Ebera 6:19 - Te B'aib'ara

¹⁹ Ao iai i roura te kaantaninga ae ti taua b'a kanga atinroni maiura, ae te atinro ae matoatoa ae nene, are rin i nanon te ruu are moan te tabu are i akuun te roki are te kunnikai i nanon te um'antabu i karawa,

Ebera 6:19 ပူးပေါင်းရင်းမြစ်များ

Taian Areru 39:7

Te Uea, tera ae I kantaningaia? E mena au kaantaninga iroum.

Taian Areru 42:11

E aera ngkae e rawaawata nanou? I aera ngkai I aki rau? N na kaantaninga te Atua, ao N na manga neboia: B'a bon au tia kamaiu ao Atuau.

Taian Areru 42:5

E aera ngkae e rawaawata nanou? E aera ngkai I aki rau? N na kaantaninga te Atua, Ao N na manga neboia: B'a bon au tia kamaiu ao Atuau.

Taian Areru 43:5

E aera ngkae e rawaawata nanou? E aera ngkai I aki rau? N na kaantaninga te Atua, ao N na manga neboia, b'a bon au tia kamaiu ao Atuau.

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

Itaia 28:16

Ma ngaia are, E taku te UEA, “I kawenea te aana ae matoatoa i bukin te kaawa are Tion. E kakoauaaki b'a e onimakinaki raoi atiibun te koona ae e kakaawaki; akea temanna ae e onimakinna e na manga b'ara nanona.

Nakoaia Ibonga 16:15

I mwiin anne, e na tiringa te kooti i bukin kab'araan aia bure aomata, ao e na uota raraana nakon te Tabo are Moan te Tabu, ao e na taataauria aon matan te Atiniberita, ao i mwiina, nanoaan te Atiniberita, n aron are e karaoia naba ma raraan te kaom'aane.

Nakoaia Ibonga 16:2

E taku te UEA, “Tuanga tarim are Aaron b'a e na aki rin i nanon te Tabo are Moan te Tabu n te tai n aki akaaka, i bukina b'a anne te tabo are I kaoti iai n te nang i aon matan te Atiniberita. Ngkana e aki ongotaeka ao e na tiringaki.

Tekaria 9:12

ma n anganingkami te kaantaninga. Okira ami nono, b'a N na anganingkami kaniwangami uoua okiokin ami b'ai akana a tia n reke iroumi.

Mataio 27:51

Ao noria, e raeuaki nakoni m'akoro aika uoua te kunnikai are rokin te ruu are tabu n te um'antabu, mai eta nako nano; ao e m'aeiei aon te aba, ao a tabwenaua taiani b'a;

M'akuri 23:6

Ngke e ataia B'auro b'a Tarukaio tem'angina, ao B'aritaio tem'angina, ao e kanenea ngkanne b'anaana i mataia kaain te Tanirim, ni kaangai, “Mm'aane, taari, bon te B'aritaio ngai, ae natiia B'aritaio. E kabowiaki taekau ikai i bukin te kaantaninga ae i rou ae a na manga uti maate!”

M'akuri 27:29

A maka koron te kaibuke i aon rakai, ma ngaia are a kab'aka aua te atinro mai bukin te kaibuke, ao a bareka rokon te ngaina.

M'akuri 27:40

Ma ngaia are, a kab'arai mwin atinro ni katiku i tari, ao a kab'arai naba kabaeani bweena; ao a irakea iena ake mai moa nakon te ang, ao a ie rake.

I-Rom 4:16

Ma ngaia ae iai te taeka n akoi i bukin te onimaki, b'a e na kaotaki aron te taeka n akoi aei b'a bon ana b'ai n tituaraoi te Atua, ao e na teimatoa arona i bukiia ana kariki Aberaam ni kabaneia; tiaki ti nakoia ake a ongeaba nakon te tua, ma nakoia naba ake a onimaki n ai aron Aberaam:

I-Rom 4:18

E teimatoa n onimaki Aberaam e ngae ngke akea bukin ana kaantaninga, b'a e na riki b'a tamaia botannaomata aika bati, n ai aron are atongaki ni kaangai: “Ai aron naba m'aitiia am kariki taian itoi.”

I-Rom 5:4

ao taotaonan te nano boni ngaia ae kaotira b'a ti tokanikai i aon te kataaki, ao te kataaki e karika te kaantaninga;

1.I-Korinto 13:13

Ma ngkai a tiku n teimatoa baika tenua aikai, ae te onimaki, ma te kaantaninga, ma te tangira, ma e kakannato riki te tangira i buakoia.

1.I-Korinto 15:58

Ma ngaia aei, tariu, aika kam tangiraki, kam na teimatoa, ao kam na aki toki ni kakaraoi ana m'akuri te UEA, ngkai kam ataia b'a a aki matebuaka ami m'akuri i bukin te UEA.

I-Ebeto 2:6

ao ngkai ti katiteuanaki ma Kristo Iesu, ao E a manga kamaiura ma Ngaia man te mate ao E katekatekaira ma Ngaia i karawa,

I-Korote 1:27

E karaoa aei te Atua b'a E tangiringkami aika tiaki I-Iutaia b'a kam na ata te baere raba ae kamimii ae mimitong; ao te bae raba aei boni Kristo i nanomi, are Ngaia ami kaantaninga b'a e na reke neboami.

I-Korote 3:1

Ma ngaia ae ngkai kam a manga uaia ni maiu ma Kristo man te mate, ao kam na ukoukori b'ain eta, ike E mena iai Kristo n tekateka i angaatain te Atua.

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

Ebera 4:16

Ma ngaia ae ti na tai maaku ni kaania ana kaintokanuea te Atua are e akoaki te aba iai, b'a ti aonga n anganaki te nanoangaki, ao ti aonga ni karekea te akoaki ngkana a kai nanora.

Ebera 9:3

Ao i akuun te roki are te kauoua bon te ruu ae aranaki b'a te tabo ae moanibaan te tabu;

Ebera 9:7

ma ti te ibonga ae kakannato ae rin nako n te tabo are moanibaan te tabu; ao ti teuana ana tai ni karaoa aei n teuana te ririki, ao uotana ni katoa tai te raraa ae e na anga bon i bukina, ao i bukin naba aia bure aomata.

1.Betero 1:3

E na karaoiroaki te Atua ae Taman ara Uea are Iesu Kristo, b'a man ana nanoanga ae bati ao ti a anganaki te maiu ae boou ma te kaantaninga ae nene ni manga-utin Iesu Kristo man te mate;