Etekiera 11:2 - Te B'aib'ara

² E taku te UEA, Etekiera, natin te aomata, a kataia m'aane aikai ni karaoi iango aika a buakaka ao n anga taian taeka n reirei aika a kamaamate nakoia kaain Ierutarem.

Etekiera 11:2 ပူးပေါင်းရင်းမြစ်များ

Etita 8:3

Ao e manga taetae riki Nei Etita nakon te uea, ma n ni b'aka n tang i rarikin waena. Ao e buubutiia b'a e na katoka ana m'akuri ni kam'aam'ane aika a buakaka Aaman are ana kariki Akaaka, are e a tia ni karaoia n eekiinako iai I-Iutaia.

Taian Areru 36:4

E karioi iango aika bubuaka ngkana e wene ni nena ni wene; Akea te bae e karaoia ae na raoiroi, Ao e aki kona n riba te b'ai ae buakaka.

Taian Areru 36:5

Te UEA, e rota karawa am Tangira ae teimatoa; ao e roti naang am Kakaonimaki.

Taian Areru 52:2

Ko karioi iango aika a na uru aroia tem'angina; Ai aron te m'ariro ae kakang newem; Ko aki toki ni karioi taeka ni kewe.

Itaia 30:1

Aio ana rongorongo te UEA i bukiia ana Aomata aika a kamangao: Kam iri oin ami babaaire ao kam aki iri au babaaire; kam karaoi taiani boraraoi i marenami ma tautaeka tabeua ao kam titirakinai moa, ao kam teimatoa ni buubure.

Itaia 59:4

Kam bukiniia tem'angina n te aro ni kewe ao kam taekina te kewe n te kabowi ni kaburebure; araia natimi boni buure ma kangaanga.

Ieremia 18:18

A taku aomata tabeman, “Ti a katiaa taekan Ieremia! Bon iai ibonga n taai nako ike a konaa n reireiniira ana Tua te Atua, ao ai uana naba ma aomata ake a rabakau b'a a konaa n anganiira taeka n reirei, ao burabeti b'a a konaa n anganiira ana rongorongo te UEA. Ma ngaia are, ti na aki manga ongo i roun Ieremia, ma ti na bukinna n te bure.”

Ieremia 5:5

N na nako n taetae ma taan kairiiri. A na ataa te b'ai ae e tangiria te UEA.” Ma a bon rawa naba n ongotaeka i roun te UEA.

Etekiera 7:26

Ane a na okioki te waaki aei, ao ane kam na ongo te rongorongo ae e aki kakukurei. A na buubutia te burabeti aomata b'a e na kaongoraaia au rongorongo. A na toki ni kab'arab'araa au Tua ibonga, ao a na aki konaa naba n anga taeka n reirei taan iango.

Naum 1:11

Ninewe, e na nako mairoum te aomata ae e on nanona ni babaire aika a bubuaka, ao iango aika a eekaanako te UEA.