Ebera 9:27 - Te B'aib'ara

²⁷ Ao ngkai e katauaki nakoia aomata b'a ti teuana mateia ao i mwina motikan taekaia;

Ebera 9:27 ပူးပေါင်းရင်းမြစ်များ

Karikani B'aai 3:19

A na reke kanam mani maonon ram'am ni karokoa manga okiran te tano are ko boni karaoaki mai iai. Ko karaoaki man te tano, ao ane ko na manga bon okira te tano.”

2.Tamuera 14:14

Ti na bane ni mate ma ni mauna nako kaanga te ran ae e kab'aroaki i aon te tano. Ma E aki anai maiura te Atua, ma n onea mwiin anne, E a manga bon karekea te kawai are ti na manga oki iai ngkana ti biri nako.

Iobi 14:5

A kaman baaireaki ara bong ni maiu, ao e mena ara tai i Rouna, ao E a tia ni baairea are ti na aki kona n ri aona.

Iobi 19:25

Ma I ataia b'a n tokin aei, ao iai temanna ae na roko mai karawa n tei i buku.

Iobi 30:23

I ataia b'a Ko uotai nakon te mate, nakon te tabo are tokiia aomata ni kabane.

Taian Areru 89:48

Akea te aomata ae kona n inaomata man te mate ke te ruanimate.

Te Minita 11:9

Ko riai ni kukurei ma ni kim'areirei n te maiu aei ngkai ko rikirake! Karaoa ae ko tangiria, ao kakaaea te kukurei n te b'ai ae ko nooria. Ma ko na tai m'aninga ae E na motika taekam te Atua ni b'aai ni kabane aika ko karaoi.

Te Minita 12:14

Te Atua, E na motikitaekan b'aai nako aika ti karaoi, e ngae ngkana ti karaoa te b'ai teuana ni karabaa, te b'ai ae e raoiroi ke ae e buakaka.

Te Minita 12:7

Ma ngaia are, a manga oki rab'atara nakon te tano, ao te ikeike ni maiu e na okira te Atua.

Te Minita 3:2

Iai te tai i bukin te bungiaki ao te mate, te tai n ununiki ao te tai ni bobooti uaa,

Te Minita 3:20

A bane n nako b'aai aika a maiu nakon te tabo ae ti teuana. Ti riki man te tano, ao ti na manga okira te tano.

Te Minita 9:10

M'akuri korakora ni b'aai ni kabane aika ko karaoi. Ko na waekoa n roko n aia aonnaba maate, ike akea iai ae e m'akuri, ke ni iango, ke ni kakaai bukin b'aai, ke n atai b'aai ni kabane.

Te Minita 9:5

Ti ataia b'a ti na boni mate, ma ngkana ti mate, ao ti bon aki ataa te b'ai teuana. Bon akea te b'ai ae e raoiroi ae e na riki nakoira, ti nako ao e a m'aninga naba te aba taekara.

Ruka 20:32

Ao e mate naba te aine arei i mwina.

M'akuri 17:31

i bukina b'a E a tia ni motika te bong are E nang kaeti iai taekaia kaain aonnaba n te raoiroi iroun te Aomata are E a tia n rineia; ao E kaota koauana nakoia aomata ni kabaneia, ngke E a manga kamaiua mai buakoia maate.

I-Rom 2:5

Ma ngkai a matoatoa nanomi n rawa ni kani kaetaki, ao kam kaikoa te un nakoimi nakon te bong are e na kaotaki iai unin te Atua ma ana motiki-taeka ae eti.

I-Rom 5:12

Ma ngaia aei, b'a ngkai e roko te bure i aon te aba iroun te aomata ae ti temanna,

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

2.I-Korinto 5:10

B'a ti na boni bane ni kateaki i matan ana kaintoka ni motikitaeka Kristo, b'a e aonga n anganaki temanna ma temanna booni mwin ana m'akuri ni kabane ake e a tia ni karaoi n rab'atana, aika baika raraoi ke a bubuaka.

2.Timoteo 4:1

I tuangko i matan te Atua, ma Kristo Iesu, are nangi motiki taekaia akana maiu ma akana mate, ao i bukin ae E nangi roko n tautaeka b'a te Uea Ngaia:

Ebera 10:27

ma ti te tiku ma te maaku n tataninga rokon te motikitaeka ma te ai ae ura m'aka, ae na kamaunaia ana kairiribai te Atua.

Ebera 6:2

ma taiani b'abetito, ma katokaani b'aai, ma manga utiia maate, ma te motikitaeka ae aki toki.

1.Ioane 4:17

N te aro aei ao e kakororaoaki raoi iai te tangira i roura, b'a ti aonga n aki maaku n te bongi ni motikitaeka: b'a kioina ngkai ti te bo aroni Kristo ma arora i aon te aba aei.

Iuta 1:15

b'a E na motiki taekaia aomata ni kabaneia, ni kabuakakaia ni kabaneia akana aki reitaki ni maiuia ma te Atua, i bukin aia m'akuri ni kabane aika akea karinean te Atua iai, ake a tia ni karaoi n aki reitaki ma ana kaantaninga te Atua, ao i bukin taeka ni kamaraki nano aika a bukinna iai taani bure aika aki reitaki ma te Atua ni maiuia!”

Te Kaotioti 20:11

Ao I nora te kaintokanuea ae ab'ab'aki ae mainaina, ma Teuare tekateka i aona. A biri nako aonnaba ma karawa mai Rouna, ma akea te tabo ae a na nako iai.