raraoi,

2.Timoteo 3:9

Ma ane a na aki maan n aroia anne, ao a na ataaki aroia n nanobaba irouia aomata, n ai aron naba are e riki nakoia Ianne ma Iambere.