Etekiera 13:2 - Te B'aib'ara

² Etekiera ae natin te aomata, ko na kabuakakaia burabetin Iteraera ake a taetae n arau, ma a kab'arab'arai rongorongo aika a bon karioi man oin aia iango. Tuangiia b'a e a roko te tai are e na ongo te aba iai au rongorongo.

Etekiera 13:2 ပူးပေါင်းရင်းမြစ်များ

1.Uea 22:19

Ao e taku Mikaia: Ongora n te b'ai aei. Ao I noora naba te UEA b'a E tekateka i aon ana kaintokanuea ma b'aai ni kabane aika a maiu i karawa b'a a bootaki ni katobibia.

Itaia 1:10

Bon ti te bo ngkami ma taani kairiiri irouia kaain Tootom ma Komora! Ma ngaia are, kam na ongora iroun te Atua:

Itaia 28:14

Bon akea te b'ai ae kam karaoia b'a ti te b'ab'ainingare; ao ngkai kam a riai ni kakauongo n te b'ai ae e taekinna te UEA.

Itaia 9:15

Bon atuuia taan tautaeka, ao bukibweeia bon taiani burabeti ni kewe.

Ieremia 23:2

Kam kaantaningaaki b'a kam na kaawakiniia Au aomata, ma ngaia kam a manga kakionako ia. Ma ngaia are, N na katuaaingkami n te tuua ae korakora ngkai, ni kabooa mwiin te kaairua ae kam a tia ni karaoia.

Ieremia 27:14

A a tia n tuangngkami ami burabeti b'a akea manenan te ongotaeka i roun Nebukaneta, ma kam na aki ongo n aia kewe.

Ieremia 27:18

Ngke tao arona b'a I a tia n taetae nako ia burabeti aikai, ao a na ataa te b'ai ae N nang karaoia. Ao a na buubutiai b'a N na aki kariaia b'a a na anaaki b'aai ni kabane man te Tembora ao ana bareti te uea ao b'ain Ierutarem ni kabane.

Ieremia 37:19

Ko a tia ni kainiia burabeti ake a keekeweiko ngke a taku b'a e na aki konaa B'aburon ni buakana Ierutarem?

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

Ieremia 8:10

N na anga buuia ma aia tawaana nako ia ianena. A a bane n nanonrang ao n aki raoiroi aomata nako, te kainano ke te kaub'ai. Bon akea naba onimakinaia burabeti ma ibonga.

B'aeb'aeti 4:13

Ma e bon riki anne i bukina ngkai a bure burabeti ma ibonga, a tiringiia aomata aika a raoiroi.

Etekiera 13:1

E taku te UEA:

Etekiera 13:17

Etekiera ae natin te aomata, ko na kabuakakaia ainen Iteraera ake a kab'arab'araa te rongorongo are bon oin aia iango.

Etekiera 13:3

Boni Ngai ae te UEA ae te Atua ae I taekinna b'a e a roko te kangaanga i aoia burabeti aikai! A bon aki noori taian mii ni burabeti-a bon otoi aia rongorongo i bon irouia!

Etekiera 16:35

Ao ngkai, Ierutarem, ainen mataawa! Ongora te b'ai ae e taekinna te UEA.

Etekiera 22:25

Ti te bo aia taani kairiiri ma taian raian aika a bekorara, ma n raebitiia konaia n aki akaaka. A kamateia aomata, ao i mwiina, a kimoai b'aai ni kabane aika a kakaawaki. A tiringiia buuia m'aane, ao a m'aiti aine ake a tiku n akea buuia.

Etekiera 22:28

Ao e a manga taorimwiia burabetin Iteraera ni karabaa ni buure aikai n ana kaotioti ni kewe. I bon tuai man taetae nakoia, ma a kewe b'a a taku b'a iai te rongorongo ae I anganiia.

Etekiera 34:7

Ngkai, kam na ongora ngkami aika taani kaawakin tiibu nakon te b'ai ae N na taekinna Ngai ae te UEA nakoimi.

Etekiera 34:9

Ma ngaia ae kam na ongora Irou ngkami aika taani kaawakin tiibu.

Mika 3:11

A taua taekaia aomata taan tautaeka i bukin te babakanikawai. A kab'arab'arai tuua ibonga i bukin kaboakiia. A taetae ni burabeti i bukin te m'ane. Ao a bane n taekinna b'a aongkoa e mena te UEA irouia. Ao a kaangai, “Akea te rekenikai nakoira. E boni mena te UEA iroura.”

Mika 3:6

“Ngkami aika burabeti e a roko tokin ami bong ni burabeti, e a bung taai i aomi. Kam a tia n aki kairiia raoi au Aomata. Kam na aki kona ni manga noori mii ni burabeti, ao kam na aki manga taetae ni burabeti.”

Teb'ania 3:4

A akea onimakinaia burabeti, b'a a aki kakaonimaki: Ibonga a kabaarekai baike a tabu ao a minota ana tua te Atua nakon oin nanoia.