Etekiera 11:16 - Te B'aib'ara

¹⁶ Ma aio te b'ai ae I tangiria b'a ko na tuangiia Iteraera ake i B'aburon: Bon te koaua ae bon te UEA Ngai ae te Atua, ae I kairoroingkami ni kanakoingkami man oin abami ma ni karikingkami b'a kam na maeka i buakoia botannaomata aika ianena. Ma ngkai, N nang mena iroumi n taabo nako ike kam mena iai, b'a kam aonga ni konaa n taromauriai.

Etekiera 11:16 ပူးပေါင်းရင်းမြစ်များ

Itaia 8:14

Biiri nako iu i bukin b'aai ni kamanoakimi. Bon Ngai te b'aa ae e kaai n kab'akaaki man kamaaeaki iai riin aban Iuta ma Iteraera.

Taian Areru 90:1

Te UEA, boni nera ni maeka Ngkoe n taai nako.

Ieremia 31:10

Ongo irou, ngkami aika botannaomata aika kam kaan ma akana kam mena n taabo aika a raroa i taari. I kamaaeia nako ia Iteraera, ma N na manga ikotiia riki. N na kaawakiniia kaanga te tia kaawakintiibu ngkana e tararuaia ana nanai ni man;

Ieremia 30:11

N na roko iroumi ni kamaiungkami. N na kamaunaiia botannaomata ni kabane ake I kamaaenakoingkami nako ia, ma N na bon aki urua aromi. N na bon katuaaingkami ngkana I kanakoingkami; ma N na bon katuaaingkami n te aro ae e riai. Bon aei Au taeka Ngai ae te UEA.

Taeka n Rabakau 18:10

Bon te taua ae e korakora te UEA ike a konaa ni biri nako iai ana aomata ni kamanoia

Taian Areru 91:1

Ane katanna iroun te Atua ae Moan te Rietaata, Ane kamanoa iroun te Atua ae M'aaka,

Taian Areru 44:11

Ko anga ngaira b'a kanga tiibu nakon te kamateaki; Ko kamaaenakoira i buakoia botannaomata.

Taian Areru 31:20

Boni neia ni karabaia Ngkoe man aia m'akuri ni kakam'arua aomata; Ko karabaia n te tabo ae a mano raoi iai man taian taetae n iowawa.

Nakoaia Ibonga 26:44

E aki akaaka b'a tera ae kam a tia ni karaoia, ma bon te UEA naba Ngai ae Atuami, ao N na bon aki manga katikui taekami, ke ni kairiribai ma ngkami i abaia ianena.

Ieremia 42:11

Kam na aki maaka Uean B'aburon. N na kamanoingkami mai rouna,

Ieremia 26:11

Ao ngke a tabe n ongora, ao a roko ibonga ma burabeti ao a taku, “Kam bon bane n ongo ana taetae ni burabeti Ieremia ngke e taku b'a e na uruaki Ierutarem. E bon riai tiringakina.”

Ieremia 26:7

Ao a ongo burabeti, ibonga, ao aomata nako te b'ai are I taekinna n te Tembora,

Itaia 4:5

E na rabuna te kaawa ae e buubura ni kabane te UEA ma ana tabo ni kabowi n te nang ae e matenten ni katoa bong ao te ai ae e ura ni katoa tairiki. Ao mimitongin te Atua e na riki b'a kaanga te autinrianna ae e korakora ae e rabuni b'aai ni kabane.

Ieremia 29:7

Kam na tataro i bukin karekean te rau i B'aburon ao m'akuri korakora i bukin karekeani kab'aiami. Rikiraken nakoraoin te botannaomata bon rikiraken maiuraoimi.

Ieremia 29:11

N na kakab'aiaingkami ni boong aika a na roko aika a on te kaantaninga; boong n tokanikai, tiaki boong ni karawaawata.

Tekaria 2:6

E taku te UEA nakoia ana aomata, “Biiri! Biri nako man te aba are i meaang, ike I kamaaenakoingkami iai nakon taian ang ake aua.

Te Tua-Kaua 4:27

Bon ti tabeman mai buakomi aika a na maiu, ao E na kanakoingkami te UEA man te aba, ao E na kamaenakoingkami i buakoia botannaomata.

Etekiera 20:23

Ai ngaia are I karaoa Au tuea ae e matoa b'a N na kamaaenikuniia Iteraera nakoia botannaomata nako,