Etekiera 1:4 - Te B'aib'ara

⁴ I tararake ao I noora buakani karawa ae e roko mai meaang. E nako te iti man te nang ae e korakora ao e kaotaa karawa ni kabane n te raitiiti ae raneanea. Nukan te nang arei e ura ma n oota nako kaanga te biti ae e waanetiaki,

Etekiera 1:4 ပူးပေါင်းရင်းမြစ်များ

1.Uea 19:11

Ao E taku te UEA, “Ko na otinako, ao naako tei i aon te maunga. I tangiria b'a ko na noorai ngkana I rirarikim.” Ao e karina n roko te ang ae moan te korakora ni ioioa te maunga, ao ni katabwenabwenai taiani b'a. Ma E bon aki mena naba te UEA i nanon te ang ae moan te korakora. Ao i mwiina, e a manga roko te m'aeiei, ma e aki mena naba i nanon te m'aeiei.

2.Uea 2:11

Ao a tabe ni m'ananga ma n taetae nikawai ngke e a ti rina naba ni kaoti i marenaia te kaanibuaka ae e ura ae e katikitikaki irouia aoti aika a ura rab'ataia. Ao n te tai naba arei, ao e a roko te ang ae e korakora ni uotaarake rab'atan Eria nako karawa.

2.Rongorongo 5:13

Tebubua uangaun te ibonga aika a raoniia taani katangitang aikai, ao a katangi taian buu. A neboa te UEA ni katangi b'aini katangitang ma n anene: “E raoiroi te UEA, ao akea tokin ana tangira.” Ao e a karina naba ni kaonaki nanon te Tembora n te nang ngke a kiitana te tabo are moan te tabu ibonga.

Iobi 38:1

Ao e taetae te UEA nakon Iobi mai buakon te angibuaka ni kaangai:

Taian Areru 50:3

E nangi roko Atuara, ao E na aki kainab'aabu; E ri moana te ai ae ura m'aaka, Ao E otab'aniniaki rarikina n te ang ae matoatoa karena.

Te Otinako 9:24

te karau te aiti te UEA, ma te iti ae aki toki ni kiakia. Bon buakani karawa ae te kabanea ni buakaka ae e tuai man reereke i buakon rongorongon Aikubita mai m'aaina.

Itaia 19:1

Aio rongorongon Aikubita: E roko te UEA mai Aikubita, n toka i aon te nang. A aki konab'ai aomata i bukin maakuia. A rurubenebene aia bouannanti ngke e roko man taku,

Itaia 21:1

Aio rongorongon te rereua are i rarikin taari: A na buaka kairiribai man aia botannaomata kairiribai kaanga te ukeukenanti man Rereuan Maiaki.

Ieremia 23:19

A a buakaka! Ma ngaia are N na oreia n unu n ai aron te angibuaka ae e korakora.

Ieremia 25:32

E taku UEA ae Moan te M'aaka: Kam konaa noora te aoraki ngkana e butinako man taabo aika a raroa nako n te aonnaba, man te botannaomata teuana nakon teuana kaanga te angibuaka ae e kakamaaku.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 4:6

kakioa Ierutarem, ke te kaawa teuana ae e nonoaki! tuangiia b'a I karokoa te kabuanib'ai mai meang.

Ieremia 6:1

Biri n rawei maiumi, aomatan Beniamin. Oti nako mai nanon Ierutarem. katanga te bu i Tekoa ao kaura te ai are te kanikina i Beta-Akirem. Ko na oreaki n te tai ae e aki maan n te kabuanib'ai mai meang.

Etekiera 1:27

Mai aon bebeena ni waerake, e bon raneanea kaanga te biti ae e mena n te ai ae e kabuebue, ao mai bebeena rikaaki kaanga taraan uran te ai. E katobibiaki te b'ai arei n oota ae e raaitiiti,

Etekiera 13:11

Ma ngkana I kanakoa buakan karawa, te karau te atiibu, ao te ang ae e korakora, ao e na bon b'aka te oo anne.

Etekiera 13:13

Bon Ierutarem te oo anne. Ao boni Ngai ae te UEA ae te Atua ae I kanakoa te ang ae e korakora, buakani karawa, ao te karau te atiibu b'a e na urua.

Etekiera 43:3

Ti te bo te mii arei ma are I nooria ngkoa ngke E roko te Atua n urua Ierutarem, ao ti te boo naba ma are I nooria i rarikin te Karaanga are Keeb'ara. I enikuri ni bobaraaki ni kabooa matau ma aontano,

Etekiera 8:2

ao I noora te b'ai ae kaanga tein te aomata. Te b'ai aei kaanga ai aron te ai man koreana rikaaki, ao e raneanea kaanga te biti mani koreana ni waerake.

Tekaria 6:6

E nako iaang te kaa ni buaka are e katikaki irouia aoti aika a roro, ao are e katikaki irouia aika mainaina a wairio: ao are e katikaki irouia ake a tabonobono ni kureei, a nakoaiaki.”

Ebera 12:29

b'a Atuara ai aron te ai ae kamamate.

Te Kaotioti 1:15

ao waena ai aron taraan te buraati ae raneanea ae a tia ni kaburoaki ni kaitiakaki n te ai ae ura m'aaka; ao b'anaana ai aroni karongoani b'aron naao aika bati,