Etekiera 12:2 - Te B'aib'ara

² Etekiera ae natin te aomata, ko maeka i buakoia taani kamangao. Bon iai mataia, ma a rawa n taratara; iai taningaia ma a rawa ni kakauongo.

Etekiera 12:2 ပူးပေါင်းရင်းမြစ်များ

2.Uea 17:14

Ma a aki kan ongo Iteraera, a taningabono n ai aroia aia bakatibu are a rawa n taromauriia te UEA ae Atuaia.

2.Uea 17:15

A katinanikua ana taeka ni kauring te UEA ma ana babaaire, ao a kaaki taekan te boraraoi are e a tia ni karaoia ma aia bakatibu. A taromauri bouananti ake akea maneia, ao a boni kakeai manenaia. E a tia n tuangiia b'a a na aki katotoongia botannaomata ianena ake i rarikiia ni b'aai aika a karaoi, ma a aki ongo Iteraera b'a a boni katotoongia naba.

Taian Areru 78:40

Ai batiraa aia tai n rarawa ni kan aan-taeka i rouna n te rereua! Ao m'aiti ra te tai ae a kananokawakia iai!

Itaia 1:23

A tia taani kairiiri n katinanikuai ao a manga riki b'a raoia koraki ake taani baabakanikawai; ao ami taan tautaeka a iangoi reken taiani b'aintangira ao m'akuri ni baabakanikawai. Bon akea itin te motikitaeka nakoia aine aika a tia ni mate buuia ao ataei aika akea aia karo.

Itaia 30:1

Aio ana rongorongo te UEA i bukiia ana Aomata aika a kamangao: Kam iri oin ami babaaire ao kam aki iri au babaaire; kam karaoi taiani boraraoi i marenami ma tautaeka tabeua ao kam titirakinai moa, ao kam teimatoa ni buubure.

Itaia 30:9

A tia ni kaaitaraa te UEA ao a aki konaa n onimakinaki. A tia n rawa nakon ana taeka n reirei

Itaia 43:8

Ikotiia au aomata. Bon iai mataia ao taningaia, ma a aki konaa n ongo ke n noraaba.

Itaia 44:18

A matakii ao a nanobaba koraki aika a taromauri taian bouannanti!

Itaia 6:5

Ao I takaarua ni kaangai, “I a reke n te kabuanib'ai! A bane n on n te bure au taeka aika I atong, ao ai uana naba ma aia taeka aomata nako aika i rarikiu. Ma e ngae n anne, ma I a tia n noora te UEA ae Moan te M'aaka.”

Itaia 65:2

I kabongnga ni kawaria aika a bonotaninga ao aika a taani bure aika a touanako kawaia.

Ieremia 5:21

Taian nanobaba! E aera ngkai kam aki kakauongo ngke I taetae? Kam aki ataia b'a kam

Ieremia 5:23

Kam a tia ni kaaitaraai ma n rairaki nako mairou ngkami aika taian taningabono.

Ieremia 7:26

Ma kam aki kubarai ao kam karikirakea riki taningabonomi ao karaoan te bure nakon are a karaoia ami bakatibu!

Etekiera 12:1

E taku te UEA:

Etekiera 12:25

N na anganiia au rongorongo, ao e na bon riki te b'ai ae I taekinna. Kam na kauringiia taan kamangao akanne b'a e a roko te tai are a na katuaaeaki iai. Boni Ngai ae te UEA ae I karaoa te berita aei.

Etekiera 17:12

Etekiera, ko na titirakiniia Iteraera aika taani kamangao b'a tera nanon te karaki. Tuangiia b'a e roko ngkoa uean B'aburon i Ierutarem, ao i mwiina, e taua uean Iuta ma ana mataniwi, ao e uotiia ni kaokiia nako B'aburon b'a taian taenikai.

Etekiera 2:3

Etekiera, I kanakoko nakoia Iteraera. Ti te bo aroia ma aia bakatibu aika a kakaitaraai ao a aki tangiria ni katoka aroia arei.

Etekiera 24:3

Ao i mwiina, ko na tuangiia Au aomata aika a kakamangao ni kaangai: “Kab'aroa te ran nako nanon te b'aata ao katokaa i aon te ai.

Etekiera 3:9

Ko na kataua te taekina Au rongorongo n te aro ae akea te b'ai ae e na konaa ni katokiko. N na kamatoatoako kaanga te taiman, ao ko na bon aki konaa ni maaku irouia aomata aika a kainikatonga aika taani kamangao.

Etekiera 44:6

Ko na kaangai nakoia Iteraera aika taani kamangao: Bon te UEA ae te Atua Ngai ae I tuangkami b'a kam na katoki taiani m'akuri aika a buakaka!

Mareko 4:12

b'a a aonga n taratara ma n taratara, ma a na aki noraba; b'a a na ongora ma n ongora, ma a na aki atatai: b'a ngkana a noraba ao a atatai, ao ane a na rairi nanoia ao a na kab'araki aia bure.”

Ruka 8:10

ao Ngaia E taku, Kam anganaki te kona n atai baike a raba ake b'ain uean te Atua; ma a anganaki aomata aika bati n taeka ni kabotau, b'a a na taratara ma a na aki noraba, ao a na ongora ma a na aki atatai.

Ioane 12:40

“E kamataki mataia te Atua, ao E kamatoai nanoia; b'a a kaawa n noraba ni mataia ao n atatai n nanoia, ma n rairaki nako iu b'a N na kamaiuia.”

2.I-Korinto 3:14

Ma a kamatoatoaki nanoia; b'a man te tai arei ni karokoa te bong aei, ao e tuai meni mauna te rabuna ni mata ngkana a wareka te Boraraoi Nikawai, b'a ti Kristo ae mauna i Rouna.

I-Ebeto 4:18

a roo nanoia, ao a riki n ianena man te maiu are mairoun te Atua i bukin te babanga are i rouia, are reke i bukini matoatoan nanoia.

Te Tua-Kaua 29:4

Ao e bon tuangkami naba ni kaangai, I kairingkami i nanon 40 te ririki i nanon te rereua, ao a na aki uruaki ami kunnikai ao ami kauniwae, ao I anganingkami naba kanami ae raka. I karaoi baikai b'a kam aonga n ataia b'a bon Atuami Ngai. Kam ti kona n atai nanon baika kam a tia n noori ao baika kam a tia n ongo ngkana E bitii nanomi te UEA.

Te Tua-Kaua 31:27

Ao I bon atai taningabonomi ma ami kamangao ma Iteraera ni kabane. Kam a tia n kakaitaraa te UEA ngkai I boni maiu i rarikimi, ao ane kam na rangi ni buakaka riki ngkana I a kiitaningkami.

Te Tua-Kaua 9:24

Ni koauana raoi, ao kam kakaitaraa te UEA ni moa man te tai are E a tia ni kinaingkami iai.

Te Tua-Kaua 9:7

Kam na aki m'am'aninga aromi ngkoa ni kakaitaraa te UEA ma ni kakaunna n taai nako ngke kam mena i nanon te rereua. Kam a boni kakaitaraa naba ni moa mangke kam kiitana Aikubita ni karokoa te tai are kam roko iai ikai.