Ebera 8:9 - Te B'aib'ara

⁹ E na aki ti te bo ma te boraraoi are I karaoia ma aia bakatibu n te bong are I tauu baiia iai ni kaotinakoia man te aba are Aikubita. I bukina ngke a aki kakaonimaki nakon au boraraoi, ai ngaia anne are I aki mutiakiniia iai, bon ana taeka te Uea.

Ebera 8:9 ပူးပေါင်းရင်းမြစ်များ

Karikani B'aai 19:16

Ma e n taninganinga Roota, ao E nanoangaia te UEA, ma ngaia are a taua baina anera akekei ma buuna ma natina aine ake uoman, ao a kanakoa man te kaawa are buubura arei.

Iobi 8:20

Ma e na bon aki kitana te aomata ae kakaonimaki te Atua, ke ni buoka te aomata ae buakaka.

Taian Areru 105:43

Ma ngaia are ngke E kairiia nako ana Aomata, Ao a anene n takaakaa ni kim'areirei.

Taian Areru 77:20

Ko kairiia am Botannaomata irouni Moote ma Aaron, kanga ai aron te tia kawakin-tiibu ngkana e kaira te nanai n tiibu.

Taian Areru 78:57

A rawa ni kan aan-taeka ao a aki kakaonimaki n ai aroia aia bakatibu. Akea onimakinaia.

Te Otinako 32:8

A tia ni kaman katoka ongotaekaia i Rou: a tia ni karaoa aia bouannanti ae bannan te kao te ataei. A bobaraaki nako ina, ao a angakarea nako ina, ao a taku b'a te anti arei are e kaotinakoia mai Aikubita.

Te Otinako 34:10

E taku te UEA: I berita b'a N na karaoa te kakai i bukimi ae kam tuai man noonoria n taabo tabeua n te aonnaba aei. A na tei ni maaku botannaomata aika i rarikira ma n ataia b'a bon Ngai ae I karaoi b'aai aika kakai aikai.

Ana Anene Toromon 8:5

Antai te ateiaine aei ae e roko man te rereua man raraa angan teuare e tangiria? I kakiriwea am tangira i aan te kai ae te aboro ike ko bungiaki iai.

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Itaia 41:13

Bon Ngai te UEA ae te Atua. I tautaua baim, ma ngaia are, ko na aki maaku. I roko ikai b'a N na buokiko.

Itaia 51:18

Bon akea temanna mai buakoia natim aika a bati ae e mena ikekei ni kairiko n anganiko ana i buobuoki.

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Ieremia 31:32

E na bon kaokoro ma te boraraoi are I karaoia ngkoa ma ami bakatibu ngke I kaotinako ia mai Aikubita. E ngae ngke Atuaia Ngai, ma a bon urua naba te boraraoi anne.

B'aeb'aeti 4:16

Akea riki manga taben nanon te UEA irouia; E a bon kamaenakoia. E a aki kubariia ara ibonga ma ara taan kairiiri.

Etekiera 16:59

Ierutarem, ko bon riai ni katuaaeaki, b'a ko urua am berita ao ko kaaki taekan ara boraraoi.

Etekiera 16:8

Ngke I a manga nooriko riki, ao ko a bon tau nakon te iein. Ma ngaia are, I a rabuniko n niiniirau. Ao i mwiin anne, I karaoa au berita ae e matoa b'a bon au b'ai ngkoe ao Ngai ae te UEA ae te Atua N na kaawakiniko.

Amota 5:22

Ngkana kam uoti nako iu ami karea ni kabuokaki ma ami karea ni uita, N na bon aki butim'aai; N na bon aki naba butim'aai ami man aika kamarikaaki b'a ami karea nako iu.

Maraki 2:13

Ao tera riki baika kam karaoi? Kam tang ni karongoa ao kam kaiekaa ana baonikarea te UEA n ranin matami, i bukina ngkai E aki kukurei iroumi n ami angab'ai ao e aki kan butim'aai.

Mareko 8:23

E taua bain teuare mataki, ao E kairia nako tinanikun te kawa; ngke E tia Iesu ni bawarei matan teuarei, ao E katokai baina i aona, ao E titirakinna ni kangai, “Iai te b'ai ae ko noria?”

M'akuri 13:11

Ao noria, e na roko ngkai m'aakan te UEA i aom, ao ane ko na matakii n aki kona n nora taai tabe bong.” Ao a karooaki matan Eruma n te tai naba arei, ao e nakonako ni kakaeia aomata aika na tautaua baina ni kairiria.

M'akuri 7:36

E kairiia Mote ni kaotinakoia, ngke e tia ni karaoi m'akuri aika kamimii ma kanikina n te aba are Aikubita, ao n te Nama are Uraura, ao n te rereua angaun te ririki.

M'akuri 9:8

Ao e teirake Tauro mai aontano; ma ngke e kaure matana, ao akea te b'ai teuana ae e noria; ao a tautaua baina ni kairiia nako Tamateko.

I-Karatia 4:24

Taetae ni kabotau baikai, b'a a boraraoi aika uoua nakekei: neiere bungiia natina b'a te toro bon Nei Aka, ao e tei i bukin te boraraoi are karaoaki n te maunga are Tinai.

Te Tua-Kaua 29:1

Ma ngaia are, e a kabanea ana taetae Moote i bukin tuangakiia aomata te b'ai ae a riai ni karaoia i bukin kaawakinan te boraraoi ma te UEA are E karaoia nakoia i Moaaba, are bon raon are E a tia ni karaoia te UEA n te Maunga are Tinai.

Te Tua-Kaua 29:12

Kam bane n roko n te tabo n taromauri aei ni kaota nanomi b'a kam na kaawakina tib'angami n te boraraoi ma te UEA ae Atuami.

Te Tua-Kaua 29:25

Ao a na anganaki te kaeka ae kaangai: A tataromauria te UEA ara bakatibu ngkoa, ma i mwiina, ngke E a tia te UEA ni kaotinakoia mai Aikubita ma ni karaoa te boraraoi ma ngaiia, ao a manga aki ira nanon te boraraoi