Ebera 13:24 - Te B'aib'ara

²⁴ Kam na anga au kamauri nakoia ami taani kairiri ma ake a itiaki ni kabaneia. A kamauringkami taari aika I-Itare.

Ebera 13:24 ပူးပေါင်းရင်းမြစ်များ

M'akuri 18:2

e kaitibo iai ma te I-Iutaia ae arana Akura ae bungiaki i Bonto, ae e a tib'a roko mai Itare, ma Beritikira are buna, i mwin ana taeka Keraurio nakoia I-Iutaia ni kabaneia b'a a na kitana Rom. E nako ni kawariia B'auro,

M'akuri 27:1

Ngke e a tia te baire b'a ti na borau nako Itare, ao a anga B'auro ma buure tem'angina nakon aia mataniwi tautia ae Iurio arana, ae mataniwiia te taanga ni buaka ae tebubua kaaina ae ana taanga ni buaka Aukitito.

M'akuri 9:13

Ao e kaeka Anania ni kaangai, “Te UEA, I ongo taekan teuaei irouia aomata aika bati, b'a e karaoi m'akuri aika bubuaka aika bati nakoia am aomata ake a itiaki ake i Ierutarem;

1.I-Korinto 16:16

kam na karineia n iri nanoia te koraki akana ai aroia nakanne, ma aomata nako akana buobuoka te m'akuri, ao akana m'am'akuri.

2.I-Korinto 1:1

Mairouni B'auro, ae ana tia tuatua Kristo Iesu n nanon te Atua, ao mairoun Timoteo ae tarira, nakon ana ekaretia te Atua i Korinto, ao nakoia ake a itiaki ni kabaneia ake a mena i Akaia ni kabuta.

2.I-Korinto 13:13

A bane ni kamauringkami Kristian aikai.

I-Biribi 1:1

Mairouni B'auro ma Timoteo, aika ana toro Kristo Iesu, nakoia ake a itiaki ni kabaneia, ake a nim ma Kristo Iesu, ake a mena i Biribi; ao nakoia naba ake mataniwi ma taani buobuoki:

I-Biribi 4:22

A bane ni kamauringkami ake a itiaki, ma ai moara riki te koraki ake kaaini mwengani kautun te tautaeka i Rom.

I-Korote 1:2

nakoia ake a itiaki i Korote, ake taari aika kakaonimaki n aroia n irira Kristo:

Biremon 1:5

ngkai I ongo taekan am tangira nakoia ake a itiaki ni kabaneia, ma onimakinan te Uea are Iesu i roum.

Ebera 13:17

Kam na ongeaba nakoia ami taani kairiri, ao kam na aan taeka i rouia: b'a a tantani n aki motirawa i bukini kawakinani maiumi, ngkai a nang taekin aroia ni m'akuri. Ngkana kam ongeaba i rouia ma n iri nanoia, ao a na karaoa aia m'akuri ma te kim'areirei; ma ngkana kam aki, ao a na karaoa aia m'akuri ma te rawawata n nano, ao anne bon akea buokami iai.

Ebera 13:7

Kam na ururingiia ami taani kairiri ngkoa, ake a tataekina ana taeka te Atua nako imi; kam na taratarai aroia ni maiuia ma mateia, ao kam na kakairi n aia onimaki.