Ebera 9:15 - Te B'aib'ara

¹⁵ I bukin aei ngkanne, ao Kristo boni Ngaia ae buoka reken te boraraoi ae boou, are a kona iai te koraki ake a weteaki iroun te Atua ni kab'aib'aiaki n te kab'aia ae akea tokina, are E a tia te Atua n taekinna n ana taeka n akoi. E kona ni karaoaki aei i bukina b'a iai te mate are kainaomataia aomata man taiani bure ake a karaoi ngke bon iai te moa ni boraraoi.

Ebera 9:15 ပူးပေါင်းရင်းမြစ်များ

Taian Areru 37:18

E tabeakin aroia akana ongeaba nako Ina te UEA, ao a na abana te aba n aki toki.

Taniera 9:26

Ao n tokin te tai ane onobwi ma uoua te ririki, e na tiringaki ana tia kairiiri te Atua n te aro ae e aki eti. E na kamaunaaki te Tembora ma kaawa iroun ana taanga ni buaka te tia tautaeka ae e korakora. E na roko te toki n ai aron te ieka, ma uotana are te buaka ma te urub'ai are e a tia ni katauraoia te Atua.

Mataio 19:29

Ao ane e a tia ni kitana mwengana, ke tarina, ke m'anena, ke tamana, ke tinana, ke natina, ke abana i buku, ao e na karekei kaka tebubua riki m'aitini baike e a tia ni kitan, ao e na reke i rouna te maiu are aki toki.

Mataio 22:3

E kanakoia ana toro b'a a na weteia aomata ake a kaoaki nakon te baka, ma a aki kan roko.

Mataio 25:34

Ao ane E na kangai te Uea nakoia ake i angaataina, “Nako mai ngkami akana kam kakab'aiaki iroun Tamau; kam na b'aina Uean te Atua are a tia ni katauraoaki i bukimi mani moani karikan aonnaba:

Mataio 25:36

akea kunnikaiu, ao kam karekea kunnikaiu; I aoraki, ao kam kawarai; I mena i nanon te karabuuti, ao kam kawarai.”

Mareko 10:17

Ngke E a manga moana m'anangana Iesu, ao e biri nako Ina te mm'ane temanna; e katorobubua i matan Iesu ao e titirakinna ni kangai, “Te Tia Reirei ae raoiroi, tera ae I riai ni karaoia b'a e aonga n reke i Rou iai te maiu are aki toki?”

Ruka 18:18

Ao E titirakina Iesu temanna te tia tau-taeka, ni kangai, “Te Tia Reirei ae Ko raoiroi, tera te b'ai ae I riai ni karaoia b'a e aonga n reke i rou te maiu are aki toki iai?”

Ruka 22:20

Ao E anaa naba te m'angko i mwin te am'arake ao E karaoa naba are E karaoia ngke E anaa te berena, ao i mwina E kangai, “Te m'angko aei te boraraoi ae boou i nanon raraau, ae kawawaeaki i bukimi.

Ioane 10:28

I angania te maiu are aki toki, ao a na bon aki mate; ao akea ae kona ni buribaiia mairou.

M'akuri 20:32

Ao I anga ngkami ngkai nakon te Atua, ao nakon naba ana taeka n akoi, are kona ni kateimatoaingkami ma n anganingkami te kab'aia are E kawakinna i bukiia ake a kaitiakaki ni kabaneia.

I-Rom 5:10

B'a ngke bon ana kairiribai te Atua ngaira, ao ti raoiakinaki ma te Atua ni maten Natina; ao ai batiraa riki ngkai arora ni kamaiuaki ni maiura, ngkai ti a tia n raoiakinaki!

I-Rom 5:6

B'a ngke ai bon akea te bae ti konaa, ao E mate Kristo n taina are baireaki i bukira ao i bukiia naba akana buakaka.

I-Rom 5:8

Ma te Atua, E kaota oin ana tangira nako ira n aei: b'a ngke bon taani bure ngaira, ao E mate Kristo i bukira.

I-Rom 6:23

B'a boon te bure te mate; ma ana b'ai n tituaraoi te Atua te maiu are aki toki i nanoni Kristo Iesu are ara UEA.

I-Rom 8:28

Ao ti ataia b'a ni b'aai ni kabane, ao E m'am'akuri te Atua i bukin te raoiroi ao i bukiia te koraki ake a tangiria ake E a tia ni weteia nakon ana kaantaninga.

I-Rom 8:30

Ao E weteia naba ake E a kamani baireia; ao ake E weteia E kaeti naba aroia n reitaki ma Ngaia; ao ake E kaeti aroia n reitaki ma Ngaia, E neboia naba.

I-Rom 9:24

B'a I-Iutaia ngaira ke tiaki, ma boni ngaira te koraki ake a weteaki;

2.I-Korinto 3:6

are karaoira b'a taani beku aika iai aia kona i bukin te boraraoi ae boou, are kanoana tiaki te b'ai ae koreaki, ma te Tamnei; b'a e tiritiri te b'ai ae koreaki, ma E kakamaiu te Tamnei.

I-Karatia 3:20

Ma e aki kainanoaki te tia itoman ngkana ti temanna te aomata ae na tabe ma ngaia; ao te Atua bon ti temanna.

I-Ebeto 1:7

are ti karekea te kainaomataaki i rouna n raraana are nanona b'a a kab'araki ara bure. Ai m'aitira ana akoi,

2.I-Tetaronike 2:14

E weteingkami nakon aei te Atua n te euangkerio are ti taekinna, b'a kam aonga ni buokanib'ai ma ara Uea are Iesu Kristo n neboakina.

1.Timoteo 2:5

B'a ti temanna te Atua, ao ti temanna naba te tia raoi i marenan te Atua ma aomata, b'a te aomata are Kristo Iesu,

2.Timoteo 2:10

Ma ngaia ae I taona nanou nakoni b'aai ni kabane i bukiia ake a rineaki, b'a a aonga naba ni karekea te kamaiuaki ma te neboaki ae aki toki mairouni Kristo Iesu.

Tito 1:2

i bukini kaantaningaan te maiu are aki toki, are E taku te Atua ngke a tuai ni karikaki b'aai, b'a E na angania aomata; ao bon te Atua Ngaia ae aki kona ni kewe,

Tito 3:7

b'a a aonga n reke reitakira ma te Atua n ana akoi, ao e na reke b'a ara b'ai te maiu are aki toki are ti kaantaningaia.

Ebera 10:34

B'a kam uaia ni maraki ma ake a kabureaki, ao ngke kam kurib'aiaki ao kam kataua ma te kukurei, ngkai kam ataia b'a bon iai ami b'ai aika raraoi riki aika aki mauna i karawa.

Ebera 10:36

E riai b'a kam na nanom'aka, b'a kam aonga ni karaoa nanon te Atua ao e na reke i roumi iai te baere e taekinaki n te taeka n akoi.

Ebera 11:13

A bane ni mate i nanon te onimaki Aberaam, Itaaka ao Iakob'a ngke a tuai n reke i rouia baike a atongaki n taeka n akoi akekei; ma a nori mai kiraroa, ao a kukurei iai, ao a taku b'a bon I-anena ngaiia ao aomata aika maeka n iruwa i aon te aba.

Ebera 12:24

Ao kam kaania Iesu, are Ngaia ae e reke mai Rouna te boraraoi ae boou, n raraana are katimtim'aki, are kaota te bae raoiroi riki nakon are e taekinna Abera.

Ebera 13:20

Ao te Atua, ae mai Rouna te raoi, are kaira rake mai buakoia maate ara Uea are Iesu, are te Tia Kawakin tiibu are kakannato, are e kabonganaki raraana i bukini karaoan te boraraoi are aki toki,

Ebera 2:14

Ma ngaia ae ngkai a buokanib'ai ataei n te raraa ma te iriko, ao Iesu E buokanib'ai naba ma ngaiia ni baikai, b'a e aonga n riki matena b'a kataean ana kai teuare iai m'aakana i aon te mate, ao teuaei bon te riaboro;

Ebera 3:1

Ma ngaia aei, taari aika kam itiaki, aika raou ni weteaki mai karawa, kam na iangoa te Tia Tuatua are Iesu, are Mataniwiia ibonga n te onimaki ae ti tataekinna.

Ebera 6:13

Ngke e anganaki Aberaam te taeka n akoi iroun te Atua, ao E tuea i bon i Rouna, ngke akea riki temanna ae kakannato riki nako Ina are E kona ni kamanena arana ngkana E tuea;

Ebera 6:15

Ao i bukin aron Aberaam n taotaona nanona, ao e a reke i rouna mwin te taeka n akoi arei.

Ebera 7:22

Ao e riki naba iai Iesu b'a kakoauan te boraraoi ae raoiroi riki.

Ebera 8:13

Ngkae E kangai, Te boraraoi ae boou; ao nanona b'a te Atua E a tia ni karaoa te moa ni boraraoi b'a te b'ai nikawai; ao te b'ai ae e a b'ai nikawai ma ni mane e waekoa ni mauna.

Ebera 9:12

ao E rin n te tabo are moanibaan te tabu ti teuana te tai ao akea riki, ao E aki uoti raraaia kooti ma buniia kaao, ma E uota oin raraana ao E karekea kamaiuara ae aki totoki.

Ebera 9:16

B'a ike e mena iai te kabureb'ai, ao e bon riai ni kakoauaki b'a te aomata are karaoa te kabureb'ai e a bon tia ni mate;

Ebera 9:28

ao ai aron naba Kristo: b'a ti teuana te tai are E riki iai b'a te karea Ngaia ni kamaunai aia bure aomata aika bati. E na kaoti te kaua tai nakoia ake a kaantaningaia i bukini kamaiuaia, ma E na aki katabea n te bure.

Iakobo 1:12

E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

1.Betero 3:18

B'a e mate Kristo i bukini buure ti te taina ao akea riki, te aomata ae e raoiroi i bukiia aika buakaka, b'a E aonga ni kairingkami nakon te Atua. E boni kamateaki n te aro n rab'ata, ma E kamaiuaki n te aro n tamnei;

1.Betero 5:10

Ao te Atua are mai Rouna te akoi ni kabane, ae weteingkami nakon neboakina ae aki toki ngkai kam reitaki ma Kristo, E na karaoingkami b'a a na nako raoi aromi i mwini marakimi n te tai ae aki maan, ao E na kateimatoaingkami ma ni kakorakoraingkami ma ni kamatoatoaingkami

1.Ioane 2:25

Ao aio te taeka n akoi are E tuangiira: b'a ti na maiu n aki toki.

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,