Ebera 9:26 - Te B'aib'ara

²⁶ B'a ngke aroni Kristo anne, ao e na bon okioki marakina ni moa mani karikan aonnaba. Ma ngkai, ngkai e nangi roko tokin te tai ao E a ti kaoti ti te teuana te tai ao akea riki, i bukina b'a E na kamaunaa te bure n arona n anga Ngaia b'a te karea.

Ebera 9:26 ပူးပေါင်းရင်းမြစ်များ

2.Tamuera 12:13

Ao e taku Tawita, “I a tia ni aki ongotaeka nakon te UEA.”

2.Tamuera 24:10

Ao ngke e tia Tawita ni wareki m'aitiia aomata nako, ao e a namakinna b'a e bure iai ao e taku nakon te UEA, “Bon te m'akuri ni baba te b'ai ae I a tia ni karaoia ao bon te m'akuri ae e rangi ni kaairua. Te UEA, taiaoka kab'araa au bure.”

Iobi 7:21

Ko aki kona ni m'anuokin au bure? Ko aki kona ni kab'arai au bure ake I a tia ni karaoi? N na roko n ruanimateu n te tai ae waekoa, ao N na bua mai kai ngkana Ko kakaaeai.

Taian Areru 103:12

Raroani mainiku mai maeao, kanga ai aron raroan ara bure ni kam'awaki mai roura iroun te UEA.

Itaia 2:2

E na riki b'a te kabanea n rietaata te maunga are e tei iai ana Tembora te UEA ni boong aika a na roko. E na bura i aon taian tabuki nako; ao a na uarurung botannaomata nako iai.

Taniera 10:14

I roko ngkai b'a N na tuangko te b'ai ae e na riki nakoia am aomata n taai aika a na roko. Te kaotioti aei bon i bukin taai akana a na roko.”

Taniera 9:24

Itiua m'aitin te itibwi te ririki, bon maanin te tai are e na roko iai kainaomatakiia am Aomata ma te kaawa are e tabu man te bure ao te b'ai ae e kam'araa iroun te Atua. A na kab'araaki buure, ao e nangi roko te eti ae akea tokina, b'a e aonga ni koro bukin te kaotioti ma te taetae ni burabeti, ao e na manga katabuaki te Tembora.

Mika 4:1

Ni boong aika a na roko, e na riki b'a te kabanea n rietaata i buakon maunga te maunga are e tei iai ana Tembora te UEA, e na bura i aon tabuki nako. A na b'ab'aroakinna botannaomata nako.

Mataio 13:39

ao te kairiribai are uniki titania bon te riaboro. Bongin te tai bon tokin aonnaba, ao taan tai bon anera.

Mataio 13:40

Ao aron titania, ngkai a botaki ni kabuokaki n te ai, ao ai aroia naba te koraki ake ana aomata teuare buakaka: a na botaki ao a na kabuokaki n te ai n tokin aonnaba.

Mataio 25:34

Ao ane E na kangai te Uea nakoia ake i angaataina, “Nako mai ngkami akana kam kakab'aiaki iroun Tamau; kam na b'aina Uean te Atua are a tia ni katauraoaki i bukimi mani moani karikan aonnaba:

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

Ioane 17:24

“Tamau, I tangiriia ake Ko anganai b'a a na mena irou ike I mena iai, b'a a na nora neboakiu are Ko anganai ngke Ko tangirai i m'ain rikin aonnaba.

1.I-Korinto 10:11

A bane n roko baikekei i rouia b'a b'aai n reirei i bukira, ao a riki i bukin reireiara, ngaira aika ti maiu n te tai ae a kaan ma te toki.

I-Karatia 4:1

Ma I kan taekinna naba b'a i nanon ana tai n ataei te nati are na b'aib'ai i mwin tamana, ao e aki kakaokoro ma te toro, e boni ngae ngke ngaia ae na b'aini b'aai ni kabane.

I-Ebeto 1:10

ana baire aei, are E na katia karaoana ngkana e koro raoi bongina, bon te booti b'aai ni kabane aika karikaki, aika b'aini karawa ma b'ain aonnaba, b'a a na reitaki ma Kristo ao a na taraia b'a atuia Ngaia.

I-Ebeto 5:2

ao kam na b'aina te maiu n tangira, n ai aroni Kristo ngkae E tangirira naba, ao E anga Ngaia b'a E na mate i bukira b'a te karea nakon te Atua, ae te karea ae boiarara ae kamateaki.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Ebera 1:2

ao ni boong aikai aika kabaneani boong, E taetae nako ira iroun Natina, are E a tia n rineia b'a te tia b'aib'ai ni b'aai ni kabane, ao are E karaoa te aonnaba ae b'anin i Rouna;

Ebera 10:10

ae ngaia ae a katabuaki iai maiura nakon te Atua b'a ana b'ai, ngke E anga rab'atana Iesu Kristo n ai aron nanon te Atua b'a te karea n te tai ae ti teuana ao akea riki.

Ebera 10:12

Ao ngke E a tia Kristo n anga te karea ae ti teuana i bukini buure, ae manena n aki toki, ao E tekateka i angaatain te Atua;

Ebera 10:26

B'a ngkana ti boni kani kateimatoa arora ni karaoa te bure i mwin reken ataakin te koaua i roura, ao bon akea riki i bukira te karea teuana i bukini buure;

Ebera 10:4

B'a a bon aki kona ni kamaunaki buure n raraaia kao mm'aane ma kooti.

Ebera 4:3

Ngaira ngkanne, aika ti onimaki, ti a rin i nanon te motirawa arei; n ai aron are E taekinna te Atua ni kangai, “Ma ngaia are I taetae n tuea iai ngke I un, ‘B'a a na aki rin i nanon au motirawa!’ ” E taekina aei, e boni ngae ngke a kaman tia ana m'akuri ma ngke a moa ni karikaki aonnaba.

Ebera 7:27

E aki riai i Rouna, n ai aroia ibonga ake a kakannato, b'a E na anga karea n te bong ae koraki, n anga moa i bukin oin ana bure, ao rimwi i bukin aia bure aomata: b'a ti teuana karaoan aei i Rouna, ngke E anga Ngaia b'a te karea.

Ebera 9:12

ao E rin n te tabo are moanibaan te tabu ti teuana te tai ao akea riki, ao E aki uoti raraaia kooti ma buniia kaao, ma E uota oin raraana ao E karekea kamaiuara ae aki totoki.

Ebera 9:14

ao ai bati ra riki kaitiakani mataniwin nanora mani m'akuri aika akea uaaia n raraani Kristo are anga Ngaia iroun te Tamnei are Raoiroi n aki totoki b'a te karea ae akea buakakana nakon te Atua, b'a kam aonga n toro iroun te Atua ae maiu!

1.Betero 1:20

E a kaman rineaki n ai aron nanon ma ana baire ma ngkoangkoa te Atua ngke a tuai ni karikaki b'aai, ma E a kaotaki ni boong aikai aika kabaneani boong i bukimi,

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.

1.Betero 3:18

B'a e mate Kristo i bukini buure ti te taina ao akea riki, te aomata ae e raoiroi i bukiia aika buakaka, b'a E aonga ni kairingkami nakon te Atua. E boni kamateaki n te aro n rab'ata, ma E kamaiuaki n te aro n tamnei;

1.Betero 4:7

E a kaan tokini b'aai ni kabane, ma ngaia ae kam na nanowanawana ma n tatauraoi n tataro.

1.Ioane 3:5

Ao kam bon ataia b'a E karokoaki Teuarei b'a E na uoti nako buure; ao bon akea te bure i nanona.

1.Ioane 3:8

ane karaoa ae bure ao boni mairoun te riaboro, b'a e a kamani bubure te riaboro ma ngke a moa n riki b'aai. E karokoaki Natin te Atua i bukin aei, b'a E aonga n uru ana m'akuri nako te riaboro.

Te Kaotioti 13:8

Ao ane a na taromauria te man arei aomata nako i aonnaba, ake a aki koreaki araia ni bokin te maiu ma ngke a moa ni karikaki aonnaba; ao te boki arei bon ana boki te Tiibuteteei are kamateaki.

Te Kaotioti 17:8

Te man are ko noria bon iai ngkoa, ma akea ngkai: ao e nangi rierake mai Abuto, ma n nako n te kamateaki. Ao a na mimi akana maeka i aon te aba, akana aki koreaki araia ni bokin te maiu ma ngke a moa ni karikaki aonnaba, ngkana a nora te man arei b'a bon iai ngkoa ma akea ngkai, ao b'a e na manga kaoti.