Ebera 9:20 - Te B'aib'ara

²⁰ ao e taku, “Te raraa aei boni kamatoaan te boraraoi ae E a tia te Atua n tua b'a e na karaoaki ma ngkami.”

Ebera 9:20 ပူးပေါင်းရင်းမြစ်များ

Te Otinako 24:8

E anaa raraan te man Moote man taiani boora ao e tatauriia iai aomata. Ao i mwiina, e tuangiia ni kaangai, “E karaoa te boraraoi te UEA n te raraa aei ma ngkami.

Tekaria 9:11

Ngke I karaoa te boraraoi are e tabu ma ngkami, Au aomata, ti kanikinaea n te raraa. Ngkai tabeman maibuakomi bon taenikai n taian kinono aika akea te ran i nanoia, ma N na roko ni kamaiungkami

Mataio 26:28

B'a aei raraau, ae raraan te boraraoi, ae kawawaeaki i bukiia aomata aika bati i bukini kab'aran aia bure.

Te Tua-Kaua 29:12

Kam bane n roko n te tabo n taromauri aei ni kaota nanomi b'a kam na kaawakina tib'angami n te boraraoi ma te UEA ae Atuami.

Ebera 13:20

Ao te Atua, ae mai Rouna te raoi, are kaira rake mai buakoia maate ara Uea are Iesu, are te Tia Kawakin tiibu are kakannato, are e kabonganaki raraana i bukini karaoan te boraraoi are aki toki,

Iotua 9:6

Ao a nako n aia kaemb'a aomatan Iteraera i Kirekara ao a kaangai nakon Iotua ma aomatan Iteraera, “Ti roko man te aba ae raroa kinokino b'a ti na bubuti te boraraoi i bukin te raoi i marenara ma ngkami.”