Ebera 6:13 - Te B'aib'ara

¹³ Ngke e anganaki Aberaam te taeka n akoi iroun te Atua, ao E tuea i bon i Rouna, ngke akea riki temanna ae kakannato riki nako Ina are E kona ni kamanena arana ngkana E tuea;

Ebera 6:13 ပူးပေါင်းရင်းမြစ်များ

1.Rongorongo 16:16

E a tia ni karaoa ana berita ae akea tokina te Atua

Te Otinako 32:13

Uringa te berita are matoa are ko karaoia ngkoa ma Aberaam, Itaaka, ao Iakob'a. Ko berita b'a n te bong teuana a na m'aiti aia kariki kaanga itoin karawa ao Ko na anganiia abaia.

Itaia 45:23

I a tia ni karaoa te berita ae e matoa, ae akea temanna ae e konaa n urua; A na bane ni boobaraaki aomata ni kabane ma n taromauriai.

Ieremia 22:5

Ma ngkana kam aki katinanikuai, ao I berita ni bon arau b'a e na wene n uruaki te bareti aei.

Ieremia 44:26

Kaawakin taiani berita aikai! Ma N na ti tuangkami te b'ai ae e na riki. Ngkai bon te UEA Ngai ae te Atua, I tuea b'a N na aki manga butim'aai ami berita ake kam karaoi n arau.

Ieremia 49:13

Boni Ngai ae te UEA ae I tuea ni bon arau b'a oin ami kaawa ae Botira ao ami kaawa ni kabane a na bane n karawaawataaki ni katauakiia ae e kakamaaku. A na wene n uruaki n aki totoki, ao aomata ana kabongana te ara ae “Botira” b'a te taeka ni kamaraia

Etekiera 32:13

N na tiring ami nanai ni kao aika a am'arake i rarikin te karaanga, ao bon akea te aomata ke taian man aika a na tiku ni kamantoaa ranna.

Mika 7:20

Ko na kaota Am kakaonimaki ao Am tangira ae e teimatoa nakoia Am aomata, aika kanoaia Aberaam ao Iakob'a, n ai aron are Ko berita iai ngkoa nakoia ara bakatibu.

Ruka 1:73

Are te taeka ni bau nakon tamara are Aberaam,

I-Karatia 3:15

Taari, N na taekina te b'ai ni kakairi man te bae e nonoraki irouia aomata: bon akea temanna ae kona n urua ke ni karakaa riki taekan aia boraraoi aomata aika uoman, ngkana a tia ni karaoia.

I-Karatia 3:18

B'a ngkana e reke te kakab'aiaki n te Tua, ao nanona ngkanne b'a e aki reke n te taeka n akoi; ma te Atua E angan Aberaam i bukin ana taeka n akoi.

Te Tua-Kaua 1:8

I anganingkami ngkai te aba aei n aron are I a tia ni berita iai nakoia ami bakatibu ake Aberaam, Itaaka, ao Iakob'a. Kam na nako ngkai n taua te aba.’ ”