Ebera 9:24 - Te B'aib'ara

²⁴ B'a Kristo E aki rin nako nanon te tabo are tabu, are e karaoaki ni bain te aomata, ao are katotongan te oi ni b'ai ni koaua; ma E bon rin i karawa, b'a E aonga ni kaoti i matan te Atua i bukira.

Ebera 9:24 ပူးပေါင်းရင်းမြစ်များ

Taian Areru 68:18

E rierake nakon te tabo ae rietaata, ao E kairiia aomata aika bati ake a taenikai i rouna; E kareke angab'ai mairouia, ao mairouia naba ake a rarawa ni kan aantaeka. E na maeka n te tabo arei te UEA ae te Atua.

Te Otinako 28:12

N te aro aei are e na uouoti iai araia barongan Iteraera Aaron ngkana e rin te tabo are e tabu, ao N na aki konaa ni m'aninga iai taekaia au aomata.

Te Otinako 28:29

E na uouoti araia barongan Iteraera ake tengaun ma uabaronga Aaron aika a koreaki i nanona ni katoa te tai are e rin iai n te Tabo are e Tabu, ao N na bon aki konaa ni m'aninga iai taekan au botannaomata.

Tekaria 3:1

I a manga anganaki te mii riki teuana. N te tai aei e teitei Iotua are te ibonga ae e rietaata i matan ana anera te UEA. Ao e mena naba ikekei Tatan, n iteran Iotua are te angaatai, n tauraoi ni bukibuki.

Mataio 18:10

Kam na kawakiningkami b'a kam na aki kakeaa bonganan temanna i buakoia aika uarereke aikai; b'a I taku nako imi, b'a a aki toki aia anera i karawa n rooroko iroun Tamau are i karawa.

Mareko 14:58

“Ti ongo ana taeka ngke E kangai, ‘N na urua te um'antabu aei, ae karaoaki irouia aomata, ao I a manga katea teuana i nanon tenibong, ae te um'antabu ae aki karaoaki irouia aomata.’ ”

Mareko 16:19

Ngke E tia te Uea are Iesu n taetae nako ia, ao E uotaki rake nako karawa, ao E tekateka i angaatain te Atua.

Ruka 24:51

Ngke E tabe n taetae ni kakab'aiaia, ao E raure ma ngaiia, ao E uotaki nako karawa.

Ioane 16:28

I nako mai mairoun te Tama, ao I roko i aon te aba; ao ngkai, N nang kitana te aba n nakon te Tama.”

Ioane 6:62

Iangoia b'a kaanga tera ae na riki ngkana arona b'a kam nora Natin te Aomata b'a E rierake nakon te tabo are E mena iai ngkoa?

M'akuri 3:21

E riai tikuna i karawa ni karokoa te tai are a bane iai b'aai nako ni kaokaki nakon aroia ngke a moa ni karikaki, n aron are E taekinna te Atua ni wiia burabeti ake ngkoa, ake a tia ni kabane maiuia i bukina.

I-Rom 8:33

Antai ae iai ana taeka ni bukiniia akana rineaki iroun te Atua? Bon te Atua ae kaetiia.

2.I-Korinto 5:1

B'a ti ataia b'a ngkana e uruaki te um'a n rianna ae i aon te aba ae nera ni maeka, ao bon iai te auti mairoun te Atua, ae te nne ni maeka ae aki karaoaki ni baiia aomata, ae te auti ae aki kona n uruaki, are i karawa.

I-Korote 3:2

Kam na iangoi b'ain eta, ao tai iangoi b'ain aon te aba.

Ebera 1:3

Ngaia raneaneani mimitongin te Atua, ao katotongan arona ni koaua; ao E kateimatoai b'aai ni kabane aika karikaki b'a a na waki n aroia n ana taeka ae m'aka. Ngke E a tia ni kaitiaki buure, ao E tekateka i angaatain te Atua are M'aka i eta;

Ebera 12:2

ao ti na tarataraa Iesu are te tia kariki ara onimaki, ao te tia kakoroa; are E taona nanona nakon te kaibangaki, n aki mutiakina kamaamaeana, i bukin te kim'areirei are kamenaki i m'aina; ao E tekateka i angaatain ana kaintokanuea te Atua.

Ebera 4:14

Ma ngaia aei, ngkai iai ara ibonga ae moanibaan te kakannato, are E a tia n ri buakon taiani karawa, are Iesu are Natin te Atua, ao ti na taua are ti a tia n taekinna i bukina.

Ebera 6:20

ike E a tia n rin iai Iesu i bukira, ae te tia ri-moara; ao E riki b'a te Ibonga ae Kakannato n aki toki, n ai aroni Merekitereka.

Ebera 8:2

Bon te tia m'akuri Ngaia n te tabo are moanibaan te tabu are n te um'anrianna ni koaua, are E kateia te Uea, ma tiaki te aomata.

Ebera 8:5

Te m'akuri n ibonga are a karaoia bon ti katotongan ao nun are i karawa. Bon ti te bo ma are riki nakoni Moote. Ngke e nang katea te Um'antabunrianna, ao E kangai te Atua, “Ko na taraia b'a ko na karaoi b'aai ni kabane n ai aron te b'ai ni kakairi are kaotaki nako im i aon te maunga.”

Ebera 9:1

Bon iai tuua n te moa ni boraraoi i bukin te taromauri, ao te tabo naba n taromauri ae b'ain aon te aba.

Ebera 9:23

Ma ngaia ae e riai b'a a na kaitiakaki baike katotoon oi ni b'ai ake i karawa n te aro anne. Ma b'aini karawa a tangiri aaro n angakarea aika raraoi riki nakon aikai.

Ebera 9:9

Ao te ruu aei bon te b'ai ni kabotau i bukin taai aikai. Ao b'aintituaraoi ma karea aika a anga aomata ngkai, a aki kona ni kakororaoa karaoiroani mataniwin nanon te tia taromauri,

1.Betero 3:22

are nako karawa, ao E mena i angaatain te Atua, n tautaeka i aoia anera ma ake iai m'akaia ma aroia n tautaeka.

Te Kaotioti 8:3

Ao e roko te anera temanna, ao e tei i rarikin te baonikarea, ao iai i rouna te baan ae te koora ae te baan i bukini kabuokani karea aika boiarara; ao e anganaki karea aika boiarara aika bati, b'a e na uaia ni kaaki ma aia tataro ake a itiaki ni kabaneia i aon te baonikarea are te koora are i nanoaan te kaintokanuea.