Ebera 13:20 - Te B'aib'ara

²⁰ Ao te Atua, ae mai Rouna te raoi, are kaira rake mai buakoia maate ara Uea are Iesu, are te Tia Kawakin tiibu are kakannato, are e kabonganaki raraana i bukini karaoan te boraraoi are aki toki,

Ebera 13:20 ပူးပေါင်းရင်းမြစ်များ

2.Tamuera 23:5

I a tia n tautaeka n te aro aei, ao E na bon aki kona n urua Ana berita nako iu. E a tab'anin raoi ana berita te Atua ao E aki konaa ni manga bitaki; E na bon teimatoa ni buokai ma n anganai te b'ai ae I kantaningaia.

1.Rongorongo 16:17

nakon Aberaam, Itaaka, ao Iakob'a

2.Rongorongo 30:12

Ao te Atua e karaoia aomata ni kabane i Iuta b'a a na rangi ni kan karaoi b'aai ake a tuangaki irouia Etekia ma ana mataniwi.

Taian Areru 23:1

Bon te UEA te tia kaawakinai ngkai kanga te tiibu ngai. E na aki kai nanou n te b'ai teuana

Taian Areru 80:1

Katanimaia taningam, Ngkoe ae te tia kawakinia Iteraera b'a kanga tiibu ngaiia; Ko na ongo iroura, Ngkoe ae te tia kaiririia am nanai n tiibu. Ngkoe ae Ko tekateka i aon am Kaintokanuea are i aoia kerubim,

Te Otinako 24:8

E anaa raraan te man Moote man taiani boora ao e tatauriia iai aomata. Ao i mwiina, e tuangiia ni kaangai, “E karaoa te boraraoi te UEA n te raraa aei ma ngkami.

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Itaia 55:3

Kakauongo raoi! Nakomai nako iu ao ko na maiu. N na berita nakoim i bukin te tangira ae akea tokina ao te kakaonimaki n aron are I berita iai naba nakon Tawita.

Itaia 61:8

I tangira te motikitaeka ae eti Ngai ae te UEA! Ma I ririibaa te kimoa ao te motibuaka. au Aomata, I kamatoa au berita nakoimi b'a N na anganingkami kaniwangami te boraraoi ae akea tokina.

Itaia 63:11

Ma ana aomata a uringa te b'ai are e riki ngkoa n ana tai Moote E bon aki uotiia ngkoa te UEA ma aia taani kairiiri nako ma ni kaawakiniia raoi i nanon taari? E bon aki anganiia ngkoa Tamneina ae e Raoiroi?

Ieremia 32:40

N na karaoa te boraraoi ma ngaiia ae akea tokina, N na aki manga kerikaaki man karaoan ae e raoiroi nako ia; ao N na karina maakaku inanoia, b'a aonga n aki rairaki nako mairou.

Etekiera 34:23

I mwiin anne, N na karekea ami tia kaawakin tiibu man te utu are ana toro te Uea are Tawita. A na kaai n reke ami tia kaawakin tiibu ae ti temanna ngkami aika kam korakora ma aika kam mamaara, ao e na kaawakiningkami raoi.

Etekiera 37:24

E na uea i aoia temanna ae e nako mairoun Au toro are Tawita. A na bane n ikotaki i aan temanna te tia tautaeka ao a na ongotaeka nakon au Tua nako.

Etekiera 37:26

I berita raoi b'a N na kakab'aiaia Iteraera n te rau ae akea tokina. N na kakawakiniia ma ni karikiia b'a te botannaomata ae e korakora. E na tei au Tembora i aon Iteraera n taai nako,

Tekaria 9:11

Ngke I karaoa te boraraoi are e tabu ma ngkami, Au aomata, ti kanikinaea n te raraa. Ngkai tabeman maibuakomi bon taenikai n taian kinono aika akea te ran i nanoia, ma N na roko ni kamaiungkami

Mataio 26:28

B'a aei raraau, ae raraan te boraraoi, ae kawawaeaki i bukiia aomata aika bati i bukini kab'aran aia bure.

Mareko 14:24

Ao E taku nako ia, “Raraau te baei, ae raraan te boraraoi, ae kawawaeaki i bukiia aika bati.

Ruka 22:20

Ao E anaa naba te m'angko i mwin te am'arake ao E karaoa naba are E karaoia ngke E anaa te berena, ao i mwina E kangai, “Te m'angko aei te boraraoi ae boou i nanon raraau, ae kawawaeaki i bukimi.

Ioane 10:11

Ngai te tia kawakin tiibu ae e raoiroi. E anga maiuna te tia kawakin tiibu ae e raoiroi i bukiia tiibu.

Ioane 10:14

Ngai te tia kawakin tiibu ae e raoiroi; ao I ataiia au tiibu, ao a atai au tiibu,

M'akuri 13:30

Ma E a manga kamaiuaki mai buakoia maate iroun te Atua;

M'akuri 17:31

i bukina b'a E a tia ni motika te bong are E nang kaeti iai taekaia kaain aonnaba n te raoiroi iroun te Aomata are E a tia n rineia; ao E kaota koauana nakoia aomata ni kabaneia, ngke E a manga kamaiua mai buakoia maate.

M'akuri 2:24

ma E a manga kamaiua te Atua ao E kainaomata man te mate: b'a E aki konaaki n tauaki Iesu ni m'aakan te mate.

M'akuri 2:32

E a manga kamaiuaki Iesu aei iroun te Atua, ao bon taani kakoaua manga-utina ngaira ni kabaneira.

M'akuri 3:15

ao kam kamatea Uean te maiu, are E a manga kamaiua te Atua mai buakoia maate, ao bon taani kakoaua ngaira nakoni baikai.

M'akuri 4:10

ao e na ataaki iroumi ni kabaneingkami, ao irouia naba kaain te botannaomata ae Iteraera: b'a n aran Iesu Kristo are te I-Natareta, are kam kamatea n te kaibangaki, are E a manga kamaiua te Atua mai buakoia maate, boni Ngaia ae kamaiua teuae tei ni marurung i matami.

M'akuri 5:30

E kamaiua Iesu Atuaia ara bakatibu man te mate; boni Ngaia are kam tiringnga n tauria i aon te kaibangaki.

I-Rom 1:4

ma ni maiuna n tamnei are reitaki ma te Atua, ao E kaotia te Atua n te aro ae m'aaka b'a bon Natina ngke E a manga kamaiua mai buakoia maate.

I-Rom 10:7

“Ao antai ae na ruo nako moone?” (ae nanona, b'a antai ae na kaira rake Kristo mai buakoia maate).

I-Rom 15:33

E na mena iroumi ni kabaneingkami te Atua are mai Rouna te raoi. Amen.

I-Rom 16:20

E a kaani kamanatuan Tatan i aani waemi iroun te Atua, are e reke mai Rouna te raoi. E na mena iroumi ana akoi ara UEA are Iesu Kristo.

I-Rom 8:11

Ma ngkana E maeka i nanomi Tamnein te Atua, are manga kamaiua Iesu mai buakoia maate, are maeka i nanomi, ao te Atua are kamaiua Kristo Iesu mai buakoia maate E na kamaiu naba rab'atami iroun Tamneina.

1.I-Korinto 14:33

B'a te Atua, tiaki Atuan te mwebuaka, ma bon Atuan te raoi. Ao n aron are b'ainaki n aia ekaretia Kristian ni kabaneia:

1.I-Korinto 15:15

Ti na ataaki naba iai b'a ti kewe n ara kaotioti i bukin te Atua, ngke ti kaotiotia b'a Ngaia ae manga kamaiua Kristo man te mate; ma ngkana e koaua b'a a aki manga kamaiuaki maate, ao nanona b'a E bon aki manga kamaiua Kristo.

1.I-Korinto 6:14

E a manga kamaiuaki te UEA mai buakoia maate iroun te Atua, ao E na boni kamaiura naba ni m'aakana.

2.I-Korinto 13:11

Te kabanea, taari, kam na kakatonga, kam na kanako raoi aromi, kam na karau nanomi, kam na b'aina te nano ae ti te arona, kam na raoi; ao E na mena i roumi te Atua are e reke mai Rouna te tangira ma te raoi.

2.I-Korinto 4:14

b'a ti ataia b'a Teuare E a manga uti ara UEA are Iesu i Rouna, ti na maiu naba i Rouna ni botaki ma Iesu, ao E na kaotira ma ngkami i matan Iesu.

I-Karatia 1:1

Ngai ae B'auro, ae te tia tuatua, tiaki mairouia aomata, ao tiaki naba iroun te aomata, ma bon te tia tuatua iroun Iesu Kristo ma te Atua ae te Tama, are E a manga uti Iesu i rouna mai buakoia maate.

I-Ebeto 1:20

are E kam'akuria irouni Kristo ngke E a manga kamaiua man te mate, ao E katekatekaa i angaataina i karawa,

I-Biribi 4:9

Kam na karaoi baike kam reireiaki iai i rou, ake kam anganaki, ao ake kam ongo ma n noori i rou; ao E na mena iroumi te Atua are e reke te rau mai Rouna.

I-Korote 2:12

ao ngke kam b'abetitoaki, ao ti te bo ma kam taunaki ma Ngaia ao kam a manga uaia ni manga uti ma Ngaia i bukina b'a kam onimakina ana m'akuri te Atua are E a manga kamaiua man te mate.

1.I-Tetaronike 1:10

ao ni kaantaninga Natina mai karawa are E a manga kamaiua mai buakoia maate, are Iesu, are kamaiura man unin te Atua are e nangi roko.

1.I-Tetaronike 5:23

Ao Atuan te raoiroi E na karaoingkami b'a kam na riki n ai arona n aromi nako; ao a na kawakinaki tamneimi, ma maiumi, ma rab'atami, b'a a na aki konaki ni kabuakakaki i matan ara Uea are Iesu Kristo.

2.I-Tetaronike 3:16

E na anganingkami te raoi n aki toki n aaro nako te Uea are e reke te raoi mai Rouna. E na mena te Uea i roumi ni kabaneingkami.

Ebera 10:22

ao ti na kaania te Atua ma nanora ni koaua ao n ataakin raoi te onimaki, ngkai a tia ni kaitiakaki nanora man namakinani mwin te bure are ti taonaki iai, ao a tia rab'atara n tebokaki n te ran ae itiaki.

Ebera 10:29

Tera ngkanne aron te aomata ae toutoua Natin te Atua i aani waena, ma n atoatonga te raraa are b'ain te boraraoi are kaitiakaki iai man te bure b'a te b'ai ae aki itiaki, ma ni kamatauningaa te Tamnei n akoi? Iangoia ngkanne b'a m'aitira riki te karawawataki are e na b'akaria b'a mwini motikan taekana!

Ebera 9:20

ao e taku, “Te raraa aei boni kamatoaan te boraraoi ae E a tia te Atua n tua b'a e na karaoaki ma ngkami.”

1.Betero 1:21

ngkami akana kam onimakina te Atua i rouna, ae E a manga kamaiua mai buakoia maate, ao E anganna te neboaki; b'a a aonga n tiku ami onimaki ma ami kaantaninga iroun te Atua.

1.Betero 2:25

B'a kam tiotio nako ngkoa n ai aroia tiibu; ma kam a oki ngkai nakon te Tia Kawakini maiumi ma te Tia Tararuai.

1.Betero 5:4

Ao ngkana E a manga oki te Tia Kawakin-tiibu are te Mataniwi, ao e na reke iroumi te bau are te neboaki are aki kona n rai.