Ebera 13:4 - Te B'aib'ara

⁴ E na karineaki te mare irouia aomata ni kabaneia, ao a na aki urua aroia ni maiu n taanga te mm'aane ma buuna; b'a te Atua E na motiki taekaia ni kabuakakaia taani wene ni bure ma ainenum'a ke mm'aanenum'a ao taani wene ni bure ma ake akea buia.

Ebera 13:4 ပူးပေါင်းရင်းမြစ်များ

Karikani B'aai 2:21

Ao te UEA ae te Atua, E karokoa te matu ae korakora i aon te mm'aane, ao ngke e a kironako ni matu, ao e anaa riin kaokaona teaina, ao E a manga bonota mwiina.

Karikani B'aai 2:24

Ao aei bukina are e kitana iai tamana ma tinana te mm'aane n nim ma buuna, ao a riki n ti teuana.

2.Uea 22:14

Ao a nako m'aane ake niiman akekei n taetae ma Nei Ureta are te burabeti. Buun Nei Ureta bon Tiarum are natin Tikewa, are te tia tararuai ana kunnikai te uea. E maeka Nei Ureta ni m'akoron Ierutarem are mai meang, ao ngke a kaaitibo ni mwengana

Iobi 31:12

E na bon riki b'a te ai ae kamamate nako Iu are e na kabuokai ma au b'ai ni kabane.

Itaia 8:3

I mwiin tabeua te tai, ao e a reke natira te m'aane mai roun buu, ao e taku te UEA, “Aranna b'a Mae-Tara-Ati-Bati.

Nakoaia Ibonga 15:18

Ngkana a wenenibure te m'aane ao te aine, ao a na tebotebo i mwiina, ma a na tiku ni kam'araa ni karokoa te tairiki.

Nakoaia Ibonga 18:20

Ko na tai iein ma te aine ae buun te m'aane temanna; ko na riki n aki itiaki iai.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

1.I-Korinto 5:13

Ma te Atua E na motiki taekaia akana tiaki kaain te ekaretia. Kam na kam'awa te aomata ae buakaka mai buakomi.

1.I-Korinto 6:18

Kam na biri nako man te wene ni bure. Buure nako aika e karaoi te aomata a mena i tinanikun te rab'ata; ma ane wene ni bure ao e bure nakon oin rab'atana.

1.I-Korinto 6:9

Kam ataiia aomata aika buakaka b'a e aki reke i rouia uean te Atua? Kam na tai kababaingkami; e aki reke uean te Atua irouia taani wene ni bure, ma taan taromauri bouannanti, ma aomata aika aki kakaonimaki nakon aia berita ni mare, ma mm'aane aika baka ni kan aine, ma mm'aane aika bure ma mm'aane,

1.I-Korinto 7:38

Ma ngaia aei, b'a ane mare ma ana kabae, ao e karaoa ae raoiroi; ma ane aki mare ma ana kabae, ao e karaoa ae raoiroi riki.

1.I-Korinto 9:5

Akea ara riai b'a ti na kaiririia buura aika Kiritian, n ai aroia taan tuatua ake tabem'aang, ma tarin nako te UEA, ma Keeb'a?

2.I-Korinto 5:10

B'a ti na boni bane ni kateaki i matan ana kaintoka ni motikitaeka Kristo, b'a e aonga n anganaki temanna ma temanna booni mwin ana m'akuri ni kabane ake e a tia ni karaoi n rab'atana, aika baika raraoi ke a bubuaka.

I-Karatia 5:19

A bon ataaki ana m'akuri nako te rab'ata, b'a te wene ni bure, te kammaira, te kaitataan,

I-Karatia 5:21

taiani bakantang, te momooi manging, taiani bobotaki ni kukurei ni kammaira, ma baika ai aroni baikai; ao I a manga tuangngkami ngkai, n ai arou naba ngke I tuangngkami ngkoa, b'a a aki kona ni karekea uean te Atua akana karaoi baikai.

I-Ebeto 5:5

B'a kam bon ata aei, b'a akea te aomata ae te tia wene ni bure, ma te tia kammaira, ma te tia mataai ni kanib'aib'ai ae te tia taromauri bouananti, ae na karekea Ueani Kristo ma te Atua.

Te Tua-Kaua 22:22

Kaain Iteraera, ngkana e reke te m'aane temanna ni wenenibure ma buun temanna, ao kam na tiringiia ni kauoman. B'a ngkana kam karaoa anne, ao kam bon kamaunanakoa iai te m'akuri ae buakaka ae a tia ni karaoia i nanon Iteraera.

1.I-Tetaronike 4:6

E na aki bure temanna nakon raona ke ni babakanikawaia ni baika kaeti ma aron te mm'aane nakon te aine b'a te Uea boni Ngaia te tia kareke-kai i bukini baikai ni kabane, n ai aron are ti tuangngkami rimoa, ma ni kaotiotia naba.

1.Timoteo 3:12

A riai ni kaka temanna buia taani buobuoki ao a na rabakau n tauu aroia natiia ma oin aia utu n te aro ae riai.

1.Timoteo 3:2

E riai iroun te mataniwi n te ekaretia b'a a na akea arona ae na kabuakakaki iai; e riai n ti temanna buna, e na taua baangina, e na b'aina te nanowanawana, e na rabakau te aroaro, e na akoia iruwa, ao e na rabakau n reireiia aomata;

1.Timoteo 3:4

E na riai n rabakau n tau aroia oin ana utu n te aro ae riai, ao e riai n taraia natina b'a a na aan taeka ma te aro ni karinerine n aaro nako.

1.Timoteo 4:3

a tuangiia aomata b'a a na tai iein, ao a na tai kang am'arake nako, aika E kariki te Atua b'a a na kakanaki ma te katituaraoi irouia aika onimaki ma n ata te koaua.

1.Timoteo 5:14

Ma ngaia ae I tangiriia riki ateiaine aika a mate buia b'a a na iein, a na karikiia natiia, a na tararuaia aia utu, ao a na aki karekea te anga are e na kabuakakaira iai te kairiribai;

Tito 1:6

Te unimm'aane e riai n te aomata ae akea kabuakakaana; e na ti temanna buuna ao taan onimaki natina aika akea i rouia te maiu buaka ke te maiu n aki ongeaba.

Ebera 12:16

E na aki riki temanna b'a te tia wene ni bure, ke te tia kam'araai baika tabu aika ana b'ai te Atua, n ai aron Etau are anga nako baika kakawaki n reitaki ma arona ni karimoa i bukin te am'arake ae ti teuana taina ni kanaki.

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.